YEHEZKIEL 21:9 - Alkitab Singog In Mongondow Masa In Tanaa

⁹ “Ei intau ilo-ilow, ponoḻindapdon! Potaaudon kon intau mita kon Akuoi, ki Tuhan in nogumandon nanaa, ‘Oyúon in kedang tobatú, kedang inta inatá bo iḷanitan.

YEHEZKIEL 21:9 ပူးပေါင်းရင်းမြစ်များ

AYUB 20:25

Sia in kinotugatan piot, dá sinompaḻían; ruit in piot inta mopouḻi-uḻinag noiḷambai kon awaknea, dá ginanea inagíandon in ondok.

YESAYA 27:1

Kon dodai intua ki Tuhan in momakébí in pitow-Nea inta moropot bo moḷanit sin mohukum kon Lewiatan, uḷag inta ḷumandai bo iḻimibo-ḻibod tua, bo moḻimod kon naga in dagat.

YESAYA 66:16

Sin bayongan in intau inta kinokadapatan kotaḷá in hukumon-Neabí in tuḷú bo pitow, bo mobayongbí in hukumon matoi.

YEREMIA 12:12

Nongkon ḷoḷan in padang gurun kon buḷud, intau mita mamangoi sin mogagow. Akuoi in nopoangoi in parang sin momoguyaat kon bayongan in ḻipú dá diádon tobatúmai in mobiag modame.

YEREMIA 15:2

Aka ḻibóon monia kon inimu mongo kon onda in bayáan monia, yo tubagai nanaa, ‘Ki Tuhan in noguman, inta sinantú matoi popisí in takit yo biódon mako in sia matoi in takit. Inta sinantú matoi kon poparangan yo biódon mako in sia matoi kon parang. Inta sinantú matoi popisí in gogoy yo biódon mako in sia matoi in gogoy. Inta sinantú dakopon, yo biódon mako in sia diaan saḷaku intau dinakop!’

YEREMIA 47:7

Táe motaau degá in sia kibio-biómai, aka Akuoi momarenta kon inia monubu kon Askelon bo intau inta nogutun kon bingkí in pintad?”

YEHEZKIEL 21:15

Binaḻínea in bangusa-Ku noinggamá in baraninea bo noḷabú noipintud. Inindoyó-Ku in kedang in kotá tatua inta mopouḻi-uḻinag naonda bo kilat, bo nosadiadon moḻimod.

YEHEZKIEL 21:28

“Ei intau ilo-ilow, ponoḻindapdon! Potaaudon kon intau in Amon inta ain noningkuḻe kon Israel, kon Akuoi, ki Tuhan Inta Totok in moḷantud in noguman, ‘Kedang tobatú ain sinadia poḻimod, kedang tatua in inatádon nopouḻi-uḻinag naonda bo kilat, sinbá motaaudon poḻimod.

YEHEZKIEL 21:3

kon Akuoi, ki Tuhan, in noguman nanaa, ‘Akuoi naa in musungmu. Rabuton-Kubí in kedang-Ku bo moḻimod kon i monimu komintan, inta moraat andeka inta mopia.

YEHEZKIEL 21:4

Kedang-Ku in pakéon-Ku ponayow-Ku kon bayongan in intau nongkon utuan nodapot in toḷatan.

YEHEZKIEL 21:8

Ki Tuhan in noguman kon inakó,

AMOS 9:4

Aka mosia dakopon in musung, yo pokiḻimod-Kubí in mosia. Niaton-Kubí yompaton in mosia, bo diábí in motuḷung kon i monia.”