YEHEZKIEL 17:5 - Alkitab Singog In Mongondow Masa In Tanaa

⁵ Onda intua ginamánea in totanga in pinomuḷa inta noguodpa nongkon butá in Israel, bo pinomuḷanea kon gobá inta mopia, inta diá kodai-daitan in tubig.

YEHEZKIEL 17:5 ပူးပေါင်းရင်းမြစ်များ

DATU MITA 2 24:17

Onda intua ki Nebukadnezar noduí kon i Matanea pokuamáan i Yoyakhin, nobaḻí datu in Yohuda, bo nomaḷui kon tangoinea nobaḻí ki Zedekia.

YESAYA 15:7

Intau mita in ḷumoḷan kon tapá in Haarabim bo moḷongasi moposaḷamat kon bayongan in kapunyaan monia.

YESAYA 44:4

Mosia in mobiagbí moḷumbá naonda bo bonok kon diug in tubig, naonda bo pangkoi in gandarusa kon bingkí in ongkag.

YEREMIA 12:2

Pinomuḷa-Mu in mosia naonda bo mobobiag mita, bo mosia in monguakat, mobiag, bo momungai. Mosia in umuranbí mosingog kon inta mongopia soaḷ Iko, táe kon bonu in gina, sabanarnea in mosia in diábí in pandungnea kon ini-Mu.

YEREMIA 37:1

Kon tungkuḷ in ki Nebukadnezar datu in Babel nopogogai kon i Yoyakhin ki adí i Yoyakim, sia in noduí kon i Zedekia ki adí i Yosia nobaḻí datu in Yohuda.

YEHEZKIEL 17:13

Bo piniḻínea in intau tobatú nongkon motoḷuadí in datu in Yohuda tatua, nomia kon dodandian takinnea, bo nopotabá kon inia nongibot kon motoindudui kon inia. Ki Datu in Babel tatua in nodomok kon intau mita mongoponting,

YEHEZKIEL 17:4

bo dinianea poḷat inukat kon kotá pododagangan inta norame.

YEHEZKIEL 17:6

Pinomuḷa tatua in nobaḻí pangkoi in anggur inta nobiag noompá táe totok in iḷumandai. Tanganea mita noibayá kon boniá tatua, bo uakatnea mita noikeket noropot kon bonu in butá. Pangkoi in anggur tatua nobambar totok.

YEHEZKIEL 31:4

Nobiag in sia sin tubignea in tugat. Ongkag kon bonu in butá mobogoi in kaanon kon inia, momutak kon bayongan in uakatnea, bo momuntad kon pangkoinea mita ibanea.

YEHEZKIEL 31:5

Popisí in tubignea diá kon dodai in onda in mogaat, kobobiagnea in noḷumbá, tanganea noḷoben bo nobanat. Nongkon bayongan in pangkoi in kayu kon kayuon, sia in moḷantu-ḷantud noiḷontú.