YEHEZKIEL 12:7 - Alkitab Singog In Mongondow Masa In Tanaa

⁷ Bo inaidankudon onu in pinoki aid i Tuhan kon inakó. Kon singgai doman tatua, kon dodai in nobayagpa, sinouḷutkudon in pakakatku mita bo binantaḷ ná biasamai aidan in intau mita inta iḷumbú. Kon dodai in moungkoḷomdon, iḷombanganku in dinding in baḷoiku, bodongka iḻumuai nongin bubú tatua. Koonto-ontong in bayongan in intau, binantaḷ tatua in pinotaanku, onda intua nobuat in akuoi.

YEHEZKIEL 12:7 ပူးပေါင်းရင်းမြစ်များ

YEHEZKIEL 12:3

Tuamai, ei intau inta ilo-ilow, kon wakutu in mobayagpa, dá touḷutdon in pakakatmu mita bakut ná biasamai aidan in intau mita inta iḷumbú. Kon dodai in diápa modoḷom taḷaaidon in baḷoimu koonto-ontong in intau ná intau mita inta diaan kon poḷumbúan. Ḷombangaidon in baḷoimu koonto-ontong in intau mita momomarontak tatua, bo diádon in binantaḷ in pakakatmu bo ḷuaidon pongin bubú tatua. Potaandon in binantaḷ tatua. Pobuatdon kon wakutu in doḷom; bilogdon in matamu dá diádon ontongonmu in daḷan inta bayáanmu. Pomayádon mako in bayongan in bangusa in Israel mokoontong kon bayongan inta inaidanmu tatua, sinbá mobaḻí tompoingat kon i monia. Dika-dika bo kotaauandon monia kon mosia tua in momomarontak.”

YEHEZKIEL 12:8

Nopoikoḷomai kon singgai ki Tuhan in noguman kon inakó, kai-Nia,

YEHEZKIEL 2:8

Ei intau inta ilo-ilow; indongogai in onu inta pinoguman-Ku kon inimu. Dika doman tumakin momarontak. Bukádon in bibigmu bo kaandon in onu inta inogoi-Ku kon inimu.”

YEHEZKIEL 24:18

Doḷo-doḷom akuoi in nosingog kon bangusa tatua bo nodoḷom monag ki buḷoiku in minatoi. Nopoikoḷomai kon singgai inaidanku onu inta pinoki aid kon inakó.

YEHEZKIEL 37:10

Dá nosingog in akuoi podudui in parenta i Tuhan bo tompot in nopoirup domandon in poginaan kon bonu in awak mita tatua dá nobiagdon in mosia bo sinimindog. Nobayong totok in mosia, tugatbí mobaḻí paanan moḷoben in tontara.

YEHEZKIEL 37:7

Bo akuoi ki Yehezkiel in nosingog kon tuḷan mita tatua pinodudui kon parenta i Tuhan. Bo koyogotpa in akuoi nosingog tua, dinongogku in singog koḷangká mako, sin tuḷan mita tatua in momangkoidon moyo-moyotondoḷ kon batúannea.

MARKUS 14:16

Dá minayá domandon in murí-Nea taya dua kon kotá. Noidapotmai in kotá tatua, onu inta pinoguman i Yesus natua doman in nouḻí monia. Bo noposadiadon in mosia kon kaanon Paska.

YOHANES 15:14

Moiko nion in yobayat-Ku mita, aka pomiaan monimu in onu inta pinarenta-Ku kon inimu.

OUMAN IN RASUL MITA 26:19

“Tuamai uḻe, Datu Agripa, totok in motoindudui in akuoi kon onu inta ain inontongku bo inta ain sinarimaku nongkon i Allah tua.