YEHEZKIEL 17:7 - Alkitab Singog In Mongondow Masa In Tanaa

⁷ Kon tungkuḷ intua oyúon in ḷagapan boniá moḷoben ibanea; koḻikipnea in mooḷad bo bubuḷnea in mobunod. Bo pangkoi in anggur tatua nopotugat in uakatnea mita bo tanganea mita kon ḷagapan boniá inta nobagu tatua takin kamang sinbá ḷagapan tatua moibog mobogoi kon inia in tubig mobayo-bayong nongkon inta oyúon kon gobá tatua.

YEHEZKIEL 17:7 ပူးပေါင်းရင်းမြစ်များ

DATU MITA 2 24:20

Ki Tuhan in sinumorú totok kon intau mita in Yerusalem bo intau in Yohuda dá diádon inindoian-Neamai in mosia.

YEHEZKIEL 17:15

Táe datu in Yohuda nomarontak bo poḷat nopotabá in totabá minayá in Mesir sinbá mokouḻí kon kabaḷo bo tontara mobayong. Degá kodapotannea intua? Degá pomayá mako in sia mosaḷamat? Diábí doman sia inta nonoḻikud kon dodandian bo diá popoḷabúan in hukuman!

YEHEZKIEL 17:6

Pinomuḷa tatua in nobaḻí pangkoi in anggur inta nobiag noompá táe totok in iḷumandai. Tanganea mita noibayá kon boniá tatua, bo uakatnea mita noikeket noropot kon bonu in butá. Pangkoi in anggur tatua nobambar totok.

YEHEZKIEL 17:8

Bokaka pangkoi in anggur tatua ain noimuḷa kon butá inta mopia takin doman tubig inta mobayong nodapot in nonondaun mobambar in sia, bo momungai modatog, bo nobaḻí pangkoi in anggur inta mopia.

YEHEZKIEL 31:4

Nobiag in sia sin tubignea in tugat. Ongkag kon bonu in butá mobogoi in kaanon kon inia, momutak kon bayongan in uakatnea, bo momuntad kon pangkoinea mita ibanea.