YEHEZKIEL 19:9 - Alkitab Singog In Mongondow Masa In Tanaa

⁹ Pinobonu in sia kon ḷantung in singa bodongka dinia kon butá in Babel, pinotayow kon i datu. Totok in iḷukadan in sia sinbá ganggornea diádon kodongogan bui kon tudu in tombuḷud mita in Israel inta moḷantud.

YEHEZKIEL 19:9 ပူးပေါင်းရင်းမြစ်များ

DATU MITA 2 19:28

Kinotaauan-Kubí kon iko in sinumorú totok kon i-Nakó, bo kinodongogan-Ku domandon in kaḷakuangmu tatua. Tanaa in popopakéan-Kudon in kokarit kon ngiungmu bo rante kon bibigmu, sinbá uguton-Kudon in iko mongin daḷan inta binayáanmu kon tungkuḷ in namangoi.”

DATU MITA 2 23:33

Pinomarentaan i Yoahas in nopaḷut naonda in ki Nekho datu in Mesir nodomok kon inia kon Ribla, kon butá in Hamat, bo pinakisanea in Yohuda moguboḻi kon iba kon inia kobayongnea in 3.400 nokilo in saḷaka bo 34 nokilo in buḷawan.

TAWARIKH 2 36:6

Naonda in ki Nebukadnezar datu in Babel nogagow kon Yohuda, dinomoknea in ki Yoyakim, bo dinia kotogo-togot pinobayá in Babel.

YEREMIA 22:17

Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.

YEHEZKIEL 19:7

Dinding mita dinangatannea, kotá mita pinoguyaatnea. Bayongan intau kon dunia noondokdon in nokodongog kon ganggornea inta moḷangon.

YEHEZKIEL 34:4

Domba mita inta noḻemé diábí ḷukadan monimu, inta notakit in diábí undaman monimu, inta kinekeban diábí binakut monimu, inta noiḷaḻe bo nobuḻi in diábí tayakon monimu bo diaan mangoi bui. Nodapotbí in bayongan in dombamu tatua in pomiaanbí monimu ibo-ibog.

YEHEZKIEL 36:1

Ki Tuhan in noguman, “Ei intau ilo-ilow, posingogdon kon buḷud mita in Israel bo pokiindongogaidon in mosia mokidongog kon tosingogon i Tuhan Inta Totok in moḷantud,

YEHEZKIEL 6:2

“Ei intau inta ilo-ilow, ḷangagaidon in buḷud mita in Israel, bo potaaudon in koyow-Ku soaḷ hukuman kon i monia.