YEHEZKIEL 27:6 - Alkitab Singog In Mongondow Masa In Tanaa

⁶ Bobotoimu mita in pinomia nongkon pangkoi mita in kayu moḷoben kon Basan. Taḷogmu in pinomia nongkon kayu ḷokuyú, nongkon ḻibuton in Siprus, ḷambánea in pinomia nongkon gading inta nomahaḷ.

YEHEZKIEL 27:6 ပူးပေါင်းရင်းမြစ်များ

KINOBAḺIAN 10:4

Buí i Yawan in intau mita inta nogutun kon butá in Elisa, Spanyol, Siprus bo kon Rodes.

YESAYA 2:13

Pangkoi mita in ḷokuyú inta moḷantud kon Libanon bo bayongan in pangkoi in kayu moḷoben kon Basan in tokoyompaton.

YESAYA 23:1

Naadon in koyow soaḷ Tirus. Ei ḷoḷumeag mita in Spanyol inta noḻibu kon baḷangon, pogamuidon! Kon dodai in iḷumeag nobui nongkon Siprus, moiko in pinopotaauan kon kotá in Tirus ain norimumud. Totubuan bo baḷoimu mita ain nobaḻí apat.

YESAYA 23:12

Guman i Tuhan, “Ei kotá in Sidon! Iko in diá bidon mobarasanang bui. Intaumu mita in dinorotan. Umpaka in mosia noḷagui minayá in Siprus, diábí in mosia moaman.” (

YEREMIA 2:10

Bayádon pongin bingkí in dagat in Siprus kon dotá in toyopan, potabádon in intau mayá in dotá in utuan kon butá in intau in Kedar, taridiaidon kon tua kotaridion, mongo nokoimontandon in nobaḻí in natua?

YEREMIA 22:20

Ki Tuhan in noguman, “Ei intau in Yerusalem, bayádon in Libanon bo Basan, bo pomaḷúdon kon tua. Karakdon kon buḷud in Moab, sin bayongan in totakinmu in sinaḷowdon.

DANIEL 11:30

Sin intau mita in Rum takin kapaḷnea mita in mamangoi nongkon Siprus bo momarang kon inia, dá angoiandon totok in ondok in sia. Bo mobuidon in sia takin tumorú totok bo moḷongasi morimumud kon agama in umat i Allah. Sia in dumuduibí kon tonggina in intau inta ain nomaḻidawan kon agama tatua.

ZAKHARIA 11:2

Ei pangkoi in daru, pogamuidon, sin noobatdon in pangkoi mita in ḷokuyú, pangkoi mita inta mongotoyang ain noumpag. Ei pangkoi mita mongoḷoben kon Basan, pongombaḷdon. Sin kayuon mita moḷoben sinokotaḷunandon komintan.

PINOGIAPAN 21:33

Nopaḷut mako kon tua intau mita in Israel nomurow bo nongin daḷan nopobayá in Basan. Datu in Og nongkon Basan minayá takin tontaranea sin monubu kon intau mita in Israel kon kotá in Edrei.

PINOGIAPAN 24:24

Táe nongkon Siprus mamangoibí in kapaḷ mita in parang, mosia in monaḷowbí kon Asyur bo Heber, onda intua kapaḷ mita in parang tatua moyopúbí doman.”