YEHEZKIEL 20:9 - Alkitab Singog In Mongondow Masa In Tanaa

⁹ Táe diábí inaidan-Ku intua, sinbá tangoi-Ku in diá singkuḻeon in bangusa mita inta kon pinogutunan monia. Sin kon tayowon in bangusa mita tatua, Akuoi in nopotaaudon kon bangusa Israel in diaan-Kudon ḷumuai nongkon Mesir.

YEHEZKIEL 20:9 ပူးပေါင်းရင်းမြစ်များ

MAZMUR 106:8

Táe ki Tuhan in noposaḷamat kon i monia podoyon kon i-Nia tontaní, sinbá kotorindog-Nea in moniata.

IḶUAIAN 32:11

Ki Musa nopoigum tabi kon i Tuhan Allahnea, kainia, “Tuhan, nongonu sin musti-Mubí aidan kon i monia in natua? Ikodon tontaní inta noposaḷamat kon i monia nongkon Mesir takin kawasa bo ropot-Mu inta moḷoben?

IḶUAIAN 32:12

Aka yopúon-Mu in mosia, yo intau in Mesir in mogumandon kon Iko in nodia kon i monia iḻumuai nongkon Mesir sin ḻimodon in kon buḷud bo yopúondon komintan. Donaai kaasí aidan in natua, o Tuhan, baḷuaidon in niat-Mu bo donaaidon popoantugan in bodito in bangusa tatua.

YESAYA 48:11

Tua in inaidan-Ku pinodoyon kon i-Nakó tontaní, sin Akuoi in diábí mopomayá mako in tangoi-Ku poraaton magí-mako; kamuliaan-Ku in diábí silaion-Ku kon i ineka.”

YEHEZKIEL 20:14

Táe diábí inaidan-Ku intua popisí in moḷukad kon tangoi-Ku, sinbá tangoi-Ku diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEHEZKIEL 20:22

Táe Akuoi in diábí nogaid kon tua sinbá tangoi-Ku in diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEHEZKIEL 39:7

Táe kon yua-yuak in intau in Israel, poniata-Kubí in tangoi-Ku inta motusi, bo tangoi-Ku tatua in diá bidon tamakon bui. Dá kotaauandon in bangusa mita kon Akuoibí in ki Tuhan, Allah inta motusi nongkon Israel.”

ULANGAN 9:28

Aka umat-Mu yopúon-Mu doman, dá intau mita in Mesir in mosingogbí kon Iko in diábí mokosanggup in modia kon bangusa-Mu mayá in butá inta pinodandi-Mu kon i monia, bo Iko nodia kon i monia mayá in padang gurun sin ḻimodon, sin moyaat in gina-Mu kon i monia.

YOSUA 2:10

Kinodongogandon nami in habar kon naonda in ki Tuhan nopoingkag kon Dagat in Gelagah kon tayowon monimu, kon tungkuḷ in moiko nonaḷámai kon Mesir. Dinongog domandon nami naonda in pinoḷoḻimod monimu kon i Sihon bo kon i Og, datu doyowa in bangusa Amori tatua kon dotá in pomukaan kon Ongkag in Yordan.

YOSUA 7:9

Intau in Kanaan bo bayongan intau ibanea kon butá tanaa in mokodongogdon kon tua. Ḻibutandon monia bo ḻimodon in kami komintan! Yo onu in pomiaan-Mu sinbá tangoi-Mu in umuran horomaton?”

SAMUEL 1 12:22

Ki Tuhan ain nongibot, kon Sia in diábí monaḷámai kon i monimu sin Sia ain nonantú kon umat-Nea tontaní.

SAMUEL 1 4:8

Moboditodon totuu! Ki ine in mokoposaḷamat kon inaton nongkon dewa mita inta moropot tatua? Degá dewabí mita tatua inta noḻimod kon intau mita in Mesir kon padang gurun koḻipod?