YEHEZKIEL 13:2 - Alkitab Singog In Mongondow Masa In Tanaa

² “Ei intau inta ilo-ilow, torúaidon in nabi mita in Israel inta mosingog kon toḻindap monia tontaní. Pokiindongogaidon in mosia in tosingogon-Ku.”

YEHEZKIEL 13:2 ပူးပေါင်းရင်းမြစ်များ

DATU MITA IMITÁNEA 22:19

Ki Mikha in noguman bui, “Tanaa in indongogai in onu inta pinoguman i Tuhan! Akuoi in nokoontong kon ki Tuhan in iḻimitú kon ḷoḻitúan-Nea kon soroga, bo bayongan in malaekat-Nea sinimindog kon diug-Nea.

YESAYA 1:10

Yerusalem, itoimu mita bo bangusamu ain nobaḻí naonda bo intau in Sodom bo Gomora. Indongogaipa onu inta pinoguman i Tuhan kon inimu; tondudutka onu inta sinundú i Allah naton.

YESAYA 28:14

Indongogaidon onu inta pinoguman i Tuhan, ei mononingkuḻe mita inta nomarenta kon rayat kon Yerusalem!

YESAYA 9:15

Itoi mita in bangusa tatua ain nopoḷaḻe bo nopodoḻiok kon rayat.

YEREMIA 27:14

Dika indongogan in nabi mita inta mongampag kon i Tuang Datu mokiompu kon i datu in Babel, sin mosia tua in monompobaḻikbí kon i Tuang Datu.

YEREMIA 27:18

Aka mosia bo totuu kon nabi, bo ain notarima kon koyow nongkon i-Nakó, yo notantú bidon kon tanaa in mosia in moigumbí kon i-Nakó, Tuhan Inta Totok in mokawasa, sinbá pakakat mita inta oyúonpa kon Baḷoi-Ku bo kon komaḻig in datu kon Yerusalem in diádon akuton pobayá in Babel.

YEREMIA 37:19

Kon onda in nabi mita i Tuang datu tua inta noguman kon datu in Babel tua in diábí monubu kon i Tuang bo butá tanaa?

YEREMIA 5:31

nabi mita in monguboḷ, imang mita mogundoi podudui in ibognea tontaní bo moiko umat-Ku in moibog doman kon natua. Táe onu in aidan monimu aka moiangoidon in singgai imbuitnea?”

YEREMIA 8:10

Tuamai Akuoi in mobogoidon in gobá monia kon i togi butá ibanea, bo ki buḷoi monia kon intau ibanea. Mosia komintan, moḷoben andeka mointok, motayak kon kauntungan pongin aid inta diá motuḻid. Nodapot in nabi bo imang in monguboḷ doman kon intau.

OMBAḶ 4:13

Táe tua in nobaḻí bidon, popisí in dosa in imang mita bo nabi. Mosia in nopobutakdon in dugú, in intau mita inta diá kotaḷá.

YEHEZKIEL 13:1

Ki Tuhan in noguman kon inakó,

YEHEZKIEL 13:17

Ki Tuhan in noguman, “Tanaa, ei intau inta ilo-ilow, taridiaika in bobay mita inta tumangoi nabi mita kon sigad in bangusamu. Torúaidon in mosia,

YEHEZKIEL 13:3

Ki Tuhan Inta Totok in moḷantud in noguman, “Moboditodon in nabi mita inta bodok tatua! Toḻindapnea in tongábí nouḻínea kon onu in irainea tontaní bo oontongonnea in diábí totuu.

YEHEZKIEL 16:35

Ei Yerusalem, sundaḷ, indongogai onu in pinoguman i Tuhan Inta Totok in moḷantud, “Iko in noḷongkutdon kon ḷambungmu, bo saḷaku sundaḷ inogoimudon in awakmu kon inta kinoibogmu mita bo kon berhalamu mita inta mokorongó tua. Ki adímu mita iḻimodmu bo pinokurubanmu kon berhala mita tatua.

YEHEZKIEL 22:25

Itoinea mita naonda bo singa inta moganggor naonda in modomok mako kon kokaanonnea. Mosia in moḻimod kon rayat, mogagow kon bayongan in kapunyaan bo kaoyúonan inta nouḻí monia bo nokopopisí kon nobayong in nobaḻí dongka bobay-bobay.

YEHEZKIEL 22:28

Nabi mita mobuni kon dosa mita tatua; mosia in naonda bo intau inta nocet kon dinding nokotor. Oontongon monia tua in diábí totuu oontongon, natua doman in toḻindap mita monia. Mosia in noguman kon koyow mita inta pinotaau monia in nouḻí monia nongkon i Tuhan Inta Totok in moḷantud, bokaka Akuoi in diábí nosingog kon i monia.

YEHEZKIEL 34:7

Yo, gombala mita, indongogai in onu inta potaau-Ku, ki Tuhan Inta Totok in moḷantud kon inimu:

YEHEZKIEL 34:9

Dá indongogai ei gombala mita,

MIKHA 3:11

Mongongawasa mita in kotá momarenta mokiigum in doit pomompon kon bibig, imang mita in motundú kon hukum i Tuhan sin motayak kon tondan pogaidan, bo nabi mita mopoigum in topotundú nongkon i Allah sinbá mokouḻí kon doit – bo kai monia kamai dá ki Allah in dinumotábí kon i monia. Mosia in moguman, “Ki Tuhan in oyúon kon yua-yuak naton; kita in diábí koantugan in anib.”

MIKHA 3:6

“Ei nabi, motoyongdon in wakutumu; mata in singgaimu koyogotdon in tumoyop. Moiko in diá bidon bui mokouḻí kon oontongon inta moponiata kon tomayá-Ku mita. Moiko in diá bidon bui mokotoḻindap kon onu bo onu.”

ZEPANYA 3:4

Nabi-Nea mita diábí in ibog monotaaumai bo diá motaau pirisayaanmai; imang mita noponajisdon kon onu inta ain sinondí ogoi kon i Tuhan bo nopoyotutui in hukum mita i Allah sin potayakan kon kauntungan monia tontaní.