YEHEZKIEL 3:11 - Alkitab Singog In Mongondow Masa In Tanaa

¹¹ Bayádon kon bangusamu inta kon bonu in pinoḷumbúan tatua, bo potaaudon in onu inta potaau-Ku, ki Tuhan Inta Totok in moḷantud kon i monia, moibog andeka doí in mosia mokidongog.”

YEHEZKIEL 3:11 ပူးပေါင်းရင်းမြစ်များ

IḶUAIAN 32:7

Dá ki Tuhan noguman kon i Musa, “Ḷagidon posiḻig, sin bangusa inta diniamu iḻumuai nongkon butá in Mesir nomiadon kon inta moraat.

YEREMIA 29:20

Bo moiko komintan inta ain iḷumbú-Ku kon Babel, indongogai in onu inta pinoguman-Ku, Tuhan.’

YEHEZKIEL 2:4

Mosia in pamandot bo diá mohoromat kon i-Nakó. Iko in potabá-Ku mayá kon i monia mopotaau kon onu inta bain potaau-Ku, Tuhan Inta Totok in moḷantud kon i monia,

YEHEZKIEL 2:5

indongogan monia andeka diá; naabí in inta totok in moponting, musti kotaauan monia kon oyúon in nabi kon yua-yuak monia.

YEHEZKIEL 2:7

Potaaubí in bayongan in koyow-Ku kon i monia, pinomayá moibog in mosia mokidongog andeka doí. Toropdon kon mosia tua in momomarontak mita.

YEHEZKIEL 20:27

Yo, intau ilo-ilow, potaaudon kon intau in Israel, onu inta poguman-Ku, ki Tuhan Inta Totok in moḷantud kon i monia: naa in sonto ibanea inta mopoontong kon naonda in mogoguyangmu noningkuḻe kon i-Nakó bo diá motoindudui kon i-Nakó.

YEHEZKIEL 3:10

Noiduduimai kon tua ki Allah in noguman, “Ei intau inta ilo-ilow, taridiai kopira bo toropdon in bayongan inta poguman-Ku kon inimu.

YEHEZKIEL 3:12

Bo Roho i Allah in nobingkat kon inakó bo kon tumiku in kinodongoganku in singog in gotup inta noguman, “Dayowdon in kamuliaan i Tuhan kon soroga.”

YEHEZKIEL 3:15

Dá noiyaputdon in akuoi kon tampat pinogutunan in intau mita inta iḻumbú kon Tel-Abib kon bingkí in Ongkag in Kebar. Pitu nosinggai in akuoi nogutun kon tua; noitongau mako in akuoi popisí in bayongan in inta bagukupa dinongog bo inta inontongku.

YEHEZKIEL 3:27

Bain, aka Akuoi mosingog bui kon inimu bo mopobui in ropotmu mosingog bui, yo iko in mustibí mopotaau kon onu inta poguman-Ku, Tuhan Inta Totok in moḷantud kon i monia. Tongosilai kon i monia in mokodongogbí, táe tongosilai doman in diábí mokidongog, sin mosia in totuubí kon bangusa momomarontak.”

YEHEZKIEL 33:12

Yo, intau ilo-ilow, pogumandon kon intau in Israel kon aka intau inta moraat mogaid kon dosa, dá aidnea mopia inta dungkuḷ in diábí mokotuḷung kon inia. Aka intau moraat mogogai in mogaid kon dosa, yo sia in diábí hukumon bo aka intau mopia mogaid kon dosa, yo sia in diábí posaḷamaton.

YEHEZKIEL 33:17

Táe bangusa tatua in noguman kon aid-Ku tatua in diá moadil! Bokaka aidbí monia in diá moadil.

YEHEZKIEL 33:2

“Ei intau ilo-ilow, pogumandon kon bangusamu kon aka Akuoi in mopoangoidon in parang kon ḻipú tobatú, naa in inta mobaḻí. Intau mita inta nogutun kon butá tatua in momiḻíbí kon intau tobatú kon sigad monia mobaḻí moḷoḷukad.

YEHEZKIEL 33:30

Ki Tuhan in noguman, “Ei intau ilo-ilow, iko in nobaḻídon toouman mako in intau tobangusamu aka mosia moyodungkuḷ kon diug in dinding mita in kotá andeka kon tayowon in ngara mita in baḷoi. Mosia in mosigumanan, ‘Koḻigai, indongogan mongo onu in koyow i Tuhan singgai in naa.’

YEHEZKIEL 37:18

Aka bangusamu moḻibó kon mangaḻenea,

DANIEL 12:1

Malaekat inta nogiḷambung in pakeang linen tatua in noguman bui, “Kon dodai intua moitukatbí in malaekat moḷoben ki Mikhael moḷoḷukad kon bangusamu. Onda intua moiangoi in sempo in roriga inta diá in poḻiuan pinangkoi kon oyúondon in bangusa mita. Táe bayongan in intau nongkon bangusamu inta tangoinea pinais kon buk i Allah, in posaḷamatonbí.

DANIEL 6:13

minayádon in mosia komintan kon i datu sin mopongadu kon i Daniel. Mosia in noguman, “Ki Tuangku in notekengdon kon surat parenta inta moguman kon diápa ogoi in bayongan intau kon bonu in toḷu nopuḷú nosinggai naa in mopoyaput in oigum kon i dewanea andeka kon intau koḻikudbí in kon i Tuangku! Bo noguman doman, kon ki ine in ḻimimpat kon parenta tatua yo pogambatbí kon bubú in singa?” Ki Datu in notubag, “Totuu, bo parenta tatua in nobaḻídon undang-undang in Media bo Persia inta diábí motaau inggamáan bui.”

ULANGAN 9:12

Bo ki Tuhan noguman kon inakó, ‘Ḷagidon posiḻig, sin bangusamu inta diniamu iḻumuai nongkon Mesir nomiadon kon inta moraat. Mosia sinumabatdon nongkon parenta-Ku mita, bo nomiadon kon patong sin sumbáan.’