YEHEZKIEL 18:2 - Alkitab Singog In Mongondow Masa In Tanaa

² “Nongonu sin singog tango-tangoion tanaa in tantúbí kotango-tangoian kon butá in Israel? ‘Guyanga in mokaan kon bungai in anggur inta boil táe ingiponbí in mongoadí mita in monilu.’

YEHEZKIEL 18:2 ပူးပေါင်းရင်းမြစ်များ

AYUB 21:19

Moiko in moguman, “Adí ihukum i Allah popisí in dosa i amánea.” Táe akuoi in moguman: Intau baradosabí tuata inta musti hukumon i Allah, sinbá mosadar in mosia kon popisí in dosa monia, dá ki Allah in nopoangoi in hukuman-Nea.

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

YESAYA 3:15

Nongonu sin moiko in mondorotbí kon umat-ku bo momakisa mogamá kon kapunyaan in intau bogá? Akuoi, ki Tuhan Inta Totok in moḷantud bo Totok in mokawasa ain noguman.”

YEREMIA 15:4

Baḻíon-Ku in bayongan bangusa kon dunia mokoningkim in mokoontong kon i monia. Tua komintan aidan-Ku popisí in aid in Manasye ki adí ḷoḷaki i Hizkia kon Yerusalem kon tungkuḷ in sia nobaḻí datu in Yohuda.”

OMBAḶ 5:7

Mogoguyang nami in binaradosa, tanaa in diádon in mosia; táe kami in mustibí motarima kon roriga popisí in dosa mita monia.

YEHEZKIEL 12:22

“Ei intau inta ilo-ilow, nongonu sin intau in Israel in moibo-ibogbí mosingog kon peribahasa tanaa: ‘Wakutu in mobaḷui, táe onu inta pinoguman mita in diápabí doman mobobaḻí’?

YEHEZKIEL 16:44

Ki Tuhan in noguman, “Ei Yerusalem, intau mita in mopotugatdon in tosingogon tanaa kon inimu, ‘Naonda bo ki inánea, natua doman in ki adínea bobay.’

YEHEZKIEL 17:12

“Ḻibódon kon momomarontak mita tatua, mongo komangaḻean monia in mangaḻe in poumpamaan tatua. Potaaudon kon i monia kon ki datu in Babel ain namangoi kon Yerusalem, bo nogakut kon i datu in Yohuda takin intau mita moḷoben in kotá tatua bo pinobayá in Babel.

YEHEZKIEL 18:1

Ki Tuhan in noguman kon inakó

YEHEZKIEL 18:19

Táe oyúon degá in moḻibó mongo nongonu sin adí tatua in diábí moitakin mobaba kon bungai in dosa mita i amánea. Naa in tubagnea: popisí in adí tatua mopia bo mojujur. Sia in motoḷutui kon hukum-Ku mita bo motoindudui in pogogaidnea, tuamai in umuran nobiag in sia.

YEHEZKIEL 18:3

Podoyon kon i-Nakó ki Allah inta nobiag, ki Tuhan Inta Totok in moḷantud, singog tango-tangoion tatua in diá bidon bui kotangoian kon Israel.

YEHEZKIEL 25:3

Potabádon in bangusa tatua mokidongog kon onu inta poguman-Ku, ki Tuhan Inta Totok in moḷantud kon i monia, ‘Mopia in gina monimu in mokoontong kon Baḷoi-Ku in kotoron bo butá in Israel in poguyaaton bo bangusa in Yahudi in akuton kon poḷumbúan.

YEHEZKIEL 37:11

Ki Allah in noguman kon inakó, “Ei intau ilo-ilow, tuḷan mita tanaa in nobaḻí tomponuot kon bangusa in Israel. Mosia in mogamui kon mosia in noingkag, diá kokamang bo diá in kobiagan mopia kon singgai moiduduimai.

YEHEZKIEL 37:19

poguman kon i monia, kon Akuoi, ki Tuhan Inta Totok in moḷantud in mogamá kon tungkud inta nobaḻí tomponuot in Israel bo moponoyobatú takin in tungkud inta nobaḻí tomponuot kon Yohuda. Tungkud doyowa tatua in baḻíon-Kudon tobatú bo kadaian-Ku kon bonu in kawasa-Ku.

YEHEZKIEL 7:2

“Ei intau inta ilo-ilow, Akuoi, ki Tuhan Inta Totok in moḷantud, in moguman nanaa kon butá in Israel: Naadon in imbuit in ouman kon sinangkub in butá tanaa!”

MATIUS 23:36

Poguman-Ku kon i monimu: Oaidmu mita tanaa in korasaanbí in intau mita masa in tanaa!”

SURAT I PAULUS KON JAMAAT RUM 9:20

Táe, Utat! Iko in tongábí intau ilo-ilow, bo iko in diábí mokobaḻí momayow kon i Allah! Pot in bungang motaau degá in moḻibó kon intau inta nomia kon inia, “Nongonu sin inaidanmubí nanaa in akuoi?”