YEHEZKIEL 11:3 - Alkitab Singog In Mongondow Masa In Tanaa

^3-4 Manangka intua potaaudon in koyow-Ku soaḷ hukuman kon i monia, ei intau inta ilo-ilow. Sin mosia in moguman, ‘Diádon moongot baḷoi mita tanaa in posindogon bui. Kotá tanaa in kuyon bo kita naa in ponoyá kon bonunea. Kita in moamanbí nongkon torú in tuḷú sin kita in inoḻingoian in kuyon tanaa.’ ”

YEHEZKIEL 11:3 ပူးပေါင်းရင်းမြစ်များ

DATU MITA 2 4:38

Kon wakutu tobatú nobaḻídon in bodito kinodaitan in kaanon kon bayongan in butá. Dá nobuidon in ki Elisa kon Gilgal. Naonda in sia motundúmai kon topaanan in nabi mita, nokigamá in sia kon bobantungnea in bejana moḷoben tobatú bo nodungú kon kaanon kon i monia.

YESAYA 5:19

Gumanmu, “Pomayádon ki Tuhan Allah in Israel in ḷagidon mogaid kon onu in koibog-Nea! Pomayádon mako Sia in mogaid kon tomayá-Nea, sinbá ontongon naton bo monotaau.”

YEHEZKIEL 12:22

“Ei intau inta ilo-ilow, nongonu sin intau in Israel in moibo-ibogbí mosingog kon peribahasa tanaa: ‘Wakutu in mobaḷui, táe onu inta pinoguman mita in diápabí doman mobobaḻí’?

YEHEZKIEL 12:27

“Ei intau inta ilo-ilow, intau mita in Israel in noguman kon oontongon bo onu inta sinoḻindapmu kon mobaḻí tua in bain moonggot mako bo motuoi.

YEHEZKIEL 7:7

Bayongan in yagi-yagi ain nopaḷut kon inimu, ei bangusa mita inta nogutun kon butá tanaa. Tanaa in diá bidon in rame mita kon mezbah mita kon buḷud, dongka bidon kotombaukan in oyúon.

AMOS 6:5

Mopia in gina monimu in momia kon dondong, ná inta inaidan i Daud, bo moiko in mopodondong in dondong tatua takinan in kecapi.

MIKHA 3:3

Kinaan monimu in bangusaku. Kuḻitnea in binera-berak monimu bo tuḷannea mita in irimumud monimu. Pinongko-pongkó monimu in mosia naonda bo nomongkó kon tapú inta bonuon kon kuyon.

PETRUS 2 3:4

Mosia in mosingog nanaa: “Dongogonmai ki Tuhan in nodandi mamangoi! Yo ondabí in nion! Nodaitdon minatoi in mogoguyang naton táe bayongan in yagi-yagi umuranpabí ná kaadaan tungkuḷ intua, wakutu in dunia naa bagupa inaidan!”