YEHEZKIEL 26:16 - Alkitab Singog In Mongondow Masa In Tanaa

¹⁶ Mokoontong kon ukurmu, datu mita nongkon bangusa mita kon pintad in simindog nongkon pomomarentaan, moḷongkut kon pakeang in datu bo ḷambung monia inta sinomboréan, bo ḻimitú kon butá urot mako. Totokdon in moondok in mosia modapot in diádon moonow.

YEHEZKIEL 26:16 ပူးပေါင်းရင်းမြစ်များ

AYUB 8:22

Intau inta mondoí kon inimu in mooyábí bo morasa kon moompádon, bo baḷoi in intau moraat in poguyaatonbí modapot in moyopú.”

MAZMUR 109:18

Aka kon inia mongutuk tua in biasabímai, naonda bo moḷutud kon ḷambungnea. Biódon mako in kutuk tatua moiyanap naonda bo tubig kon awaknea, bo naonda bo ḷana kon bonu in tuḷannea mita.

MAZMUR 109:29

Biódon mako in intau mita inta moponapud kon inakó ḻibutan in empeng, bo oyá in mongoḷob kon i monia naonda bo jubah.

MAZMUR 132:18

Dodatuannea in umuranbí mobiag mooyúon, táe musungnea mita in pokopooyáanbímai.”

MAZMUR 35:26

Biódon mako in intau inta mosanang in gina in nokoontong kon rorigaku in motoboḻingodon bo mooyádon. Biódon mako in intau inta ḷumoḷatú kon inakó in singkuḻeon bo pokopooyáanmai.

YESAYA 3:26

Kon bonawang mita in kotá intau in mononogumatoi bo mogamui, bo kotá tatua tontaní in naonda bo bobay inta pinilangan inta iḻimitú kon butá.

YESAYA 41:5

Intau kon butá moyayú in mokoontong kon onu inta ain inaidan-Ku Moitaḻikokog in mosia bo mourot sin moondok, bo mosipun moyotakin bo mamangoi.

YESAYA 47:1

Ki Tuhan in noguman, “Ei, Babel, poponagdon nongkon pomomarentaanmu, bo ḻitúdon kon tudu in ḷobud. Iko in diá bidon mosoing bo mopia ná dungkuḷmai.

YESAYA 52:2

Sindogdon nongkon ḷobud, ei Yerusalem, ponopirdon in ḷobud inta noikompit kon inimu. Ḷuatdon in rante inta pinotokig kon sigogowmu, ei intau in Sion inta dinakop!

YEREMIA 48:39

Moab in norimumudon totok. Totok in nooyá in Moab! Nongombaḷ in sia sin siningkuḻedon bo nobaḻí kokosingan in bangusa mita kon ḻibuneamai. Akuoi, ki Tuhan, ain nosingog.”

OMBAḶ 2:10

Guhanga mita in kotá iḻimitú kon butá bo kibio-biómai; mosia in nopoinggú in ḷobud kon uḷu, bo nomaké in kaeng karong nobaḻí tomponuot kon pinonogumatoian. Mongodeaga mita in kinumuyung nodapot in butá.

YEHEZKIEL 16:10

Onda intua iḷutudan-Kudon in ḷambung inta sinomboréan, sapatu kuḻit inta mopia, bandow nongkon kaeng linen bo jubah sutra.

YEHEZKIEL 26:21

Iko in baḻíon-Ku contoh inta mokokoningkim, bo tuata in imbuit in ouman kon inimu. Intau mita in motayakbí kon inimu, táe diábí mouḻí in iko. Akuoi ki Tuhan Inta Totok in moḷantud ain nosingog.”

YEHEZKIEL 28:17

Batanganmu inta mogaga nokoḷoḷatú kon inimu bo kaoyúonanmu nokopopisí kon inimu notombodok. Tuamai pinomobak-Ku in iko kon butá bo binaḻí-Ku tompoingat kon datu mita ibanea.’ ”

YEHEZKIEL 31:15

Nanaa in singog i Tuhan Inta Totok in moḷantud, “Aka pangkoi in kayu tatua moponag kon dunia in intau minatoi, potabá-Ku in tubig kon ḻimonag in butá nonagom kon inia nobaḻí tomponuot nonogumatoi. Pogogaion-Kubí in toḷog in ongkag bo modimpot kon tapá mita. Popisí in pangkoi in kayu tatua minatoidon, popoangoi-Kubí in sindip kon buḷud mita in Libanon bo poḷaḷowon in bayongan in kayu kon kayuon.

YEHEZKIEL 32:10

Totuu, bambingon-Kubí in kedang-Ku bo monaḷow kon inimu. Datu mita bo bangusa mita in mokoontongbí kon onu in pomiaan-Ku kon inimu. Kon dodai intua mourotdon in ondok in mosia bo mogugur sin moondok in matoi.’ ”

YEHEZKIEL 7:27

Datu in mogamui, ki adí ḷoḷaki in datu kobuḻian in kamang bo rayat in gugur mako sin moondok. Akuoi in mohukumbí kon i monimu podudui in bayongan in aidmu bo mohakim kon i monimu ná pinohohakim monimu kon intau ibanea. Dá kotaauandon monimu kon Akuoibí in ki Tuhan.”

YEHEZKIEL 7:8

Diádon moonggot bo moiko in mokonanamdon kon torú-Ku inta motoyang. Moiko in sisigan-Ku podudui in aidmu. Tuḻían-Kubí kon inimu in bayongan in aidmu inta moromú.

DANIEL 5:6

Nobilaidon totok in sia bo nádomai tua in ondoknea nodapot in nourotdon totok in duḷudnea.

HOSEA 11:10

Ki Tuhan in noguman, “Umat-Ku in dumuduibí kon i-Nakó aka Akuoi moganggor naonda bo singa bo mopourot kon musung monia. Umat-Ku in ḻimikatbí in mamangoi nongkon dotá in toyopan sin mosumba kon i-Nakó.

YUNUS 3:6

Kon tungkuḷ in datu in Niniwe nokodongog kon habar tatua, ḷagi in sia noponag nongkon ḷoḻitúan pomomarentaannea. Iḷongkutnea in jubah in dodatuannea bo noḷutud kon kaeng karong, bo iḻimitúdon in sia kon tudu in ḷobud.

HAGAI 2:22

dodatuan mita in umpagon-Ku bo kawasa monia in rimumudon-Ku. Kereta mita in parang takin mododianea in tokokaḻintuangon-Ku; bayongan in kabaḷo in matoi bo tumotakoinea in mosiḻimodandon.

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”

WAHYU 18:9

Datu mita kon dunia naa inta noitakin nogaid kon inta mokotor takinnea bo ibog in bobay tatua, in mongombaḷbí bo mogamui kon kotá tatua aka mosia in mokoontong kon poyok mobunod nongkon tuḷú inta momokak kon inia.