YEHEZKIEL 24:9 - Alkitab Singog In Mongondow Masa In Tanaa

⁹ Ki Tuhan Inta Totok in moḷantud in noguman, “Moboditodon in kotá inta nopuḻing in moḷoḻimod tatua! Akuoibí tontaní in monompia kon kayu potubáan kon inia.

YEHEZKIEL 24:9 ပူးပေါင်းရင်းမြစ်များ

YESAYA 30:33

Nongkon koḻipodpabímai ain sinadia in tampat potubáan kon i datu in Asyur. Tampat tatua modaḷom bo mooḷad, binonuan in kayu pondungú inta noyoguntuḷdon. Ki Tuhan in mopoyongkitdon intua pongin mopoirup in poginaan-Nea ná ongkag in balerang.

YESAYA 31:9

Datu monia in moḷagui takin ondok, bo itoi in tontaranea mita in totokdon in moitaḻikokog, dá taḷaandon monia in bandera mita in parang.” Ki Tuhan ain nosingog, ki Tuhan inta sinumba bo ihoromat pinongin nobogoi in kuruban payongon kon Yerusalem.

YEHEZKIEL 21:2

“Ei intau ilo-ilow, kutukdon in Yerusalem. Kutukdon in tampat mita pooibadaan kon tua. Potoingatdon kon butá in Israel,

YEHEZKIEL 21:3

kon Akuoi, ki Tuhan, in noguman nanaa, ‘Akuoi naa in musungmu. Rabuton-Kubí in kedang-Ku bo moḻimod kon i monimu komintan, inta moraat andeka inta mopia.

YEHEZKIEL 22:2

“Ei intau ilo-ilow, nosadiadon degá in iko in monisig kon kotá inta nopuḻing in pinoḻimodan tatua. Poontongdon kon inia in bayongan in aidnea inta mokorongó.”

YEHEZKIEL 22:31

Tuamai in tanaa pinobayá-Kudon in torú-Ku kon i monia, bo naonda bo tuḷú Akuoi in moyompat kon i monia popisí in aid monia. Akuoi ki Tuhan Inta Totok in moḷantud ain nosingog.”

YEHEZKIEL 24:10

Dugangai in kayunea! Kokabai in tuḷúnea! Tuon in ponoyánea! Ḷumbú in tubignea, Tubá in tuḷannea mita!

YEHEZKIEL 24:5

Paké in tapú in domba inta noḷongó bo batánea dugangai in kayu pondungú. Biódon mako in modidí bo mogoḷa-goḷak in tubignea tuondon in ponoyá tatua takin tuḷannea mita.”

YEHEZKIEL 24:6

Ki Tuhan Inta Totok in moḷantud in noguman, “Moboditodon in kotá inta nopuḻing in moḷoḻimod tua naonda bo kuyon kinaḻiotá inta diádon kon dodai in onda in iradatan. Ponoyá inta kon bonunea in poḷuaion tumongo pongkó, modapot in diá in kotaḷáan.

NAHUM 3:1

Moboditodon in kotá tanaa inta nopuḻing in uboḷ bo poḻimodan; nopuḻing in pakakat inta sinokoagow andeka dinomok.

HABAKUK 2:12

Kinutukdon in iko! Iko in moposindog in kotá pinodoyon kon aid moraat bo mobaḷoi pongin poḻimodan.

TESALONIKA 2 1:8

bo takin tuḷú inta kodoko-dokot. Sia in mamangoi mohukum kon intau mita inta diá mopirisaya kon i Allah bo inta doí mokidongog kon Habar Mopia i Yesus Kristus ki Tuhan naton.

YUDAS 1:7

Torop domandon in onu inta nobaḻí kon kotá in Sodom bo Gomora bo kon kotá mita inta kon diugneamai, inta intaunea mita kon tua in nogaid doman kon ná inta pinomia in malaekat mita tatua. Mosia in nogaid kon soaḷ mita inta mokooyá totok bo nogaid doman kon inta diádon patus aidan in intau. Hukuman kon i monia tua in tuḷu inta diá mopio-piong, sinbá tua in mobaḻí tompoingat kon bayongan in intau.

WAHYU 14:20

Bungai in anggur mita tatua in giniḻing kon ḷuai in kotá bo iḷumuaidon in dugú nongkon giḻingan tatua, moiḻig naonda bo ongkag. 300 km in koyayú in kinoiḻigannea, bo koḻinownea in gogió bodoyowá nometer.

WAHYU 16:19

Kotá inta moḷoben tatua nobotak nosilai toḷu nosilai, bo norimumudon doman kotá mita in bayongan negara kon dunia inta diá nonotaau kon i Allah. Bo kinotoropandon i Allah in Babel, kotá inta moḷoben tua. Bo pinoinumdon i Allah in anggur nongkon palo anggur i Allah – tuata anggur torú-Nea inta moḷoben totok.

WAHYU 16:6

Sin mosia ain nopobutak in dugú in umat mita i Allah bo dugú in nabi mita; tanaa mako pinoinum-Mu domandon in mosia in dugú, patusbí tarimaan monia intua!”

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”