YEHEZKIEL 16:4 - Alkitab Singog In Mongondow Masa In Tanaa

⁴ Kon dodai in iko noiḷotang diá in nomongkó kon putodmu, andeka noginggú kon inimu, andeka diá pinupuran in simuton:, andeka bakuton in iko in daing.

YEHEZKIEL 16:4 ပူးပေါင်းရင်းမြစ်များ

KINOBAḺIAN 15:13

Ki Tuhan noguman kon inia, “Pokotorop, buímu in mobaḻí intau ango-angoi kon butá intau; mosia in mobaḻí ata kon tua bo tonggataan kon bonu in opat nogatut notaong in koonggotnea.

OMBAḶ 2:20

Kaasí Tuhan, indoiai bo taridiaipa in mosia inta iroriga-Mu tatua! Degá oyúon in nokoimontan-Mu pinomia natua? Ki iná nokaan kon i adínea inoyod inta kinotabi totok, imang bo nabi in iḻimod kon bonu in Baḷoi-Mu inta motusi.

OMBAḶ 2:22

Inoiní-Mu in musung mita inta kinoondok nami sin momia kon rame aid moḻingá kon ḻibumai nami. Mosia in noḻimod kon bayongan inta biniag bo inta kinotabi nami. Kon singgai in torú-Mu, diábí tobatúmai in intau in mokoḷagui.

YEHEZKIEL 16:3

Ki Tuhan Inta Totok in moḷantud nopotabá kon inakó mopotaau in koyow tanaa kon Yerusalem, “Ei Yerusalem, iko in pinononggadí kon butá in Kanaan. Ki amámu intau in Amori bo ki inámu intau in Het.

YEHEZKIEL 20:13

Táe kon rawang in bungaion doman tatua noḷawang in mosia kon i-Nakó. Mosia in iḻimimpat kon parenta-Ku mita, bo nondoí kon hukum-Ku mita inta nopodandi kon intau mita inta umuran dumudui kon tua in mobiagbí. Mosia in totokbí in noporaa-raatmai kon singgai in Sabat. Tuamai, kon rawang in bungaion tatua nosadiadon in Akuoi mopoḷuai in torú-Ku kon i monia bo moyopú kon i monia.

YEHEZKIEL 20:8

Táe mosia in noḷawang kon i-Nakó bo doí nokidongog kon i-Nakó. Mosia in doíbí noḷumbú kon patong mita inta mokorongó tatua bo diá doman moibog in mogogai in mosumba kon berhala mita in Mesir. Kon tungkuḷ in mosia kon tuapa, Akuoi in nosadiadon kon mopoḷuai in torú-Ku kon i monia.

HOSEA 2:3

Aka sia umuran sumundaḷ, yo ḷongkutan-Kubí in ḷambungnea sinbá mopilang in sia naonda bo kon singgai in sia pinononggadí. Baḻíon-Ku in sia naonda bo butá inta noingkag, dá matoi in rogang in sia.

HOSEA 2:5

Ki inámu in sundaḷ diá kotoguoyá. Sia in noguman, ‘Akuoi in mayábí kon inta kinotabiku mita inta nobogoi kon inakó in kaanon bo inumon, wol bo kaeng linen, ḷana in zaitun bo anggur.’

LUKAS 2:12

Yo bá kotaauan monimu, yo naa in tandanea: Moiko in mokodungkuḷ kon adí mointok inta binakut in yumbit in daing bo pinouḻid kon bonu in duḷang.”

LUKAS 2:7

Sia nopolahir in adí ḷoḷaki, ki adínea guya-guyang. Adí tatua binakutnea in yumbit in daing bodongka pinouḻid kon bonu in duḷang sin mosia in diá nokouḻí kon baḷoi pinongandupan.

ULANGAN 15:15

Toropdon kon moiko in koḻipod in atabí doman kon Mesir bo pinoḷuatdon i Tuhan Allahmu; tuamai in ogoiku in parenta tanaa kon inimu.

ULANGAN 5:6

‘Akuoi in ki Tuhan Allahmu inta nodia kon i monimu iḻumuai nongkon Mesir, tampat inta pinononggataan kon i monimu.

YOSUA 24:2

Onda intua ki Yosua noguman kon i monia komintan, “Indongogaipa onu inta pinoguman i Tuhan, Allah Israel kon inimu, ‘Tungkuḷ intua mogoguyangmu nogutun kon ḷoḷan in Ongkag in Eprat, bo nosumba kon dewa mita. Tobatú kon sigad monia tua tangoinea in ki Terah, ki amá i Abraham bo i Nahor.