YEHEZKIEL 2:7 - Alkitab Singog In Mongondow Masa In Tanaa

⁷ Potaaubí in bayongan in koyow-Ku kon i monia, pinomayá moibog in mosia mokidongog andeka doí. Toropdon kon mosia tua in momomarontak mita.

YEHEZKIEL 2:7 ပူးပေါင်းရင်းမြစ်များ

IḶUAIAN 6:29

Táe ki Musa in notubag, “Tuhan, kinotaauan-Mudon kon akuoi naa in diá motoḻindat mosingog. Dá umpaka yo ki datu moibog mokidongog kon inakó?”

YEREMIA 1:17

Posadiadon, Yeremia! Bayádon bo potaaudon kon i monia, bayongan inta pinoki aid-Ku kon inimu. Dika moondok kon i monia, sinbá diá baḻíon-Ku in iko totok in moondok aka moyogintayowan mako monia.

YEREMIA 1:7

Táe ki Tuhan in notubag, “Dika moguman kon noguodpa in iko. Aka Akuoi in mopotabá kon inimu mayá kon i ineka, yo iko in mustibí mayá, bo bayongan inta pokiguman-Ku kon inimu, mustibí potaaumu kon i monia.

YEREMIA 17:20

Poyaputdon in koyow-Ku kon datu mita bo bayongan in intau in Yohuda takin bayongan in intau in Yerusalem inta moitaḻib kon bonawang mita tatua.

YEREMIA 23:28

Nabi inta sinumogoindop mustibí moguman, ‘Naa in tongábí togoindop.’ Táe nabi inta nokouḻí kon koyow nongkon i-Nakó mustibí mopotaau in koyow tatua podudui in koyow inta mobanar tua. Gandum in diábí motaau potongkaion in wawa.

YEREMIA 26:2

Ki Tuhan in noguman kon inakó, “Bayádon sindog kon palas in Baḷoi-Ku bo posingogdon kon intau mita in Yohuda inta namangoi moibada kon tua. Potaaudon kon i monia komintan in bayongan inta pinoki potaau-Ku kon inimu. Dika gaatan tongopiḻikmai.

YEREMIA 34:6

Dá koyow i Tuhan tua in pinotaauku kon i Datu Zedekia kon Yerusalem,

YEREMIA 36:14

Bo pojabat mita tatua in nopotabá kon i Yehudi (ki adí i Netanya, ki ompu i Selemya, ki ompu kon duḷud i Kusyi) minayá kon i Barukh takin parenta sinbá mamangoi bo modia mangoi kon i monia in ḻitodan buk inta ain binacanea tatua. Dá dinia i Barukh in buk tatua.

YEREMIA 42:21

Tanaa in pinotaaukudon in koyow in Tuhan Allah naton kon inimu, táe moiko in doíbí dinumudui kon koyow tatua.

YEREMIA 44:20

Tubagku kon bayongan in ḷoḷaki bo bobay inta noguman natua,

YEREMIA 6:28

Mosia komintan in momomarontak inta pamandot, naonda bo kotogat in bitú bo uatoi. Oaid monia in diá mopia bo maya-mayá mako sin mopotaau in habar inta moporomú kon intau ibanea.

YEREMIA 7:27

Onda intua ki Tuhan in noguman, “Tuamai, ei Yeremia, umpakabí iko mopotaau kon tua mita kon umat-Ku, yo mosia in diábí mokidongogmai kon singogmu mita. Umpaka iko mogoiní kon i monia, mosia in doíbí tumubag.

YEHEZKIEL 11:25

Bo inoumanku kon intau mita inta iḷumbú in bayongan inta pinoontong i Tuhan kon inakó.

YEHEZKIEL 12:2

“Ei intau inta ilo-ilow, iko in nogutun kon yua-yuak in intau momomarontak. Mosia tua in komata, táe diá moindoi; kobongoḷan, táe diá mokidongog, popisí in moibog in mosia momarontak.

YEHEZKIEL 2:5

indongogan monia andeka diá; naabí in inta totok in moponting, musti kotaauan monia kon oyúon in nabi kon yua-yuak monia.

YEHEZKIEL 20:27

Yo, intau ilo-ilow, potaaudon kon intau in Israel, onu inta poguman-Ku, ki Tuhan Inta Totok in moḷantud kon i monia: naa in sonto ibanea inta mopoontong kon naonda in mogoguyangmu noningkuḻe kon i-Nakó bo diá motoindudui kon i-Nakó.

YEHEZKIEL 3:10

Noiduduimai kon tua ki Allah in noguman, “Ei intau inta ilo-ilow, taridiai kopira bo toropdon in bayongan inta poguman-Ku kon inimu.

YEHEZKIEL 3:17

“Ei intau ilo-ilow, iko in duíon-Ku mobaḻí moḷoḷukad in bangusa in Israel. Poyaputdon kon i monia in tompoingat inta inogoi-Ku tanaa.

YEHEZKIEL 3:4

Ki Allah in bui noguman, “Ei intau inta ilo-ilow, bayádon kon intau mita in Israel bo potaaudon in bayongan in koyow-Ku kon i monia.

YEHEZKIEL 33:7

Ei intau ilo-ilow, iko in dinuí-Ku moḷoḷukad in bangusa Israel. Potaaudon kon i monia in tompoingat tanaa:

YEHEZKIEL 40:4

Ḷoḷaki tatua in noguman kon inakó, “Ei intau ilo-ilow, indongogaidon kopia bo taridiai in bayongan inta poontongku kon inimu, sin tuabí in mangaḻe in pinodiaanku kon inimu namangoi in naa. Potaaudon kon bangusa in Israel in bayongan inta ontongonmu.”

AMOS 3:13

Ki Tuhan Inta Totok in mokawasa bo Inta Totok in moḷantud in noguman, “Taridiaidon in tanaa, bo ogoiaidon in tompoingat in buí i Yakub.

YUNUS 3:2

Kai-Nia, “Bayádon kon Niniwe, kotá moḷoben tatua, bo potaaudon kon intaunea mita in koyow inta poguman-Ku kon inimu.”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”