YEHEZKIEL 18:6 - Alkitab Singog In Mongondow Masa In Tanaa

⁶ Sia in diá nosumba kon berhala in intau Israel andeka nokaan kon kuruban inta pinosumba kon tampat mita pososumbaan kon dewa mita. Sia in diábí kon dodai in onda in nodondouḷug kon i buḷoi in intau ibanea andeka nosiug takin bobay inta inangoinea.

YEHEZKIEL 18:6 ပူးပေါင်းရင်းမြစ်များ

MAZMUR 121:1

Dondong mayá in Baḷoi Tuhan. Akuoi in inimindoi kon buḷud mita, nongkon onda in totuḷung kon inakó?

IḶUAIAN 34:15

Dika momia kon dodandian takin bangusa kon butá tatua, sin kon dodai in mosia mosumba bo moposumba in kuruban kon ilah mita monia, mosia in monongganutbí kon i monimu, bo moiko in dumuduibí.

AMSAL 6:29

Tua in notongkaibí in mosiug takin buḷoi in intau ibanea. Ki ine in mogaid kon tua diábí kotaḻiban in hukuman.

YEHEZKIEL 18:15

Doíbí in adí tatua mosumba kon berhala in intau in Israel, andeka mokaan kon kuruban sosumba kon tampat mita pososumbaan kon dewa mita. Sia in diábí kon dodai in onda in nodondouḷug kon i buḷoi in intau,

YEHEZKIEL 18:5

Aka oyúon in intau inta mopia, motuḻid bo mojujur.

YEHEZKIEL 20:24

popisí in nonaḷádon in mosia kon parenta-Ku mita, iḻimimpat kon hukum-Ku mita, noponajis in singgai in Sabat bo umuran nosumba kon dewa mita inta sinumba in mogoguyang monia.

YEHEZKIEL 20:28

Dinia-Ku in mosia minayá in butá inta ain pinodandi-Ku kon i monia. Kon tungkuḷ in mosia nokoontong kon tombuḷud mita inta moḷantud bo pangkoi mita in kayu inta mobambar, mosia in mobogoi in sosumba kon tampat mita tatua. Mosia in nokopomuká kon torú-Ku popisí in kuruban mita payongon bo sosumba mita anggur monia.

YEHEZKIEL 20:7

Pinoki ḷumbú-Ku kon i monia in patong mita mokorongó inta kinoibog monia tua, bo inimaḷowan-Ku in mosia in moponajis in awak monia pongin mosumba kon berhala mita kon Mesir, sin Akuoibí naa in ki Tuhan Allah monia.

YEHEZKIEL 6:13

Mayat mita in posiraritdon kon sigad in berhala mita bo kon diugmai in mezbah mita, moiukat mako kon batúan in tombuḷud inta moḷantud, bo kon tudu in buḷud mita, kon siungon in pangkoi in kayu inta mobambar bo kon batúan in pangkoi in kayu inta moḷoben; impoḷok mako in singog, kon ondakabí in potubáanmai monia kon kuruban ogoi kon berhala monia. Dá kon batúan in intau monotaaudon kon Akuoibí in Tuhan.

IMAMAT 20:10

Aka intau Israel tobatú monuaḻing kon buḷoi in intau inta tobangusanea, dá sia bo bobay tatua in musti hukumon matoi.

IMAMAT 20:18

Aka ḷoḷaki tobatú mosiug kon bobay tobatú inta inangoinea, dá mosia diá bidon iapon umat-Ku.

PINOGIAPAN 25:2

Bobay mita tatua nonongganut kon i monia mayá in bobutungan kuruban sin mohoromat kon i ilah monia. Intau mita in Israel sinumakin doman nokaan kon kaanon kuruban tatua bo nosumba doman kon ilah intau in Moab.

MATIUS 5:28

Táe Akuoi in moguman kon inimu: pomuḷoi in intau inta mokobobuimai kon bobay tobatú bo moibog kon inia, yo sia tua aindon nonuaḻing takin bobay tatua kon bonu in ginanea.

KORINTUS 1 10:20

Onu in pinosumba kon meja pogogukatan kon sosumba inta inogoi kon berhala, deemanbí pinosumba kon i Allah, táe kon dimukudbí moraat.

ULANGAN 4:19

Dikadon baradosaan popisí in mosumba bo mogundoi kon onu inta inontong monimu kon ḷangit: mata in singgai, buḷan bo tundi mita. Pinomayá mako i Tuhan Allahmu in bangusa mita ibanea nosumba kon tua mita.

IBRANI 13:4

Mustibí untuon mako in mangaḻe in tonibuḷoi, tuamai doyowa motonibuḷoi musti mososatiaan tobatú bo tobatú. Sin intau inta mogaid kon mokotor bo inta mononuaḻing in adilonbí i Allah.