YEHEZKIEL 12:2 - Alkitab Singog In Mongondow Masa In Tanaa

² “Ei intau inta ilo-ilow, iko in nogutun kon yua-yuak in intau momomarontak. Mosia tua in komata, táe diá moindoi; kobongoḷan, táe diá mokidongog, popisí in moibog in mosia momarontak.

YEHEZKIEL 12:2 ပူးပေါင်းရင်းမြစ်များ

DATU MITA 2 17:14

Táe Israel bo Yohuda in doíbí mokidongog. Motogat in gina in mosia naonda bo mogoguyang monia inta diá mopirisaya kon i Tuhan, Allah monia.

DATU MITA 2 17:15

Israel bo Yohuda in doíbí dumudui kon parenta mita i Tuhan bo diá mosatia kon dodandian inta ain pinomia-Nea takin mogoguyang monia. Diábí in pandungonmai monia in toboḷow mita táe tongábí mosumba kon berhala mita inta diá in mangaḻenea. Dá mosiadon tontaní in nobaḻí diá in mangaḻenea. Dinumudui in mosia kon oaid in bangusa mita kon diugmai monia, umpaka ain inimaḷowan i Tuhan.

MAZMUR 78:40

Totuu mokakit in mosia in momarontak kon i-Nia, bo moposakí in gina-Nea kon tungkuḷ in kon padang gurun.

YESAYA 1:23

Itoimu mita momomarontak bo nobaḻí ki ata in mononakow; mosia in moibog motarima kon tombuinag bo doit posogó. Mosia in doíbí moduḷu kon uno-unon kon pongadilan; doí mokidongog kon popongaduan in boba-bobay mita.

YESAYA 30:1

Ki Tuhan noguman, “Mobodito in intoi mita in Yohuda, sin mosia in momarontak kon i-Nakó. Mosia in dinumudui kon tomayá mita inta deeman tomayá-Ku. Mosia in notekeng kon dodandian inta noyoposi in ibog-Ku. Dá moguntu-guntuḷdon in dosa monia.

YESAYA 30:9

Sin, mosia tua in bangusa inta moibog momaḷawang kon i Allah, moibog monguboḷ bo diá kon dodai in onda in moibog mokidongog kon totundú i Tuhan.

YESAYA 43:8

Ki Allah in noguman, “Potabádon in mosia mamangoi in muna bangusa-Ku inta bilog, umpaka komata; inta bongoḷ, umpaka kobongoḷan.

YESAYA 44:18

Totuu mobodok in intau mita ná tatua! Mosia in momilog kon mata bo gina monia dá diá momangaḻe kon onu bo onu.

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

YESAYA 65:2

Akuoi in umuranbí mogoḷat mako in motomu kon umat-Ku, táe mosia in moibog momarontak. Bangusa tatua in mogaid kon inta moraat bo dumudui kon tomayánea tontaní.

YEREMIA 4:17

bo moḻipung kon Yerusalem ná intau inta moḷukad kon gobá. Tua komintan in nobaḻí popisí in bangusa in Yohuda ain nomarontak kon i Tuhan. Ki Tuhan ain nosingog.

YEREMIA 5:21

“Indongogai, ei moiko intau bodok bo dondunguḷ! Moiko in komata táe diá moindoi, kobongoḷan táe diá mokidongog!

YEREMIA 5:23

Táe moiko in pamandot bo moibog moḷawang, moiko in nomaḻidawandon bo nonaḷámaidon kon i-Nakó.

YEREMIA 7:26

Táe diá in nokidongog andeka nonondudut. Tongábí nodugang in pamandot monimu bo moraa-raatdon nongkon mogoguyangmu.”

YEHEZKIEL 12:1

Ki Tuhan in noguman bui kon inakó, kai-Nia,

YEHEZKIEL 12:25

Akuoi, ki Tuhan Inta Totok in moḷantud in mosingog kon bangusa in Israel, bo bayongan inta siningog-Ku in notantú bidon kon mobaḻí, bo diá bidon baḷú-baḷuian bui. Indongogaidon, ei intau mita momomarontak! Tungkuḷ in nobiagpa in iko yo aidan-Kudon in bayongan inta pinotoingat-Ku kon inimu. Akuoi, ki Tuhan Inta Totok in moḷantud ain nosingog.”

YEHEZKIEL 17:12

“Ḻibódon kon momomarontak mita tatua, mongo komangaḻean monia in mangaḻe in poumpamaan tatua. Potaaudon kon i monia kon ki datu in Babel ain namangoi kon Yerusalem, bo nogakut kon i datu in Yohuda takin intau mita moḷoben in kotá tatua bo pinobayá in Babel.

YEHEZKIEL 2:3

“Ei intau inta ilo-ilow, iko in potabáku mayá kon intau mita in Israel inta nomarontak moḷawang kon i-Nakó. Mosia tua in momomarontak ná doman mogoguyang monia.

YEHEZKIEL 24:3

Akuoi, ki Tuhan, kopoumpamaan tobatú inta potaau kon umat-Ku inta moibog momarontak: Aḻin in tubig kon bonu in pansi bo tuon kon tudu in tuḷú.

YEHEZKIEL 3:9

Iko in baḻíon-Ku ná koroton in batu karang bo ná kotogat in intan. Dikadon moondok kon intau mita momomarontak tatua.”

YEHEZKIEL 44:6

Pogumandon kon umat in Israel inta moibog momarontak tua kon Akuoi, ki Tuhan Inta Totok in moḷantud, doí bidon in mopomayá mako kon i monia momia kon inta nonajis.

MARKUS 4:12

sinbá ‘Umpaka umuran mosia monarukira táe diá kotaauan monia onu in mobaḻí, mosia umuran mokidongog, táe diá momangaḻe, naa mobaḻí sinbá mosia diá mokoontong bo momangaḻe bo dika in mosia mamangoi kon i Allah bo ampungan i Allah in mosia.’ ”

LUKAS 8:10

Dá ki Yesus in notubag, “Moiko aindon inogoian in totabi monotaau kon inta noibuni kon naonda in ki Allah momarenta saḷaku Datu. Táe intau mita ibanea pinopoyaputan táe tongá nomaké in poumpamaan, sinbá umpakabí in mosia monarukiramai, táe diá kotaauan monia onu in mobaḻí; bo umpakabí mosia mokidongog, táe diá komangaḻean monia.”

YOHANES 12:40

“Ki Allah in noguman, ‘Binilogan-Kudon in mata monia, binaḻí-Kudon in mosia motogat in gina; sinbá mosia in diá mokoontong, bo raian monia in diá momangaḻe. Simbá mosia in diá mamangoi bui kon i-Nakó, bodongka undaman-Ku in mosia.’ ”

KORINTUS 2 3:14

Manangka intua diá nobuká in raian monia. Umaai in masa in tanaa raian monia tua in tantúpabí kino koḷoban in koḷubung tatua aka mobaca kon dodandian inta muna tatua. Koḷubung tatua in moinggamábí aka mosia in motobatúdon i Kristus.

EPESUS 4:18

Raian monia tua in nosindipdon. Diábí kinotaauan monia in kobiagan inta inogoi i Allah, sin mosia in beresibí diá nonotaau in onu bo onu soaḷ ki Allah. Natua in mosia sin gina in motogat.

ULANGAN 29:3

Moiko in nokoontong domandon kon bodito mita inta motoyang, mujizat mita bo inta mokoherang mita inta pinomia i Tuhan.

ULANGAN 29:4

Táe dapot in tanaa mako diápa inogoi-Nea in moiko momangaḻe kon bayongan inta kinorasaan monimu tatua.

ULANGAN 31:27

Kinotaauankubí kon mosia tua in totok motogat in gina bo moibog momarontak. Kon wakutu in akuoi nobiagpa mosia nomarontak kon i Tuhan; yo bambíkabí aka akuoi matoidon!

ULANGAN 9:24

Pinangkoipamai kon kinotaauanku in moiko, moiko umuran moḷawang kon i Tuhan.

ULANGAN 9:7

Toropbí naonda in pinogogaid monimu nodapot in ki Tuhan Allahmu sinumorú kon padang gurun. Pinangkoi kon moiko nonaḷámai kon Mesir nodapot in moiko nodapot in naa, moiko ain noḷawang kon i Tuhan.