YEHEZKIEL 24:7 - Alkitab Singog In Mongondow Masa In Tanaa

⁷ Kon kotá tatua oyúon in poḻimodan, táe dugú in kurubannea diá noibutak kon butá, táe kon tudubí in batu inta motogat, dá diá motaau bumbunan.

YEHEZKIEL 24:7 ပူးပေါင်းရင်းမြစ်များ

DATU MITA IMITÁNEA 21:19

bo potaaudon kon inia kon Akuoi, ki Tuhan, in noguman nanaa, ‘Ain noḻimod, mogagowpa doman! Tuamai in dugúmu in diláan in ungkú kon tampat in pinodilaan in ungkú mita kon dugú i Nabot!’ ”

AYUB 16:18

Ei dunia, raat kon inakó dikabí bunion; dika pomayá mako in kuaniku mopoigum in koadilan.

YESAYA 26:21

Ki Tuhan in moponagbí nongkon tampat-Nea kon soroga sin mohukum kon intau kon dunia sin dosa monia. Pinoḻimodan inta inaidan monia inumado-adop in poniatabí. Butá in diábí momumbun kon intau mita inta minatoi iḻimod.

YESAYA 3:9

Dodia monia inta moḷoḷatú moponiata kon aid monia inta moraat. Koonto-ontong mako mosia in mogaid kon dosa naonda bo intau in Sodom dungkuḷmai. Mobodito in mosia! Mosia in mopoangoi in bodito kon i monia tontaní.

YEREMIA 2:34

Ḷambungmu in notamak in dugú in intau bogá bo in intau inta diá kotaḷá, deemanbí dugú in mononakow inta kinodomokan. Tongá umpaka natua,

YEREMIA 6:15

Mustibí in mosia tua mooyá sin nogaidon kon bayongan inta mokooyá tua. Táe mosia tua in nobunodon in pogot bo diá kooyá. Tuamai in moḷabúbí in mosia ná intau ibanea; modaitdon in ouman monia aka Akuoi mohukum kon i monia. Akuoi, ki Tuhan, ain nosingog.”

YEHEZKIEL 23:45

Táe intau mita motoḷutui in monisigbí kon doyowa mogutat tatua noidoyon kon totuaḻingan bo pinoḻimodan, sin mosia in totuubí kon kotaḷá.”

IMAMAT 17:13

Aka intau Israel tobatú ande intau ango-angoi tobatú inta nogutun notantú kon sigad in bangusa Israel modomok kon ḷagapan ande mahaḷuk ibanea inta diá haram, yo musti poḷuainea in dugú in mahaḷuk tatua bo bumbunannea in butá.

ZEPANYA 1:17

Ki Tuhan in noguman, “Akuoi in mopoangoibí in bodito mobayong kon umat intau, dá mosia in mongokapdon naonda bo intau bilog. Mosia in binaradosadon kon i-Nakó, bo tanaa in dugú monia in moibutakdon naonda bo tubig, bo mayat mita monia in mobongkogdon kon tudu in butá.”

ULANGAN 12:16

Tongá dugúnea in diábí motaau kaanon, táe musti popobutak kon butá ná tubig.

ULANGAN 12:24

Dugúnea in beresibí diá motaau kaanon, táe mustibí popobutak kon butá naonda bo tubig.