YEHEZKIEL 22:7 - Alkitab Singog In Mongondow Masa In Tanaa

⁷ Diábí tobatúmai in intau inta nogutun kon inimu in mohoromat kon guyanganea. Iko in monompobaḻik kon intau ango-angoi bo motayak kon kauntungan nongkon roriga in boba-bobay bo uno-unon.

YEHEZKIEL 22:7 ပူးပေါင်းရင်းမြစ်များ

MAZMUR 94:5

Mosia in mondorot kon umat-Mu, o Tuhan, bo nomutuk kon intau mita inta piniḻí-Mu.

MAZMUR 94:6

Mosia in noḻimod kon boba-bobay bo uno-unon bo intau ango-angoi inta nogutun kon butá tanaa.

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

IḶUAIAN 21:17

Ki ine in mogodi-godimai kon i amá ande kon i inánea, musti hukumon matoi.

IḶUAIAN 23:9

Dika mopomia ibo-ibog kon intau ango-angoi; sin kinorasaandon monimu naonda in mobaḻí intau ango-angoi, sin koḻipod moiko nion intau doman ango-angoi kon butá in Mesir.”

AMSAL 20:20

Intau inta mogodi-godimai kon guyanganea, kobiagannea in moinggamábí naonda bo togá inta mopiong kon doḷom inta sindip.

AMSAL 30:11

Oyúon in intau mogodi-godimai kon i amánea bo diá mohoromat kon i inánea.

AMSAL 30:17

Intau inta moningkuḻe kon i amánea andeka kon i inánea inta ain nogoguyang, patusbí pogambat kon ḷuai sinbá matanea padokon in ḷagapan kawag bo awaknea in kaanon in ḷagapan boniá.

YESAYA 1:17

pobalajardon mogaid kon inta mopia. Posindogdon in inta moadil bo ḷumbúdon in aid mondorot; ogoidon kon uno-unon in hak monia bo duḷuai in pelekara in boba-bobay mita.”

YESAYA 1:23

Itoimu mita momomarontak bo nobaḻí ki ata in mononakow; mosia in moibog motarima kon tombuinag bo doit posogó. Mosia in doíbí moduḷu kon uno-unon kon pongadilan; doí mokidongog kon popongaduan in boba-bobay mita.

YEREMIA 7:6

Dikadon mondorot kon intau ango-angoi, kon adí uno-unon, kon boba-bobay mita. Dika moḻimod kon intau inta diá kotaḷá kon butá tanaa. Dika mosumba kon ilah ibanea, sin tua in mokoputú kon i monimu.

YEHEZKIEL 18:12

Sia in monombuḻitokmai kon intau bogá, mogagow, mogamá kon pakakat mita inta nobaḻí tontogot in boboḻian kon inia. Sia in mayá kon kuil mita in intau inta diá nonotaau kon i Tuhan bo nosumba kon berhala inta mokorongó.

YEHEZKIEL 22:25

Itoinea mita naonda bo singa inta moganggor naonda in modomok mako kon kokaanonnea. Mosia in moḻimod kon rayat, mogagow kon bayongan in kapunyaan bo kaoyúonan inta nouḻí monia bo nokopopisí kon nobayong in nobaḻí dongka bobay-bobay.

YEHEZKIEL 22:29

Intau mita nooyúon monompobaḻik bo mogagow. Pomiaan monia ibo-ibog in intau bogá bo motayak kon kauntungan kon intau ango-angoi.

IMAMAT 20:9

Ki Tuhan nobogoi in atorang mita tanaa, “Intau inta mogodi-godimai kon i amánea ande kon i inánea musti hukumon matoi. Sia matoi popisí in taḷánea tontaní.

ZAKHARIA 7:10

Dikabí mondorot kon intau boba-bobay, adí uno-unon, intau mita ango-angoi inta nogutun kon yua-yuak monimu, andeka ki ineka in nobiag noyempeng. Bo dika doman monomayá kon moraat kon tumpaḷa intau.’

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

MARKUS 7:10

Ki Musa in nobogoidon in parenta nanaa, ‘Horomatdon in ki amá bo ki inámu,’ bo ‘Ki ine in moposingo-singogmai kon i amá ande kon i inánea, musti hukumon matoi.’

ULANGAN 24:17

Dika mogagow kon hak in intau ango-angoi bo in adí uno-unon, bo dika mogamá kon pakeang in boba-bobay tobatú sin baḻíon jaminan.

ULANGAN 27:16

‘Kinutuk in intau inta diá mohoromat kon guyanganea bo mopomayá mako kon i monia.’ ‘Amin!’

ULANGAN 27:19

‘Kinutuk in intau inta mogagow kon hak in intau ango-angoi, adí uno-unon bo inta dongka boba-bobay.’ ‘Amin!’

ULANGAN 5:16

Horomat bo ḷukadai in ki amá bo ki inámu; tuata in parenta-Ku, ki Tuhan Allahmu, sinbá moiko mobiag motompia bo moḷanggó in kobiagan kon butá inta bain ogoi-Ku kon inimu.