YEHEZKIEL 32:4 - Alkitab Singog In Mongondow Masa In Tanaa

⁴ Pomobak-Ku in iko kon butá bo bayongan in ḷagapan takin bayongan in mahaḷuk kon dunia naa pokikaanan-Kudon kon inimu.

YEHEZKIEL 32:4 ပူးပေါင်းရင်းမြစ်များ

MAZMUR 63:10

Táe intau mita inta moibog moḻimod kon inakó in moponagbí kon dunia in intau minatoi.

MAZMUR 74:14

Iko in nomutuk kon uḷu mita in Lewiatan bo binaḻí-Mu in sia kokaanon in mogogutun kon padang gurun.

YESAYA 14:19

Táe iko in diá kotampat poḷoḷobongan; mayatmu in iḷumbú naonda bo tokat inta kinodoí kinobumbunan in mayat mita in intau inta noroḷongasi noparang inta minatoi kon parang, bo pinogambat noyotakin monia kon bonu in bubú in batu, naonda bo awak bongkogdon inta kinoritakan.

YESAYA 18:6

Mayat in tontaranea mita in taḷaandon nobaḻí kokaanon in ḷagapan mita kon sempo in pononinggai, bo mahaḷuk moraat kon sempo in tumping.”

YESAYA 66:24

Kon tungkuḷ in mobuat, mosia in mokoontongbí, kon mayat in intau mita inta ain nomarontak kon i-Nakó. Uḷod inta nokaan kon awak monia in diábí matoi, bo tuḷú inta nomokak kon i monia in diábí mopiong; kinoontongan tobatú inta mokokoningkim kon bayongan in intau.”

YEREMIA 25:33

Kon singgai tatua mayat in intau mita inta pinatoi i Tuhan in moibilabagdon magí mako kon sinangkub in butá. Mosia in diá bidon ombaḷan, diábí doman buaton sin ḷobongon, táe pomayá bidon mako kon butá naonda bo kinosipunan in apat.

YEREMIA 8:2

deemanbí sipunon bo ḷobongon bui, táe pomayádon mako kon butá nobaḻí apat. Tuḷan in intau mita tatua in moiraritdon kon sindar in mata in singgai, in buḷan bo in tundi mita inta binaḻí monia dewa, inta kinotabi, inundoi, sinumba bo poiguman kon topotundú.

YEHEZKIEL 29:5

Onda intua iko bo bayongan in toyá tatua in pogambat-Ku kon rawang in bungaion. Awakmu in moirobudon kon butá bo moitongkob mako kon tua. Diábí tobatúmai in intau in moḷobong kon inimu. Awakmu in ogoi-Kubí kon ḷagapan mita bo mahaḷuk mita ibanea sin kaanon.

YEHEZKIEL 35:8

Buḷud mita in bumbunan-Kubí in mayatmu mita, tombuḷud bo ḷopá in puḻingan-Kubí in intau mita inta minatoi kon parang.

YOËL 3:19

Mesir in mobaḻídon buḷud inta mobota-botak, bo Edom in mobaḻídon moḷogat, diá bidon pogutunan in intau. Popisí in mosia in nonubudon kon intau in Yohuda, bo noḻimod kon intau kon butá tatua inta diá in taḷánea.