YEHEZKIEL 10:6 - Alkitab Singog In Mongondow Masa In Tanaa

⁶ Naonda in ki Tuhan nopotabá in intau inta nogiḷambung in linen tatua nogamá kon toyangkom baga in tuḷú kon sigad in roda mita kon ḻimonag in kerub mita tatua, intau tatua in sinumuot bo sinimindog kon kiḻid in roda mita tatua.

YEHEZKIEL 10:6 ပူးပေါင်းရင်းမြစ်များ

MAZMUR 80:1

Kon i itoi in mododondong. Podudui in dondong: Bungang bakung. Mazmur kosakusian i Asap.

MAZMUR 99:1

Ki Tuhan in Datu; bangusa mita in mourotbí. Sia in nomarenta kon tudu in kerub, butá in nodandú.

YEHEZKIEL 10:2

Onda intua ki Allah in noguman kon intau inta nogiḷambung in linen tatua, “Tuotdon kon sigad in roda mita inta kon ḻimonag in kerub mita tatua, bo gamádon in toyangkom baga in tuḷú. Bo potabudon in baga tatua kon ḻimonik in kotá.” Sia in dinumudui, bo sinaridianku.

YEHEZKIEL 10:5

Singog in pongaḻikokaban in kerub mita tatua in kinodongogan nodapot kon palas kon ḷuai, naonda bo singog i Allah inta Totok in mokawasa.

YEHEZKIEL 10:7

Bo tobatú nongkon kerub tatua nopobonu in ḻimanea kon bonu in tuḷú inta kon yua-yuak monia, nopuyut kon tongonumai noputoḷ in baga, bo nobogoi intua kon intau inta nogiḷambung in linen tatua. Intau tatua in nogamá bodongka minayá.

DANIEL 7:9

Koyogotpa in akuoi nonaridipa mako, tongonumai in tampat pomomarentaan koyogot in inukat. Bo Sia inta mononoi iḻimitú kon tudu in tobatú tampat pomomarentaan mita tatua. Pakeang-Nea bo buok-Nea in nobudó nodarit naonda bo kapot. Tampat pomomarentaan-Nea takin rodanea mita in nodoko-dokot popisí tuḷú iḷumekep,