YEHEZKIEL 27:1 - Alkitab Singog In Mongondow Masa In Tanaa

^1-3 Ki Tuhan Inta Totok in moḷantud in noguman kon inakó, “Ei intau ilo-ilow, podondongdon in dondong poḷobongan kon Tirus, kotá kon pintad inta nodagang takin intau mita kon bayongan in pintad: Tirus iḷumoḷatú iko in moguman, ‘Koḷunatku in totuu kon notompod.’

YEHEZKIEL 27:1 ပူးပေါင်းရင်းမြစ်များ

MAZMUR 87:4

“Mesir bo Babel in potuoton-Kubí kon bonu in bangusa mita inta motoindudui kon i-Nakó. Nodapot in Pilistea, Tirus bo Sudan moituot mobaḻí intau in Yerusalem.”

YEHEZKIEL 26:2

“Ei intau inta ilo-ilow, intau in Tirus ain nonggoḷokap poḷat moguman, ‘Yerusalem in norimumudon! Ropotnea kon podagangan noinggamádon! Diádon in sia nobaḻí saingan naton!’ ”

YEHEZKIEL 26:21

Iko in baḻíon-Ku contoh inta mokokoningkim, bo tuata in imbuit in ouman kon inimu. Intau mita in motayakbí kon inimu, táe diábí mouḻí in iko. Akuoi ki Tuhan Inta Totok in moḷantud ain nosingog.”

YEHEZKIEL 28:1

Ki Tuhan in noguman kon inakó,

AMOS 1:9

Ki Tuhan in noguman, “Intau in Tirus ain nopobui-buimai in binaradosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú komintan pinobayá in pinoḷumbúan, bo nobogoi kon Edom; mosia in iḻimimpatdon kon dodandian yoyobayatan.

ZAKHARIA 9:2

Hamat inta noyosigad in Hadrakh in ki Tuhan doman in kitogi, natua doman in kotá mita in Tirus bo Sidon takin bayongan kototaau in intaunea.