YEHEZKIEL 11:1 - Alkitab Singog In Mongondow Masa In Tanaa

¹ Bo akuoi in sinintak in Roho i Allah bo dinia kon bonawang Pomukaan kon Baḷoi Tuhan. Kon tua inontongku in 25 in intau, kon sigad monia tua oyúon in doyowa in itoi in bangusa, ki Yaazanya ki adí i Azur bo ki Pelaca ki adí i Benaya.

YEHEZKIEL 11:1 ပူးပေါင်းရင်းမြစ်များ

DATU MITA IMITÁNEA 18:12

Aka akuoi mayá nongkon naa, Roho i Tuhan in dika bo modia kon i Amá mayá in tampat inta diá kinotaauanku! Bo aka potaauku kon i Ahab kon ki Amá in kon naa, bo moiduduimai kon tua diá moyodungkuḷnea in ki Amá, yo notantú bidon kon ḻimodonneabí in akuoi. Pokotaaudon, Amá, akuoi naa in totu-totuubí mosumba kon i Tuhan nongkon nointokanpamai!

DATU MITA 2 2:16

bo noguman, “Kami in ḻima nopuḷú in naa, komintan mongoropot. Tuamai, koḻigai in kita mayá motayak kon i Elia ki tuangmu tua. Degá bo Roho i Tuhan in nodiadon kon inia pinobayá in buḷud andeka kon ḷopá, bo sinaḷáan kon tua.” “Dikadon!” tubag i Elisa.

DATU MITA 2 25:23

Naonda in porwira mita bo tontara in Yohuda inta doí sinumungkud kon Babel nokodongog kon pinoduían tatua, mosia komintan in namangoi kon i Gedalya kon Mizpa. Porwira mita tatua in ki Ismael ki adí i Netanya, ki Yohanan ki adí i Kareah, ki Seraya ki adí i Tanhumet nongkon kotá in Netopa, bo ki Yazanya nongkon kotá in Maakha.

YESAYA 1:10

Yerusalem, itoimu mita bo bangusamu ain nobaḻí naonda bo intau in Sodom bo Gomora. Indongogaipa onu inta pinoguman i Tuhan kon inimu; tondudutka onu inta sinundú i Allah naton.

YESAYA 1:23

Itoimu mita momomarontak bo nobaḻí ki ata in mononakow; mosia in moibog motarima kon tombuinag bo doit posogó. Mosia in doíbí moduḷu kon uno-unon kon pongadilan; doí mokidongog kon popongaduan in boba-bobay mita.

YEHEZKIEL 10:19

Akuoi in nokoontong kon kerub mita tatua nosongká kon koḻikipnea bo nonaḷámai kon butá bo minayá, bo rodanea mita in dinumudui. Bo nogogai in mosia kon diug in bonawang in Baḷoi Tuhan inta kon dotá in pomukáan, bo sindar inta mopouḻi-uḻinag tatua umuran kon ḻimonik monia.

YEHEZKIEL 10:22

Pogot monia in notombatangan doman in pogot in kerub mita inta inontongku kon bingkí in Ongkag in Kebar. Kon batúannea minayá notuḻid ná muna.

YEHEZKIEL 11:13

Koyogotpa in akuoi nosingog kon tua, indoianmai yo ki Pelaca in daḻíbí noḷabú bo minatoi. Dá akuoi in dinumokó bo nomaḷú, “Kaasí Tuhan Inta Totok in moḷantud! Degá bayongan agat in Israel tanaa in ḻimodon-Mu?”

YEHEZKIEL 11:24

Kon bonu in oontongon tatua, Roho i Allah nobingkat kon inakó bo dinia bui pinobayá kon intau mita intau iḷumbú kon Babel. Onda intua diádon inontong in oontongon tatua.

YEHEZKIEL 22:27

Pojabat mita in pomarentanea naonda bo serigala inta noyingki-yingkit kon kokaanonnea. Mosia in moḻimod tongábí makusud motayak kon kauntungan.

YEHEZKIEL 3:12

Bo Roho i Allah in nobingkat kon inakó bo kon tumiku in kinodongoganku in singog in gotup inta noguman, “Dayowdon in kamuliaan i Tuhan kon soroga.”

YEHEZKIEL 3:14

Kawasa i Tuhan in namangoi kon inakó motoyang totok, bo naonda in akuoi biningkat bo dinia in Roho-Nea, ginaku in koraasaan mopait bo mopatú.

YEHEZKIEL 37:1

Akuoi kinawasaan i Tuhan, bo Roho-Nea in nodia kon inakó nosiḻig kon ḷopá inta nopuḻing in tuḷan.

YEHEZKIEL 40:6

Onda intua minayá in sia in bonawang inta noitayow kon pomukaan. Noponik in sia kon tukadnea bo naonda in noidapot in tudunea, inukurnea in ngara in tatua, kooḷadnea toḷu nometer.

YEHEZKIEL 41:1

Ḷoḷaki tatua in nodia kon inakó sinumuot in gopot kon yuak, inta sinangoian Tampat Inta Motusi. Inukurnea in lorong inta nopobayá ná tatua: kobanatnea in toḷu nometer,

YEHEZKIEL 8:16

Dinia-Nea in akuoi kon dangkuḷon kon bonu in Baḷoi Tuhan. Kon diug in ngara tuotan kon yuang motusi, kon sigad in mezbah bo lorong, doyowa nopuḷú bo ḻima in intau. Mosia in nonoḻikud kon yuang motusi, bo dinumokó sinumayow kon pomukaan bo nosumba kon mata in singgai inta momuká.

YEHEZKIEL 8:3

Sia in nopotonggó in naonda bo ḻima, bo norambun kon buokku. Onda intua kon bonu in oontongon tatua, akuoi sinintak in Roho i Allah kinoḷantud namonik in ḷangit bo dinia kon Baḷoi Tuhan kon Yerusalem, kon ngara tumuot kon dangkuḷon inta kon bonunea kon dotá in utuan. Kon tua oyúon in patong berhala inta ain nokopomuká kon torú i Allah.

HOSEA 5:10

Ki Tuhan in noguman, “Akuoi in sinumorú popisí in itoi mita in Yohuda ain nonubu kon Israel bo nogagow kon butánea. Tuamai in popouma-Kubí in hukuman kon i monia naonda bo ḷunud.

OUMAN IN RASUL MITA 8:39

Naonda in mosia nobatundon nongkon tubig tatua, daḻídon dinia in Roho i Tuhan in ki Pilipus, sahingga in diádon inontong in pogawai tatua in sia. Dá sia in nogingguputdon kon bobayáannea tatua takin pia in gina.

WAHYU 1:10

Kon Singgai i Tuhan, akuoi in kinawasaan in Roho i Allah, bodongka nokodongog in akuoi kon singog moropot – naonda bo singog in torompet – nosingog kon tumikumai.