YEHEZKIEL 38:6 - Alkitab Singog In Mongondow Masa In Tanaa

⁶ Bayongan in intau mobarani nongkon butá mita in Gomer bo Bet-Togarma kon utuan, mayá moyotakinnea, bo nobayong in bangusa ibanea in tumakin doman.

YEHEZKIEL 38:6 ပူးပေါင်းရင်းမြစ်များ

YEHEZKIEL 27:14

Iko in noponoḻiu in pakakatmu mita kon kabaḷo in kereta, kabaḷo totakoian bo bagal nongkon Bet-Togarma.

YEHEZKIEL 32:30

Bayongan in ki adí ḷoḷaki i datu nongkon utuan in kon tua, natua doman intau mita in Sidon. Dungkuḷmai kawasa monia nokopomuká kon ondok, táe tanaa mosia in pinokopo oyámai bo takin diá sinoit mosia noponag kon dunia in intau minatoi noyotakin in intau mita inta minatoi kon pinoparangan. Kon tua mosia inumuḻid bo nobaba kon dosa takin intau mita inta noponag kon dunia in intau minatoi.

DANIEL 11:40

Aka imbuitdon in kawasa i datu in butá in utuan motoyongdon mopaḷut, ki datu in butá in toḷatan in monubudon kon inia. Bo ki datu in butá in utuan in motuḻí kon pinonubuan tatua totok in tumagab. Sia in mopotabábí in mobayong totok in kereta in parang, kabaḷo bo kapaḷ. Sia in monububí naonda bo ḷunud, bo mongawasa kon mobayong in butá.