YEHEZKIEL 2:5 - Alkitab Singog In Mongondow Masa In Tanaa

⁵ indongogan monia andeka diá; naabí in inta totok in moponting, musti kotaauan monia kon oyúon in nabi kon yua-yuak monia.

YEHEZKIEL 2:5 ပူးပေါင်းရင်းမြစ်များ

DATU MITA 2 5:8

Kinodongogan i Nabi Elisa intua, bo nokidia in koyow tanaa kon i datu in Israel, “Nongonu sin mohawatirbí? Potabádon mangoi in intau tanion kon inakó sinbá kotaauanneadon kon naa kon Israel in oyúonbí in nabi tobatú!”

YEREMIA 36:21

Bo ki datu in nopotabá kon i Yehudi nogamá kon ḻitodan in buk tatua. Naonda in ginamánea kon gopot i Elisama, binaca i Yehudi intua kon i datu bo kon bayongan in pojabat inta sinimindog iḻimibu kon i datu.

YEREMIA 42:19

Bo akuoi in noguman bui, “Ki Tuhan in nomarentadon sinbá moiko inta ki agatneapa kon Yohuda in diá mayá in Mesir. Tuamai in akuoi in mobogoi in toingat kon i monimu in tanaa

YEHEZKIEL 12:9

“Ei intau inta ilo-ilow, bangusa in Israel, bangusa momomarontak tatua ain noḻibó kon inimu mongo onu inta yogot in aidanmu.

YEHEZKIEL 17:12

“Ḻibódon kon momomarontak mita tatua, mongo komangaḻean monia in mangaḻe in poumpamaan tatua. Potaaudon kon i monia kon ki datu in Babel ain namangoi kon Yerusalem, bo nogakut kon i datu in Yohuda takin intau mita moḷoben in kotá tatua bo pinobayá in Babel.

YEHEZKIEL 2:7

Potaaubí in bayongan in koyow-Ku kon i monia, pinomayá moibog in mosia mokidongog andeka doí. Toropdon kon mosia tua in momomarontak mita.

YEHEZKIEL 24:3

Akuoi, ki Tuhan, kopoumpamaan tobatú inta potaau kon umat-Ku inta moibog momarontak: Aḻin in tubig kon bonu in pansi bo tuon kon tudu in tuḷú.

YEHEZKIEL 3:19

Aka iko mopotoingat kon intau moraat tatua bo doí in sia mogogai in mogaid kon inta moraat, yo sia in matoibí saḷaku inta binaradosa, táe iko in mosaḷamatbí.

YEHEZKIEL 3:26

Potorondóon-Ku in dilámu, dá iko in diádon motaau mopotoingat kon bangusa momomarontak tanaa.

YEHEZKIEL 3:27

Bain, aka Akuoi mosingog bui kon inimu bo mopobui in ropotmu mosingog bui, yo iko in mustibí mopotaau kon onu inta poguman-Ku, Tuhan Inta Totok in moḷantud kon i monia. Tongosilai kon i monia in mokodongogbí, táe tongosilai doman in diábí mokidongog, sin mosia in totuubí kon bangusa momomarontak.”

YEHEZKIEL 33:33

Bayongan inta pinogumanmu tatua in mobaḻíbí, bo aka moiangoidon in wakutunea, kotaauandon monia kon nokoimontandon in nabi tobatú nogutun kon yua-yuak monia.”

YEHEZKIEL 33:9

Aka iko nopotoingatdon kon intau moraat tatua bo doí in sia mogogai in mogaid kon inta moraat, yo matoibí in sia saḷaku intau binaradosa, táe iko in mosaḷamatbí.”

YEHEZKIEL 44:6

Pogumandon kon umat in Israel inta moibog momarontak tua kon Akuoi, ki Tuhan Inta Totok in moḷantud, doí bidon in mopomayá mako kon i monia momia kon inta nonajis.

YOHANES 15:22

Aka kuma bo Akuoi in diá namangoi bo diá doman nopotaau intua komintan kon i monia, dá diábí in mosia baradosaan. Táe aka tanaa, yo diá bidon in baḻíon monia dodoyonan moguman kon diá dosaan in mosia.

OUMAN IN RASUL MITA 13:46

Táe taran-tarangan in taya dua in nosingog nanaa: “Koḻipodpabí singog i Allah naa in pinoyaput kon i monimu. Táe diá sinarima monimu, sin moiko ain noguman tontaní kon moiko in diábí patus motarima kon kobiagan mononoi. Tuamai tanaa mako taḷaan nami in moiko bo mayá kon intau ibanea.

SURAT I PAULUS KON JAMAAT RUM 3:3

Táe naonda degá aka tongobotak intau in Yahudi diá mosatia? Degá tongádon popisí intua, dá ki Allah in diádon mosatia?