YEHEZKIEL 13:5 - Alkitab Singog In Mongondow Masa In Tanaa

⁵ Mosia in diábí noḷukad kon tampat mita inta dinding mita in kotá ain noumpag, bo diá doman nonompia kon dinding mita tatua. Dá, Israel in diá bidon motaau tahangon aka mobaḻí in parang kon singgai Akuoi, ki Tuhan mamangoi mohukum.

YEHEZKIEL 13:5 ပူးပေါင်းရင်းမြစ်များ

AYUB 40:9

Moropot degá in iko ná Akuoi? Degá mokogonugur in singogmu ná singog-Ku?

MAZMUR 106:23

Dá niaton i Allah yopúon in umat-Nea, táe inimaḷowan i Musa, intau inta piniḻí-Nea. Ki Musa in nobaḻí tonsigad kon i monia, dá noonow in torú i Allah.

MAZMUR 76:7

Bayongan in kabaḷo bo tumotakoinea noḷabú minatoi in guak-Mu, o Allah Yakub!

YESAYA 13:6

Pogamuidon, sin singgai i Tuhan in nodiugdon, tuata in singgai koyopúan inta pinoangoi i Tuhan Inta Totok in mokawasa.

YESAYA 13:9

Singgai i Tuhan in moiangoibí, bo kon singgai tatua ki Tuhan in mopoaid in torú-Nea bo rogi-Nea inta motoyang. Butá in mobaḻí butá inta moḷogat, bo bayongan in intau baradosa in moyopú.

YESAYA 2:12

Kon singgai tatua ki Tuhan Inta Totok in mokawasa in mopoompámai kon bayongan inta motosiḷantud bo mohukum kon bayongan inta moḷoḷatú bo inta mododia.

YESAYA 27:4

Diá bidon in porasaan-Ku tumorú. Aka kuma bo oyúon in bonok andeka bo bonganga, yo putúan-Kubí intua, bo momokak kon tua komintan.

YESAYA 34:8

Tuata in wakutu i Tuhan moduḷu kon Sion bo motuḻí kon musung-Nea mita.

YESAYA 58:12

Kotá inta noonggotdon in nobaḻí rumbunnea in posindogonmudon bui kon tudu in orotan koyongan. Moiko in tangoiondon ‘Bangusa inta moposindogdon bui in dinding mita bo monompia kon baḷoi mita inta ain nogoguyaat.’ ”

YEREMIA 15:1

Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

YEREMIA 23:22

Aka kuma kinotaauan monia onu in kon bonu in raian-Ku, yo notantú bidon kon mosia in nopotaaudon kon umat-Ku in bayongan inta ain siningog-Ku. Dá umat-Ku in mogogaidon in mogaid kon dosa mita bo dodia monia inta moraat.

YEREMIA 27:18

Aka mosia bo totuu kon nabi, bo ain notarima kon koyow nongkon i-Nakó, yo notantú bidon kon tanaa in mosia in moigumbí kon i-Nakó, Tuhan Inta Totok in mokawasa, sinbá pakakat mita inta oyúonpa kon Baḷoi-Ku bo kon komaḻig in datu kon Yerusalem in diádon akuton pobayá in Babel.

YEHEZKIEL 13:4

Ei intau in Israel, nabimu mita tatua in diábí in mangaḻenea, notongkai in serigala inta nobiag kon yua-yuak in rumbun in kotá.

YEHEZKIEL 22:30

Kon sigad in intau in Israel tua, tayakon-Ku in intau inta mokoposindog in dinding, andeka simindog kon tampat mita inta dindingnea ain noumpag sin moḷukad kon butá tatua aka Akuoi morimumudon kon tua popisí in torú-Ku; táe diá tobatúmai in intau in nouḻí-Ku.

YEHEZKIEL 7:19

Buḷawan bo saḷaka in ḷumbúonbí monia kon daḷan naonda bo apat, sin kon singgai ki Tuhan mopoaid in torú-Nea, yo buḷawan bo saḷaka tua in diábí mokoposaḷamat kon i monia, nodapotbí in tongá mokopopisí kon i monia mogaid kon dosa. Diá bidon in mosia motaau mopomaké intua sin mopoorop kon ibog monia andeka pomonu monia kon sian.

YOËL 1:15

Singgai i Tuhan in nodiugdon, singgai inta mokokoningkim; wakutu ki Inta Totok in Mokawasa morimumud.

YOËL 2:1

Irupdon in torompet, posingogdon in tomponuot in anib kon tombuḷud in Sion inta motusi, pinogutunan i Allah. Kourotdon, ei intau in Yohuda! Sin Singgai i Tuhan in nodiug bo ḷagidon moiangoi.

YOËL 2:31

Mata in singgai in simindipdon bo buḷan in mobaḻídon mopura naonda bo dugú. Tua komintan in mobaḻí kon dodai in diápa moiangoi in Singgai i Tuhan, singgai inta motoyang bo mokokoningkim!

YOËL 3:14

Ribuan in intau in kon Ḷopá Pohohakiman. Sin kon tua singgai i Tuhan in ḷagidon moiangoi.

MALEAKHI 1:9

Tanaa, ei imang mita, ponungkuḷka mopoigum kon i Allah sinbá totabion-Nea in kita. Diábí tubagan-Nea in sambayangmu, bo tua in taḷámubí tontaní.

MALEAKHI 4:5

Táe kon dodai in deemanpa singgai inta motoyang bo mokoondok inta sinantú-Ku tatua moiangoi, yo potabá-Ku mamangoi kon i monimu in ki Nabi Elia.

TESALONIKA 1 5:2

Sin kinotaauan bidon monimu kon singgai koangoian bui i Tuhan naonda bo singgai koangoian in mononakow kon wakutu in doḷom.

PETRUS 2 3:10

Táe Singgai koangoian i Tuhan in diábí butungonmai, sin naondabí bo koangoi in mononakow. Kon singgai tatua ḷangit moyoyang takin gotup inta totok in mokoondok, bo onukadon in kon ḷangit modaitbí mopokak, natua doman in butá bo bayongan in tombonunea modait doman moinggamá.

WAHYU 16:14

Mosia tua in dimukud mita moraat inta nogaid kon soaḷ mita inta mokoherang. Dimukud taya toḷu tatua in minayá kon bayongan datu kon dunia naa bo nosipun kon i monia sin moparang kon singgai inta moḷoben, Singgai i Allah Inta totok in Mokawasa.

WAHYU 6:17

Singgai inta totok mokoondok moiangoidon, bo mosia in mulaidon tumorú, bo diábí doman tobatúmai intau mokosanggup tumayow mako kon i monia!”

SAMUEL 1 12:23

Soaḷ akuoi, poigumon mako akuoi in diá modapot in mogaid kon dosa kon i Tuhan sin diádon nosambayang kon kopontingan monimu. Táe akuoi in umuranbí motundú kon inimu kon soaḷ mita inta mopia bo inta noitutui.