YEHEZKIEL 23:3 - Alkitab Singog In Mongondow Masa In Tanaa

³ Kon dodai in noguodpa, nogutun in mosia kon Mesir. Kon tua mosia nosiugdon takin ḷoḷaki, bo nobaḻídon sundaḷ.

YEHEZKIEL 23:3 ပူးပေါင်းရင်းမြစ်များ

YEREMIA 3:9

bo beresibí diá inagían in oyá. Sia in nonuaḻing popisí in nosumba kon batu bo pangkoi in kayu, dá butá tanaa in nobaḻídon nonajis.

YEHEZKIEL 16:15

Táe noitaḷá in pinododiamu kon koḷoḷunatmu takin kopia in tangoimu. Iko in nosiug takin ki inedon in ḷoḷaki inta moitaḻib.

YEHEZKIEL 16:22

Kon kobiaganmu inta mokorongó tua saḷaku sundaḷ, yo topiḻikmai diá bidon kinotoropanmu in kobiaganmu kon tungkuḷ in nointokpa koḻipod, kon dodai in iko diá koḷambu-ḷambung bo moḻiaimai kon bonu in dugúmu tontaní.”

YEHEZKIEL 20:7

Pinoki ḷumbú-Ku kon i monia in patong mita mokorongó inta kinoibog monia tua, bo inimaḷowan-Ku in mosia in moponajis in awak monia pongin mosumba kon berhala mita kon Mesir, sin Akuoibí naa in ki Tuhan Allah monia.

YEHEZKIEL 20:8

Táe mosia in noḷawang kon i-Nakó bo doí nokidongog kon i-Nakó. Mosia in doíbí noḷumbú kon patong mita inta mokorongó tatua bo diá doman moibog in mogogai in mosumba kon berhala mita in Mesir. Kon tungkuḷ in mosia kon tuapa, Akuoi in nosadiadon kon mopoḷuai in torú-Ku kon i monia.

YEHEZKIEL 23:19

Koonggot-koonggot mokakitdon in sia mokituaḻing, diádon in yoposinea kon tungkuḷ in sia noguodpa kon dodai in sinumundaḷ kon Mesir.

YEHEZKIEL 23:21

Ei Oholiba, moibogbí in iko mopoaid bui kon onu inta inaidanmu kon dodai in noguodpa in iko, kon tungkuḷ intau in Mesir mongogayokan takinmu.)”

YEHEZKIEL 23:4

Guya-guyang ki Ohola in tangoinea, sia in nobaḻí lambang in Samaria. Ki ai-ainea in ki Oholiba in tangoinea; sia in nobaḻí lambang kon Yerusalem. Akuoi in notonibuḷoi i nayadua tua bo nokouḻí kon adí kon inayadua.

YEHEZKIEL 23:43

Bo irai-Ku, ‘Moibogpa degá in intau mita tatua mopogogitog in ibog takin sundaḷ mita inta ain noḷaḷow popisí in totuaḻingan?’

YEHEZKIEL 23:8

Sia in umuranbí sinumundaḷ ná dungkuḷmai wakutu in kon Mesir, kon tampat inta dungkuḷ sia nosiug takin ḷoḷaki. Pinangkoi kon sia mongoadípa, sia in siniugandon bo pinomia saḷaku sundaḷ.

HOSEA 1:2

Kon dodai in ki Tuhan dungkuḷ totok nosingog kon bangusa in Israel pinongin inakó, ki Tuhan in noguman, “Hosea, tonibuḷoidon in bobay tobatú inta sundaḷ, bo ki adímu mita doman in moidayan kon inia. Umat-Ku in notongkai ná ki buḷoimu tatua; mosia in diá motoḷutui kon i-Nakó, bo nonaḷámai kon i-Nakó.”

HOSEA 2:15

Gobá mita in anggurnea in pobuion-Kubí bui kon inia, bo Ḷopá in Roriga in baḻíon-Ku ngara pongamangan. Kon tua sia in motomu kon i-Nakó ná kon tungkuḷ in sia noguodpa, kon tungkuḷ in sia bagu iḻumuai nongkon Mesir.

IMAMAT 17:7

Bangusa Israel musti tantú motoindudui kon i Tuhan bo diábí motaau mokoimontanmai moratá kon mahaḷuk kon gobá mita sin ogoi posumba kon dimukud mita moraat. Atorang tanaa musti umuran duduian modapot kon adí bo ompu.

ULANGAN 29:16

“Kinotoropanpabí monimu in naonda in kobobiag naton kon Mesir bo naonda in kita minayá nongin butá in bangusa mita ibanea.

YOSUA 24:14

“Dá, tanaa,” ki Yosua noguman doman nanaa, “horomatonbí in ki Tuhan. Pogundoidon kon i-Nia takin gina motuḻid bo mosatia. Ḷumbúdon in toḻindua in Tuhan inta sinumba in mogoguyangmu koḻipod kon Mesopotamia bo Mesir. Tongádon ki Tuhan in pogundoian.

WAHYU 11:8

Bo mayat monia moitongkob mako kon daḷan moḷoben kon kotá moḷoben, kon kotá inta pinopopakúan kon i Tuhan monia. Tangoi in kotá tatua aka secara rohani yo Sodom andeka Mesir.