YEHEZKIEL 38:4 - Alkitab Singog In Mongondow Masa In Tanaa

⁴ Potabaton-Kubí in sia, poḷutudan in kokaud kon tuḷan in ayoinea, bo mogugut kon inia poḷuaion takin bayongan in tontaranea. Nobarongbí totok in tontaranea tumotakoi kon kabaḷo inta nogi soragam tatua. Batúan in tontara nodia kon kaḻeaw bo kedang.

YEHEZKIEL 38:4 ပူးပေါင်းရင်းမြစ်များ

DATU MITA 2 19:28

Kinotaauan-Kubí kon iko in sinumorú totok kon i-Nakó, bo kinodongogan-Ku domandon in kaḷakuangmu tatua. Tanaa in popopakéan-Kudon in kokarit kon ngiungmu bo rante kon bibigmu, sinbá uguton-Kudon in iko mongin daḷan inta binayáanmu kon tungkuḷ in namangoi.”

TAWARIKH 1 12:8

Kon tungkuḷ in ki Daud kon tampat poḷoḷukadan inta kon padang gurun, nobayong in pojuang inta ponango-nangoian bo inta kopongalaman nongkon suku in Gad namangoi dinumugang kon inia. Mosia tua in pojuang mita inta mongopandoi mopomaké in kaḻeaw bo pandong; mosia tua in koontongan mongobarani komintan naonda bo singa bo ḷoḷampang monia in mokaḻet naonda bo rusa.

TAWARIKH 2 25:5

Ki Datu Amazia in nosipun kon bayongan in intau suku in Yohuda bo Benyamin bodongka nopotabá kon i monia sinimindog podudui in inanakan monia tontaní, kon bonu in tongganut in itoi in tontara toribu bo itoi in tontara mogatut. Onda intua nomiḻí in sia kon intau mita inta umur doyowa nopuḷú notaong bo namonik inta motaaudon moparang bo mopandoi mopomaké in pandong bo kaḻeaw. Kobayong monia in 300.000 in intau.

YESAYA 37:29

bo kinodongogan-Kudon in torú bo ḷoḷatúmu tatua. Tanaa in pinopoḷutudan-Ku in kokaud kon ngiungmu bo baḷaḷá kon bibigmu, sinbá iko in uguton-Ku mobui mongin daḷan inta binayáanmu kon dodai in iko namangoi.”

YESAYA 43:17

Sia in nopotabá in tontara bo porwira-Nea mita noparang, bo mosia in minayá nomaké in kereta inugut in kabaḷo. Táe noḷabú in mosia, diádon nokobangon bui, mosia in minatoi naonda bo sumbu inta nopiong.

YEREMIA 46:9

Poribatukdon, ei kabaḷo! Bayádon, ei kereta! Unadon, ei intau mita mongobarani inta nodia kon kaḻeaw nongkon Sudan bo Libia. Bo moiko doman, ei inta mongotoyang momiot nongkon butá in Lidia.’ ”

YEHEZKIEL 23:12

Ki Oholiba in totokbí in moibog kon intau mita in Asyur tatua, tayowmobiag mita inta mongoḷunat inta tontara tumotakoi kon kabaḷo, intau mita moḷoben bo pojabat mita moḷantud, bo tontara mita inta nogiḷambung mita in nokamumu tua.

YEHEZKIEL 29:4

Taanan-Kubí in kokaud in tunggimu bo ukatan in toyá mita kon unapmu. Bo uguton-Ku in iko poḷuai kon Ongkag in Nil takin bayongan in toyá inta noikompit kon unapmu tua.

YEHEZKIEL 38:15

Iko in mobuat nongkon pinogutunanmu, noyayú kon utuan, sinakinan in tontara tumotakoi kon kabaḷo nongkon noyagi-yagimai in bangusa.

YEHEZKIEL 38:3

Pogumandon kon inia kon Akuoi, ki Tuhan Inta Totok in moḷantud, in musungnea.

YEHEZKIEL 39:2

Akuoi in mopoḷaḻebí kon inia, bo modia kon inia ḷumuai nongkon butá moyayú kon utuan, mopobayá in buḷud mita in Israel.

YEHEZKIEL 39:20

Kon meja-Ku mosia in motaaubí in mopobotug in sian monia takin mokaan kon bayongan in kabaḷo bo tumotakoinea bo takin doman intau mita inta noduḷu noparang. Akuoi, ki Tuhan Inta Totok in moḷantud ain nosingog.”

DANIEL 11:40

Aka imbuitdon in kawasa i datu in butá in utuan motoyongdon mopaḷut, ki datu in butá in toḷatan in monubudon kon inia. Bo ki datu in butá in utuan in motuḻí kon pinonubuan tatua totok in tumagab. Sia in mopotabábí in mobayong totok in kereta in parang, kabaḷo bo kapaḷ. Sia in monububí naonda bo ḷunud, bo mongawasa kon mobayong in butá.

AMOS 4:2

Akuoi, ki Tuhan Inta Totok in Moḷantud in ki Tuhan inta motusi, bo Akuoi in nodandidon kon moiko in kon singgai moiduduimai in irudon in kokaud; moiko komintan in naonda bo toyá kon mata in kail.