YEHEZKIEL 17:9 - Alkitab Singog In Mongondow Masa In Tanaa

⁹ Dá Akuoi, ki Tuhan Inta Totok in moḷantud in moḻibó,: Mobiag degá in pangkoi in anggur tatua bo poḷat modugang in kobayongnea? Degá diá rabuton in ḷagapan boniá inta dungkuḷ in sia nodapot in uakatnea mita, monotak kon bungainea, momutoḷ kon tanganea mita bo pomayáneadon mako moḷaḷow? Diábí moparaḷu kon mobayong in intau andeka bangusa inta motorindog sin morabut kon pangkoi tatua modapot in uakatnea mita.

YEHEZKIEL 17:9 ပူးပေါင်းရင်းမြစ်များ

TAWARIKH 2 13:12

Itoi nami in ki Allah tontaní bo imang-Nea mita in kon naa. Mosia in nosadiadon mogirup kon torompet nobaḻí tomponuot kon kami in monubudon kon i monimu. Ei intau in Israel, dikabí moḷawang kon i Tuhan, Allah in mogoguyangmu! Diábí in moiko mokountung!”

TAWARIKH 2 20:20

Nopoikoḷomai kon singgai, subupa totok, rayat iḻumuai bo minayá in butá kon padang gurun kon diug in Tekoa. Kon dodai in mosia mobuatdon, ki Yosapat nobogoi in koyow tanaa kon i monia, “Rayat in Yohuda bo Yerusalem! Popirisayabí kon i Tuhan Allahmu, dá mokotongodbí in moiko. Tarimadon in tonggina mita in nabimu mita, dá kodapotanbí monimu in sinayak monimu!”

YEREMIA 32:5

Onda intua ki Zedekia in akutondon pobayá in Babel bo mogutun kon tua modapot in Akuoi mohukum kon inia. Umpakabí in sia momarang kon intau in Babel, diábí in sia mokountung. Akuoi, ki Tuhan, ain nosingog.”

YEREMIA 37:10

Aka kuma bo moiko in mokotaḷow kon bayongan in tontara in Babel modapot in inta kinotaḷáan in dongkadon intau mita inta kinekeban modaḷom kon bonu in ḷoḷaigan monia, táe mosia in mobangonbí bo monurub modapot in mopayong in kotá tanaa.’ ”

YEHEZKIEL 17:10

Totuu kon sia in noimuḷadon noropot, táe umuran degá in sia mobiag poḷat in modugang mobayong? Degá diá moḷaḷow in sia aka irupon in tompot in pomukaan? Degá diá moingkag in sia kon tampat inta pinomuḷaan kon inia?”

YEHEZKIEL 17:8

Bokaka pangkoi in anggur tatua ain noimuḷa kon butá inta mopia takin doman tubig inta mobayong nodapot in nonondaun mobambar in sia, bo momungai modatog, bo nobaḻí pangkoi in anggur inta mopia.

AMOS 2:9

Umpaka natua, ei umat-Ku, kon i monimubí Akuoi in noyompat kon intau in Amori inta moḷantud ná pangkoi in ḷokuyú bo moropot naonda bo pangkoi in terpentin.

PINOGIAPAN 14:41

Táe ki Musa in noguman, “Nongonu sin moiko in moibogpabí doman tanaa ḻimimpat kon parenta i Tuhan? Diábí mountung in moiko!