YEHEZKIEL 19:3 - Alkitab Singog In Mongondow Masa In Tanaa

³ Ki adínea tobatú in dinidiknea bo sinundúnea motayak kon kokaanon. Dá nobaḻídon in sia singa inta noḷoben mododomok bo mokokaan kon intau.

YEHEZKIEL 19:3 ပူးပေါင်းရင်းမြစ်များ

DATU MITA 2 23:34

Onda intua ki datu Nekho in noduí kon i adí ḷoḷaki i Yosia inta ki Elyakim in tangoinea nobaḻí datu in Yohuda, bo binaḷuiannea in tangoi i Elyakim nobaḻí Yoyakim. Ki Yoahas in dinianea minayá in Mesir bo minatoi in sia kon tua.

YEHEZKIEL 19:2

Ki inámu in naonda bo singa kobaayan inta motoyang bo diá in poḻiuan. Sia in nomiag kon i adínea mita kon yua-yuak in singa mita inta mongotorindog.

YEHEZKIEL 19:4

Bangusa mita inta nokodongog kon soaḷ sia in moyosipun sin modomok kon inia. Sia in kinoakaḷan dá noibonu kon bubú bo dinakop, bo pinogambat kon Mesir takin kokaud.

YEHEZKIEL 19:6

Ki adí in singa tatua nobaḻídon noḷoben bo noyobayat in singa mita ibanea. Nobalajar in sia notayak kon kokaanon, bo nobaḻídon mokokaan doman kon intau.

YEHEZKIEL 22:25

Itoinea mita naonda bo singa inta moganggor naonda in modomok mako kon kokaanonnea. Mosia in moḻimod kon rayat, mogagow kon bayongan in kapunyaan bo kaoyúonan inta nouḻí monia bo nokopopisí kon nobayong in nobaḻí dongka bobay-bobay.

YEHEZKIEL 32:2

“Ei intau ilo-ilow, potoingatdon totok kon i datu in Mesir. Potaau in koyow-Ku tanaa kon inia, ‘Iko in tumon naonda bo singa batánea kon sigad in bangusa mita, táe iko in naonda bo bangkeḻé inta mogutun mako kon tubig. Sioḷmu in mokoḷobog bo mokokotor kon bayongan in ongkag.

ZAKHARIA 11:3

Indongogaidon in amui in pongawasa mita noinggamádon in ponango-nangoian kon i monia! Indongogaidon in ganggor in singa mita kon kayuon; sin nogoguyaatdon in pinogutunan monia kinoouput in Ongkag in Yordan.

ULANGAN 33:22

Bo kon suku i Dan sia noguman: “Bo naonda bo singa batánea inta iḷumanduk in iḻumuai nongkon Basan.”