YEHEZKIEL 11:9 - Alkitab Singog In Mongondow Masa In Tanaa

⁹ Moiko in diaan-Kubí poḷuai kon kotá bo ogoi-Ku kon intau ango-angoi. Akuoi in nopoḷabúdon in hukuman matoi kon i monimu.

YEHEZKIEL 11:9 ပူးပေါင်းရင်းမြစ်များ

DATU MITA 2 24:4

noiḷontú totok popisí in pinoḻimodan inta inaidannea kon intau mita inta diá kotaḷá. Ki Tuhan in doíbí mongampung kon i Manasye sin popisí in aidnea mita tatua.

EZRA 9:7

Pinangkoipa kon mogoguyang nami nodapot in masa in naa, kami in umat-Mu inta binaradosa kon ini-Mu. Tuamai in kami, datu mita bo imang mita nami in sinaḷowdon in datu mita in bangusa ibanea. Kami in iḻimod, pinogagowan bo dinia nobaḻí intau inta dinakop. Kami in totokdon in siningkuḻe, ná doman kaadaan singgai in naa.

MAZMUR 106:30

Táe ki Pinehas in sinimindog bo nohukum kon inta kotaḷá, dá nogogaidon in yampoi tatua.

MAZMUR 106:41

Dá inogoi-Neadon in mosia kon bangusa mita pinomayá-Neadon mako in mosia kinawasa in musung.

MOHOHUTUBA 8:11

Nongonu sin totuubí mogampang in intau momia kon inta moraat? Popisí in hukuman diá ḷagi popoḷabú.

YEREMIA 29:20

Bo moiko komintan inta ain iḷumbú-Ku kon Babel, indongogai in onu inta pinoguman-Ku, Tuhan.’

YEREMIA 39:6

Kon kotá doman tatua ki adínea mita in iḻimod kon tayowonnea, bo bayongan in pojabat in pomarenta in Yohuda in iḻimod doman.

YEHEZKIEL 11:7

Tuamai, Akuoi, ki Tuhan Inta Totok in moḷantud, moguman kon inimu: Totuu, kotá tanaa in kuyonbí, táe ponoyá kon bonunea in deemanbí moiko, táe mayatbí in intau mita inta ain iḻimod monimu! Bo moiko in untunon-Kubí ḷumuai nongkon kotá tanaa!

YEHEZKIEL 16:38

Hukumon-Kubí in iko popisí in pinonuaḻingan bo pinoḻimodan inta ain inaidanmu tua. Kon bonu in rogi bo torú-Ku hukumon-Ku matoi in iko.

YEHEZKIEL 16:41

Turubon monia in baḷoimu mita bo pokiindoian monia in bobay mita kon pohukuman kon inimu. Natua in pogogogai-Ku kon pononuaḻingmu. Diá bidon bui in iko mosilai magí-mako kon tombuinag kon i inta kinotabimu mita.

YEHEZKIEL 21:31

Popotugat-Kubí kon i monimu in torú-Ku inta modoko-dokot. Bo moiko in ogoi-Kubí kon intau mita inta moḻingá inta nobiasadon moḻimod.

YEHEZKIEL 30:19

Natuata Akuoi in mohukumbí kon Mesir, dá kotaauandon monia kon Akuoibí in ki Tuhan.”

YEHEZKIEL 5:10

Guyanga in mokaandon kon i adínea tontaní bo adí in mokaandon kon guyanganea. Natuata in pohohukum-Ku kon i monia, bo inta mobiagpa in porariton-Ku kon bayongan in tampat.

YEHEZKIEL 5:15

Aka Akuoi tumorú bo moyaat totok in gina kon inimu poḷat mohukum kon inimu, yo bayongan in bangusa kon ḻibumumai in mokoningkimbí. Singkuḻeonbí monia in iko bo morongó in mokoontong kon inimu.

YEHEZKIEL 5:8

Dá Akuoi, ki Tuhan Inta Totok in moḷantud, noponiata kon Akuoi in musungmu. Iko in hukumon-Kubí kon tayowon in bangusa mita ibanea.

YOHANES 5:27

Sia in nobogoi in hak-Nea kon i Adí-Nea mohakim, sin Sia in ki Adí Intau.

SURAT I PAULUS KON JAMAAT RUM 13:4

Sin pomarenta tua in mogogaidbí kon oaidan i Allah inta mogaid kon kopiaanmu. Táe aka iko in mogaid kon inta moraat, dá iko in mustibí moondok kon pomarenta, sin deemanbí tongá ibo-ibog sia in inogoian in kawasa mohukum kon intau. Sia tua in mogogaidbí kon oaidan i Allah inta nopoḷabú in hukuman i Allah kon intau mita inta mogaid kon moraat.

ULANGAN 28:36

Moiko takin datu monimu in diaan i Tuhan mayá in butá in intau ango-angoi inta diá kinotaauan monimu bo inta diá doman kinotaauan in mogoguyangmu. Kon tua in moiko mogundoidon kon ilah mita inta pinomia nongkon kayu bo batu.

YUDAS 1:15

sin mohakim kon bayongan intau. Ki Tuhan in mohukum kon intau mita moraat popisí in oaid mita monia inta moromú. Bo hukumon-Neabí in intau mita baradosa bo inta modurhaka inta umuran mopoyaput in singog pohojat kon i Tuhan.”