YEHEZKIEL 3:5 - Alkitab Singog In Mongondow Masa In Tanaa

^5-6 Kon i moniata potabá-Ku in iko, bo deeman kon bangusa inta singognea in mororiga, torupa bo diá komangaḻeanmu. Aka kuma bo iko potabá-Ku kon bangusa inta ná tatua, dá mosia in mokidongogbí kon tosingogonmu mita.

YEHEZKIEL 3:5 ပူးပေါင်းရင်းမြစ်များ

MAZMUR 81:5

Sin tua in tobatú atorang kon Israel, tobatú parenta nongkon i Allah i Yakub.

YESAYA 28:11

Aka moiko doí mokidongog kon inakó, dá ki Tuhan in mopotabádon mangoi in intau ango-angoi sin motundú kon i monimu podoyon kon ḻegú bo tosingogon inta diá komangaḻean.

YESAYA 33:19

Moiko in diá bidon mokoontong kon intau mita ango-angoi inta moromú inta mosingog kon tosingogon inta diá kinomangaḻean monimu.

YEHEZKIEL 3:4

Ki Allah in bui noguman, “Ei intau inta ilo-ilow, bayádon kon intau mita in Israel bo potaaudon in bayongan in koyow-Ku kon i monia.

YEHEZKIEL 43:5

Roho i Tuhan nobingkat kon inakó bo dinianea in akuoi kon dangkuḷon dotá in bonunea; kon tua inontongku in Baḷoi Tuhan inta kinawasa in sindar kinoangoian i Tuhan.

YUNUS 1:2

Guman i Tuhan, “Bayádon kon Niniwe, kotá moḷoben tatua, sin mongindoyó kon inia, sin kinotaauan-Kudon kon intau mita kon tua in mongoraat totok.”

OUMAN IN RASUL MITA 14:11

Naonda intau moantó nokoontong kon onu inta ain inaidan i Paulus, mosia in nomaḷú kon bonu in bahasa Likaonia, “Dewa mita in noponagdon kon dunia naa naonda bo intau.”