YEHEZKIEL 18:9 - Alkitab Singog In Mongondow Masa In Tanaa

⁹ Sia in dinumuduibí kon parenta-Ku bo motoḷutui kon hukum-Ku mita. Intaubí mojujur natua in mobiag. Akuoi, ki Tuhan Inta Totok in moḷantud ain nosingog.

YEHEZKIEL 18:9 ပူးပေါင်းရင်းမြစ်များ

DATU MITA IMITÁNEA 9:4

Aka iko mogundoi kon i-Nakó takin gina motuḻid bo mobanar ná ki Daud ki amámu, bo iko in motoindudui kon bayongan hukum bo parenta-Ku,

AMSAL 12:28

Intau inta dumudui kon daḷan inta noitutui in mobiagbí mosanang; intau inta dinumudui kon daḷan inta moraat mopobayá in popatoi.

YEHEZKIEL 11:12

Dá kotaauandon monimu kon Akuoibí in ki Tuhan bo moiko in hukumon popisí in iḻimimpatdon kon atorang-Ku mita bo diádon dinumudui kon parenta-Ku mita takin dinumudui kon hukum mita in bangusa mita ibanea inta kon diugmumai.”

YEHEZKIEL 18:10

Táe aka kuma bo intau tatua kogadí kon adí inta moibog mogagow, moḻimod, bo momia mobarong in aid moraat ibanea

YEHEZKIEL 18:17

Diábí kon dodai in onda in sia in mogaid kon moraat andeka mopoḷuan takin rente. Sia in motoḷutui kon hukum-Ku mita bo dumudui kon parenta-Ku. Yo adí tatua in mobiagbí diábí matoi popisí in dosa mita i amánea.

YEHEZKIEL 18:19

Táe oyúon degá in moḻibó mongo nongonu sin adí tatua in diábí moitakin mobaba kon bungai in dosa mita i amánea. Naa in tubagnea: popisí in adí tatua mopia bo mojujur. Sia in motoḷutui kon hukum-Ku mita bo motoindudui in pogogaidnea, tuamai in umuran nobiag in sia.

YEHEZKIEL 20:11

Kon tua inogoi-Ku kon i monia in parenta-Ku mita bo sinundú-Ku in hukum-Ku mita inta musti duduian monia, sin intau inta dumudui kon tua in umuranbí mobiag.

YEHEZKIEL 20:13

Táe kon rawang in bungaion doman tatua noḷawang in mosia kon i-Nakó. Mosia in iḻimimpat kon parenta-Ku mita, bo nondoí kon hukum-Ku mita inta nopodandi kon intau mita inta umuran dumudui kon tua in mobiagbí. Mosia in totokbí in noporaa-raatmai kon singgai in Sabat. Tuamai, kon rawang in bungaion tatua nosadiadon in Akuoi mopoḷuai in torú-Ku kon i monia bo moyopú kon i monia.

YEHEZKIEL 36:27

Roho-Ku in popogonú-Ku kon bonu in ginamu bo ḷukadan-Ku in moiko sinbá mobiag podudui in hukum-Ku mita poḷat motoindudui kon bayongan in parenta-Ku.

YEHEZKIEL 37:24

Mosia in tobatúondon kon datu tobatú ná ki Daud inta momarenta modapot in mononoi. Takin toḷutui mosia in dumudui kon hukum-Ku mita. Bo modapot in mononoi mosia takin buí monia in mogutun kon butá tatua, butá inta inogoi-Ku kon i Yakub bo pinogutunan in mogoguyang monia.

IMAMAT 18:5

Duduiaidon in atorang mita bo hukum mita inta ogoi-Ku kon i monimu. Aka aidan monimu in natua, mosaḷamat in kobobiagmu. Akuoi naa in ki Tuhan.”

AMOS 5:14

Poḷongasidon pogaid kon inta mopia bo dikabí in moraat, sinbá moiko in mobiag. Dá ki Tuhan Inta Totok in Mokawasa in totu-totuudon mogutun kon sigad monimu ná inta pinoguman monimu.

AMOS 5:24

Mopia-piabí kon poḷongasi sinbá kooadil in moiḻig naonda bo tubig, bo kojojujur naonda bo ongkag inta diá moingka-ingkag.

AMOS 5:4

Ki Tuhan in noguman kon intau in Israel, “Pobuidon mangoi kon i-Nakó, dá mobiagbí in moiko.

HABAKUK 2:4

Bo pokoingatdon: Intau inta moraat in diábí mosaḷamat, táe intau inta mogaid kon onu in kinoibog i Allah in mobiagbí popisí in kotoinduduinea kon i Allah.”

LUKAS 1:6

Kobobiag inayadua motonibuḷoi tua mokosanang kon gina i Allah, sin taya dua in umuranbí dinumudui kon parenta bo atorang i Tuhan, diábí in sinaḻiban monia.

YOHANES 14:21

Intau inta notarima kon parenta-Ku mita bo nopoaid, sia tuata inta motabi kon i-Nakó. Bo Akuoi in motabibí doman kon intau tatua bo mokipogontongbí kon inia.”

OUMAN IN RASUL MITA 24:16

Tuamai akuoi in umuran moramuji totok sinbá ginaku in umuran modarit kon tayowon i Allah bo kon tayowon in intau.

SURAT I PAULUS KON JAMAAT RUM 1:17

Sin pinongin Habar Mopia tatua ki Allah in nopoontongdon kon naonda in pogogaid sinbá hubungan in intau bo i Allah in moyoguḻitdon bui: aidnea kon tua in tongábí mopirisaya kon i Allah nongkon pinomangkoianpamai modapot in pangabisan. Tua in ná inta ain pinais kon bonu in Buk Motusi, nanaa, “Intau in nopirisayadon kon i Allah, sahingga in hubungannea takin i Allah notompiadon bui, bo intau tatua in mobiagbí!”

SURAT I PAULUS KON JAMAAT RUM 8:1

Tanaa in diá bidon in hukuman kon i monia inta nobiag notobatú i Kristus Yesus.

ULANGAN 11:1

“Kotabibí in ki Tuhan Allahmu, bo umurandon duduiai in bayongan parenta-Nea.

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 5:1

Ki Musa in nosipun kon bayongan bangusa Israel, bo noguman kon i monia, “Utat mita, indongogai in hukum mita inta pinotaauku kon inimu singgai in naa. Balajardon in hukum mita tatua, bo duduiai koposatia.

ULANGAN 6:25

Aka mokoposatia in kita in dumudui kon bayongan inta pinarenta i Tuhan Allah naton kon i naton, dá umuran-Nea koibog in kita.’ ”

YOHANES 1 2:29

Kinotaauandon monimu kon ki Kristus in nobiag podudui in ibog i Allah. Tuamai musti kotaauan doman monimu kon pomuḷoi in intau inta nobiag podudui in ibog i Allah, ki adíbí mita i Allah.

YOHANES 1 3:7

Adíku mita, dika moibog in moiko poyayingon i inekadon. Sin intau inta nogaid kon onu inta kinoibog i Allah, mosia tuata in ki adí mita i Allah ná doman onda bo ki Kristus inta ki Adí i Allah.