YEHEZKIEL 21:3 - Alkitab Singog In Mongondow Masa In Tanaa

³ kon Akuoi, ki Tuhan, in noguman nanaa, ‘Akuoi naa in musungmu. Rabuton-Kubí in kedang-Ku bo moḻimod kon i monimu komintan, inta moraat andeka inta mopia.

YEHEZKIEL 21:3 ပူးပေါင်းရင်းမြစ်များ

MAZMUR 17:13

Sindogdon kaasí o Tuhan, tayowaidon in musungku bo upetdon in mosia. Posaḷamatdon in akuoi in kedang-Mu nongkon ponubuan in intau moraat.

MAZMUR 80:17

Musung ain nomupuḷ bo noturub kon inia; biódon mako mosia in yopúon in torú-Mu.

MAZMUR 83:15

Naonda bo tuḷú inta nomokak kon kayuon, dokot in tuḷú inta nomagong kon buḷud mita.

IḶUAIAN 15:9

Musung noguman, ‘Mosia in aḷowanku bo domokon, rabutonku in pitow, bo rataanku in mosia. Bo bayongan kaoyúonan monia agowonku, sila-silaionku bo pakéonku modapot in moorop.’

MOHOHUTUBA 9:2

Totuu, ukur inta motongkai in moiumabí kon batúan in intau: Intau motuḻid andeka intau mobelung in raian, intau mopia andeka intau moraat, intau modarit andeka intau nonajis, intau inta noposumba in kuruban andeka inta diá. Intau mopia in diábí mopia-pia in kobiagannea nongkon intau inta binaradosa, intau inta nongibot notongkaibí doman in intau inta doí mongibot.

YESAYA 10:5

Ki Tuhan in noguman, “Moboditodon in Asyur! Asyur in pakéon-Ku nobaḻí sambok bo popangkuḷ sin momongkug kon intau mita inta kinotugatan in torú-Ku.

YESAYA 34:5

Ki Tuhan ain nosadia kon pitow-Nea kon soroga, bo tanaa pitow tatua in moiantug kon bangusa in Edom inta ain pinopoḷabúan in hukuman bo yopúondon.

YESAYA 57:1

Intau mopia bo motoindudui minatoi, diá in nomangaḻe andeka nonaridimai. Naonda in minatoi, mosia in noiḷagui nongkon bodito bo nogogai takin dame.

YEREMIA 17:27

Bayongan intua in mobaḻíbí aka moiko motoḷutui kon i-Nakó bo mopotondí in Singgai in Sabat kon i-Nakó. Dika mogakut kon pakakat onuka bo tumaḻib kon bonawang mita in Yerusalem kon singgai tatua. Aka moiko ḻimimpat kon parenta-Ku mita tatua, bonawang mita in Yerusalem bo komaḻignea mita in daiton-Ku turubon tuḷú tatua in diábí kopiongan.’ ”

YEREMIA 21:13

Onda intua ki Tuhan in noguman kon Yerusalem, “Ei Yerusalem! Kinoukatanmu in moḷantu-ḷantud in ḷopá mita kon diugmumai. Iko in naonda bo buḷud batu irib kon rawang inta notondodai, táe Akuoi in moḷawangbí kon inimu. Iko in moguman kon diábí tobatúmai in intau in mokotubu kon inimu andeka mokodangat kon dindingmu mita,

YEREMIA 21:14

táe Akuoi in mohukumbí kon inimu popisí in oaidmu. Komaḻigmu in turubonkubí, bo bayongan in yagi-yagi kon diugnea in mopokakbí doman. Akuoi, ki Tuhan, ain nosingog.”

YEREMIA 50:31

Babel, iko in moiḻiudon ḷantud in gina! Tuamai in Akuoi, ki Tuhan, Inta Totok in moḷantud, Allah Inta totok in mokawasa, moḷawang kon inimu. Wakutuneadon iko hukumon-Ku.

YEREMIA 51:20

Ki Tuhan in noguman, “Babel, iko in nádon onda bo bobibil, pakakat-Ku pakéon moparang. Iko in pakéon-Ku sin pobibil kon bangusa mita bo dodatuan mita.

YEREMIA 51:25

Ei Babel, iko in naonda bo buḷud inta nokorimumud kon sinangkub in dunia. Táe Akuoi, ki Tuhan, in moḷawangbí kon inimu. Iko in uguton-Kubí bo ḻitoion-Ku bo pomayá-Kudon mako mopokak mobaḻí ḷobud.

YEHEZKIEL 14:17

Dika-dika popoangoi-Ku in parang kon butá tatua, bo popoangoi-Ku in ḷoḷutam mita inta motoyang sin moyopú kon intau bo mahaḷuk.

YEHEZKIEL 14:21

Ki Tuhan Inta Totok in moḷantud in noguman, “Akuoi in mopoḷabú in opat in hukuman-Ku inta totok in motoyang kon Yerusalem sin moyopú kon intau andeka mahaḷuk. Naa in hukuman mita tatua: parang, malarat in kaanon, mahaḷuk moraat bo yampoi in takit.

YEHEZKIEL 21:19

“Ei intau ilo-ilow, gambardon in daḷan doyowa inta motaau bayáan i datu in Babel inta kodia-dia in kedangnea. Daḷan doyowa tatua in musti pangkoion kon ḻipú tobatú tatua; daḷan tobatú in mopobayá ná Raba, kotá in Amon; bo inta tobatú in mopobayá ná Yerusalem, kotá inta oyúon in benteng kon Yohuda. Pais kon kayu in totundú in daḷan kon onda in poyotangaan.

YEHEZKIEL 24:9

Ki Tuhan Inta Totok in moḷantud in noguman, “Moboditodon in kotá inta nopuḻing in moḷoḻimod tatua! Akuoibí tontaní in monompia kon kayu potubáan kon inia.

YEHEZKIEL 26:3

Ki Tuhan Inta Totok in moḷantud in noguman, “Akuoi naa in musungmu, ei Tirus! Mobayongbí in bangusa in diaan-Ku sin monubu kon inimu, bo mosia in mamangoibí naonda bo bokoḷ in dagat.

YEHEZKIEL 29:10

dá Akuoi in mobaḻí musungmu, bo musung in Ongkag in Nilmu. Sinangkub in Mesir baḻíon-Ku butá inta moingongow totok pangkoion kon kotá in Migdol kon utuan modapot kon kotá in Aswan kon toḷatan, modapot kon pinosigadan in Sudan.

YEHEZKIEL 5:12

Tongosilai in intaumu in matoibí popisí in yampoi in takit bo malarat in gogoy inta moiuma kon kotá. Tongosilai doman in tota-totadon in kedang kon ḷuai in kotá, bo tongosilai doman in porariton-Ku kon bayongan in tampat bo batukon-Ku in kedang.

YEHEZKIEL 5:8

Dá Akuoi, ki Tuhan Inta Totok in moḷantud, noponiata kon Akuoi in musungmu. Iko in hukumon-Kubí kon tayowon in bangusa mita ibanea.

IMAMAT 26:25

Popomuká-Ku in parang kon sigad monimu sin mohukum kon i monimu popisí in moiko ain iḻimimpat kon dodandian-Ku takin monimu. Bo aka moiko moyosipun kon kotámu sin motayak kon motototuḷung, yo popoangoi-Kudon in takit inta diábí kotompiaan, dapot in moiko pakisadon tumungkud kon musungmu.

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.

AMOS 5:6

Pobuidon mangoi kon i Tuhan, dá moiko in mobiagbí. Aka moiko mobui mangoi kon i-Nia, Sia in mamangoibí naonda bo tuḷú inta ḷumekep bo momagong kon bayongan intau in Israel. Kon Betel diábí tobatúmai in intau in mokopiong kon tuḷú tatua.

AMOS 7:4

Akuoi in bui nokoontong kon tobatú oontongon nongkon i Tuhan Inta Totok in moḷantud. Inontongku in Sia koyogot in mosadia mohukum kon umat-Nea pongin tuḷú. Tuḷú tatua in ḷumekep kon bayongan in baḷangon kon ḻimonag in butá bo momangkoidon momokak kon gobá in tudunea.

NAHUM 2:13

“Akuoi naa in musungmu,” guman i Tuhan Inta Totok in mokawasa. “Keretamu mita in tubáan-Ku komintan. Prajuritmu in matoi kon poparangan, bo gamáan-Kubí in bayongan yagi-yagi inta ain ginamámu nongkon intau ibanea. Onu in sinuntut mita in intau pinotabámu in diá bidon kodongogan.”

NAHUM 3:5

Ki Tuhan Inta Totok in mokawasa in noguman, “Ei Niniwe, iko in rorigaan-Ku! Pilangan-Ku in iko kon tayowon in bangusa mita, dá kororaatmu koontongan monia.

ZEPANYA 2:12

Natua doman in intau in Sudan ḷabúan bidon i Tuhan in hukuman matoi.

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,