YEHEZKIEL 22:3 - Alkitab Singog In Mongondow Masa In Tanaa

^3-4 Ki Tuhan Inta Totok in moḷantud in nokipoyaput kon inakó in koyow tanaa kon Yerusalem, “Iko in kotaḷá popisí in noḻimodon kon nobayong in intaumu tontaní, bo noponajisdon in awakmu pinongin nosumba kon berhala mita inta pinomiamu tontaní. Tuamai in ponisigan kon inimu in motoyongdon bo kobiaganmu in ḷagidon modait. Iko in pomayá-Kudon mako in rebegon bo kosingan in bangusa mita bo bayongan in butá.

YEHEZKIEL 22:3 ပူးပေါင်းရင်းမြစ်များ

DATU MITA 2 24:3

Totuubí kon tua in mustibí mobaḻí, sin ki Tuhan in nogumandon kon bangusa in Yohuda in ḷumbúonbí nongkon butá inta inogoi i Tuhan kon i monia. Mosia in iḷumbú sin popisí in bayongan dosa inta inaidan i Datu Manasye;

DATU MITA 2 24:4

noiḷontú totok popisí in pinoḻimodan inta inaidannea kon intau mita inta diá kotaḷá. Ki Tuhan in doíbí mongampung kon i Manasye sin popisí in aidnea mita tatua.

MAZMUR 106:39

Popisí in aid mita monia tatua dá mosia in nonajisdon, bo diá notoḷutui kon i Allah.

YESAYA 1:21

Kotá inta koḻipod motoindudui, tanaa mako in nádon onda bo sundaḷ tobatú! Dungkuḷmai bayongan in intaunea in moadil bo mojujur, táe tanaa in pinogutunandon in moḷoḻimod mita.

YEHEZKIEL 12:25

Akuoi, ki Tuhan Inta Totok in moḷantud in mosingog kon bangusa in Israel, bo bayongan inta siningog-Ku in notantú bidon kon mobaḻí, bo diá bidon baḷú-baḷuian bui. Indongogaidon, ei intau mita momomarontak! Tungkuḷ in nobiagpa in iko yo aidan-Kudon in bayongan inta pinotoingat-Ku kon inimu. Akuoi, ki Tuhan Inta Totok in moḷantud ain nosingog.”

YEHEZKIEL 22:2

“Ei intau ilo-ilow, nosadiadon degá in iko in monisig kon kotá inta nopuḻing in pinoḻimodan tatua. Poontongdon kon inia in bayongan in aidnea inta mokorongó.”

YEHEZKIEL 22:27

Pojabat mita in pomarentanea naonda bo serigala inta noyingki-yingkit kon kokaanonnea. Mosia in moḻimod tongábí makusud motayak kon kauntungan.

YEHEZKIEL 22:6

Bayongan in itoi in Israel mopongata in ropotnea tontaní bo moḻimod.

YEHEZKIEL 23:37

Mosia in nomiadon kon totuaḻingan bo noḻimod; mosia in nonuaḻingdon takin in berhala mita bo noḻimod kon i adí-Ku mita inta pinononggadí monia. Adí mita tatua in pinosumbadon monia kon berhala mita monia.

YEHEZKIEL 23:45

Táe intau mita motoḷutui in monisigbí kon doyowa mogutat tatua noidoyon kon totuaḻingan bo pinoḻimodan, sin mosia in totuubí kon kotaḷá.”

YEHEZKIEL 23:7

Takin intau mita moḷoben tatua ki Ohola nonuaḻing. Popisí in sia totok in moibog mosiug takin monia, dá pinonajisneadon in awaknea pinongin nosumba kon berhala mita monia.

YEHEZKIEL 33:25

Tuamai in ki Tuhan Inta Totok in moḷantud in nopotabá kon inakó nopotaau in koyow-Nea tanaa kon i monia, “Moiko in nokaan kon ponoyá inta oyúonpa in dugúnea; moiko in nosumba kon berhala bo noḻimod. Mokobaḻíbí totok in moiko in mongaku kon butá tanaa moiko in kitogi.

YEHEZKIEL 9:9

Ki Allah in notubag, “Intau mita in Israel bo Yohuda in nogaidon kon dosa inta totok in moḷoben. Mosia in noḻimodon kon bayongan in tampat, bo Yerusalem in kinotorandon in aid moraat. Mosia in noguman kon Akuoi, ki Tuhan, in nonaḷámaidon kon butá tanaa dá diádon mokoontong kon aid monia.

MIKHA 3:10

Moiko in moposindog in Yerusalem, kotá i Allah, podoyon kon poḻimodan bo aid diá moadil.

ZEPANYA 3:3

Intau mita moḷoben kon kotá mita tatua in naonda bo singa inta moroganggor. Hakim-nea mita in naonda bo serigala mita inta ginogoi; mosia in totok turá nodapot in tuḷan yo diábí in sinaḷáan kaanon mopoikoḷomai.

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

PETRUS 2 2:3

Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.