YEHEZKIEL 15:3 - Alkitab Singog In Mongondow Masa In Tanaa

³ Motaau degá in pangkoinea aidan onuka? Motaau degá aidan pototadangan kon pakakat?

YEHEZKIEL 15:3 ပူးပေါင်းရင်းမြစ်များ

YEREMIA 24:8

Táe ki Zedekia datu in Yohuda, takin pojabat mita inta modagin kon inia, bo ki agat in intau in Yerusalem inta umuran nogutun kon bonu in butá tanaa andeka inta nomamping kon Mesir, mosia komintan in aidan-Kubí ná bungai in ara inta nongoburuk tanaa, inta diá motaau kaanon. Akuoi, ki Tuhan, ain nosingog.

YEHEZKIEL 15:2

“Ei intau ilo-ilow, onu in noiḻiu kon pangkoi in anggur nongkon kayu ibanea kon kayuon? Onu in noiḷontú kon pangkoi in anggur nongkon pangkoi mita in kayu mita kon kayuon?

YEHEZKIEL 15:4

Diábí in baragunanea koḻikudbí in pondungú. Bo aka mopokakdon in posipongkó, bo kon yuaknea in mobaḻídon buing, oyúonpa degá in baragunanea?

MATIUS 5:13

“Moiko nion in simuton in dunia. Aka simuton tatua moḻiaudon, yo onu in pogibung kon inia? Diá bidon in baragunanea, dongka bidon ḷumbúon bo koritakan in intau.

MARKUS 9:50

Simuton tua in mopiabí, táe aka moḷiaudon yo onu i motaau pogibung monimu bui kon tua? Dá tuamai kobaḻíbí in moiko ná simuton bo kobiagbí moyotakin, takin popiaan bo totabian.”

HAKIM MITA 4:21

Ki Sisera noḷopí totok dá totokdon in sinomposiug in sia bo nosiugdon noḷoḷot totok. Ki Yael nogamá kon popangkuḷ tobatú bo patok in ḷoḷaigan tobatú bo inumado-adop in sia dinimiug kon i Sisera. Bo pinopopakúnea in patok tatua kon koibing i Sisera nodapot in noiḷambai kon butá. Natuata in pinoḷoḻimod i Yael kon i Sisera.