YEHEZKIEL 1:1 - Alkitab Singog In Mongondow Masa In Tanaa

^1-3 Kon singgai iḻimanea buḷan inggopatnea kon taong intoḷu nopuḷúnea, kon bonu in taong iḻimanea ki Datu Yoyakhin inakut pinobayá in pinoḷumbúan, akuoi, ki Imang Yehezkiel ki adí i Busi, in kon bingkí in Ongkag in Kebar kon Babel noyotakin in intau mita in Yahudi ibanea inta iḷumbú. Daḻíbí nobukat in ḷangit bo akuoi in nokouḻí kon oontongon soaḷ ki Allah. Dinongogku in ki Tuhan in nopoyaput in singog kon inakó bo kinorasaanku in ropot in kawasa-Nea.

YEHEZKIEL 1:1 ပူးပေါင်းရင်းမြစ်များ

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

KINOBAḺIAN 46:2

Kon tobatú oontongon wakutu in doḷom, ki Allah noguman kon inia, “Yakub, Yakub!” “Ya, Tuhan,” tubagnea.

MAZMUR 137:1

Kon bingkí in ongkag mita in Babel kami in iḻimitú bo mongombaḷ aka mokotorop kon Sion.

IḶUAIAN 24:10

bo mosia in nokoontong kon i Allah Israel sinimindog kon tudu in barang inta koontongan naonda bo taḷog inta pinomia nongkon batu nilam, bo nobidu naonda bo ḷangit inta motarang.

YESAYA 1:1

Buk tanaa tombonunea in koyow mita kon Yohuda bo Yerusalem inta pinoniata i Allah kon i Yesaya, ki adí i Amos, kon tungkuḷ in ki Uzia, ki Yotam, ki Ahas bo ki Hizkia in nomarenta kon Yohuda.

YESAYA 6:1

Kon taong kinopatoian i Datu Uzia, akuoi nokoontong kon i Tuhan. Sia in iḻimitú kon tudu in tampat pomomarentaan-Nea inta moḷantud bo momulia. Jubah-Nea noikoḷob kon bayongan Baḷoi Tuhan.

YEREMIA 29:15

Podudui kon i monimu, ki Tuhan ain nobogoi in nabi mita kon Babel.

YEHEZKIEL 10:1

Bo akuoi in inimindoi kon kubah inta kon ḻimonikanmai in uḷu in kerub mita tua, bo oyúon doman in inontongku inta naonda bo ḷoḻitúan pomomarentaan nongkon batu nilam.

YEHEZKIEL 10:15

Kerub mita tatuata inta koḻipod inontongku kon bingkí in Ongkag in Kebar. Pomuḷoi in kerub mita tatua ḻimiai andeka mosongká kon koḻikipnea, mamonik in ḷangit bo ḷumayug mayá andeka mogogai, yo roda mita tatua in umuranbí dumudui, sin kinawasa in kerub mita tatua.

YEHEZKIEL 10:20

Kinotoropanku kon tuata in kerub mita inta koḻipod inontongku noiukat kon ḻimonag i Allah in Israel, kon bingkí in Ongkag in Kebar.

YEHEZKIEL 10:22

Pogot monia in notombatangan doman in pogot in kerub mita inta inontongku kon bingkí in Ongkag in Kebar. Kon batúannea minayá notuḻid ná muna.

YEHEZKIEL 11:24

Kon bonu in oontongon tatua, Roho i Allah nobingkat kon inakó bo dinia bui pinobayá kon intau mita intau iḷumbú kon Babel. Onda intua diádon inontong in oontongon tatua.

YEHEZKIEL 3:15

Dá noiyaputdon in akuoi kon tampat pinogutunan in intau mita inta iḻumbú kon Tel-Abib kon bingkí in Ongkag in Kebar. Pitu nosinggai in akuoi nogutun kon tua; noitongau mako in akuoi popisí in bayongan in inta bagukupa dinongog bo inta inontongku.

YEHEZKIEL 3:23

Dá minayádon in akuoi kon ḷopá, bo kon tua inontongku in bayag nonindar inta moponiata kon kinoangoian i Tuhan ná inta ain inontongku kon bingkí in Ongkag in Kebar. Bo noitongkob in akuoi kon tudu in butá,

YEHEZKIEL 40:2

Kon oontongon tobatú, ki Allah in nodia kon inakó minayá in butá in Israel pinobayá in buḷud inta totok in moḷantud. Kon tayowonku inontongku in totampat in bangunan inta ná batangan in kotá tobatú.

YEHEZKIEL 43:3

Oontongon tatua in notongkai in inta inontongku kon dodai in ki Allah namangoi sin morimumud kon Yerusalem, bo ná inta inontongku kon Ongkag in Kebar. Bo inumumpag in akuoi bo nosundud.

YEHEZKIEL 8:3

Sia in nopotonggó in naonda bo ḻima, bo norambun kon buokku. Onda intua kon bonu in oontongon tatua, akuoi sinintak in Roho i Allah kinoḷantud namonik in ḷangit bo dinia kon Baḷoi Tuhan kon Yerusalem, kon ngara tumuot kon dangkuḷon inta kon bonunea kon dotá in utuan. Kon tua oyúon in patong berhala inta ain nokopomuká kon torú i Allah.

HOSEA 12:10

Táe Akuoi, ki Tuhan Allahmu, inta nodia kon i monimu iḻumuai nongkon Mesir, buibí mopoutun kon i monimu kon ḷoḷaigan mita ná dungkuḷmai kon tungkuḷ in Akuoi namangoi kon inimu kon padang gurun.

YOËL 2:28

“Kon singgai moiduduimai bayongan in intau in ogoian-Kudon in roho-Ku. Dá ki adímu ḷoḷaki bo bobay in mopotaaudon in koyow-Ku mita; intau mita inta noguyangdon mita kon yuakmu in tumogoindopdon oontongon in ogoidon kon tayowmobiag bo mongodeaga.

PINOGIAPAN 12:6

bo ki Tuhan noguman, “Indongogai in tosingogon-Ku naa! Aka kon sigad monimu bo oyúon in tobatú nabi, yo Akuoi in mokipogontong kon inia kon bonu in oontongon mita, bo mongonguman takinnea kon bonu in togoindop.

PINOGIAPAN 4:3

bo momais kon tangoi in bayongan ḷoḷaki inta umur toḷu nopuḷú notaong dapot in ḻima nopuḷú notaong, inta motaaudon mogaid kon Ḷoḷaigan i Tuhan.

MATIUS 17:9

Kon dodai in mosia nosiḻigdon nongkon buḷud tatua, ki Yesus nobogoi in koyow kon i monia, “Donaai oumanon monimu kon i ine kabí in onu inta aindon inontong monimu tatua kon wakutu in ki Adí Intau diápa biagon bui kon sigad in intau minatoi.”

MATIUS 3:16

Naonda in nopaḷut binaptis, ki Yesus ḷagi nobatun nonaḷámai kon tubig tatua, bo kon dodai doman intua ḷangit nobukat bo inontong-Nea in Roho i Allah naonda bo ḷagapan paḷoma noponag kon i-Nia.

MARKUS 1:10

Naonda in ki Yesus nobatundon nongkon tubig tatua, inontong-Nea in ḷangit nobukat bo Roho i Allah noponag dinumompá kon i-Nia naonda bo paḷoma.

LUKAS 3:21

Naonda in nodaitdon binaptis in intau mobayong kon tua, ki Yesus namangoi doman nokibaptis. Koyogot in baptison, Sia nosambayang bo ḷangit nobukat,

LUKAS 3:23

Ki Yesus in nomangkoidon nogaid kon oaidan-Nea wakutu in Sia umurdon degá toḷu nopuḷú notaong. Kain intau Sia naa in ki adí i Yusup, inta ki adí i Eli,

YOHANES 1:51

Ki Yesus noguman doman, “Totuu, popirisayadon! Iko mokoontongbí kon ḷangit mobukat bo malaekat mita i Allah moponik-moponag mamangoi kon i Adí Intau.”

OUMAN IN RASUL MITA 10:11

Inontongnea in ḷangit nobukat bo oyúon in naonda bo daing nooḷad noituntun monag kon butá, bo noibambé kon opat nosudut.

OUMAN IN RASUL MITA 10:3

Kon singgai tobatú, degá jam intoḷuneadon ḷoḷabungnea, inontongnea notarang in tobatú malaekat sinumuot kon baḷoinea bo nokuuk kon inia nanaa, “Kornelius!”

OUMAN IN RASUL MITA 7:56

Ki Stepanus in noguman, “Indoiai, inontongku in soroga nobukat bo ki Adí Intau sinimindog kon dotá in koḷanan i Allah!”

KORINTUS 2 12:1

Totuubí kon diábí in mangaḻe dumodia. Tongá mustikubí doman popotaau onu inta ain pinowahyu bo inta pinoontong i Allah kon inakó.

WAHYU 19:11

Noiduduimai kon tua inontongku in soroga nobukat, bo inontongku oyúon in tobatú kabaḷo nobudó. Ki inta sinumakoi kon kabaḷo tatua, tangoinea ki Mosatia bo ki Mobanar. Sia in moadilbí in monantú kon hukuman bo kon parang.

WAHYU 4:1

Nopaḷut mako intua nanaa in bui inontongku. Inontongku in tobatú ḷoḻingkop nobukat kon soroga. Bo dinongogkudon bui in singog inta noguman kon inakó koina inta naonda bo singog in torompet. Singog tatua in noguman, “Poponikdon mangoi kon naa, bá popoontong-Kudon kon inimu onu in mobaḻí kon singgai moiduduimai.”