YAKOBUS 5:9 - Alkitab Singog In Mongondow Masa In Tanaa

⁹ Donaai umuran mongunsingog bo mosipotaḷáan, sinbá moiko in diá hukumon i Allah. Torop! Hakim in nodiugdon, nobasadiadon mamangoi.

YAKOBUS 5:9 ပူးပေါင်းရင်းမြစ်များ

KINOBAḺIAN 4:7

Aka iko mogaid kon inta mopia, yo pasti pogotmu in diábí morongut mako; táe aka iko mogaid kon inta moraat, dá dosa in dongka mogoḷat mako sin tumuot kon ginamu. Dosa in moibog mongawasa kon inimu, táe musti ḷawangonmu in sia.”

MAZMUR 59:15

Kon dodai in ḷoḷabungnea mobui in mosia, mogaú naonda bo ungkú sindaḷan moḻibu kon kotá.

YEHEZKIEL 7:12

Wakutunea in ḷagidon moiangoi, singgainea in nodiugdon! Ki inta mototaḷui bo ki inta mopopotaḷui in diábí mokouḻí kon kauntungan onu bo onu, sin hukuman i Allah in moiantug kon bayongan in intau.

IMAMAT 19:18

Dika mopotuḻí in yaat in ginamu bo dika moyaat in gina kon intau ibanea, táe kotabibí in tumpaḷa intau ná kototabimu kon awakmu tontaní. Akuoi in ki Tuhan.

MATIUS 24:33

Ná doman tua aka moiko bo mokoontong kon naa komintan, yo pokotaaudon kon wakutunea in diádon moonggot.

MARKUS 13:29

Ná doman tua, aka moiko mokoontong kon soaḷ mita tatua mobaḻí, yo kotaauandon monimu kon modiugdon totok in wakutunea.

MARKUS 6:19

Manangka intua ki Herodias umuran notagú kon yaat in ginanea kon i Yohanes, dapot ibogonnea ki Yohanes in ḻimodon, táe diánea kino aidan sin umuran ḷamboian i Herodes.

KORINTUS 1 10:11

Tua komintan ain noiantug kon i monia saḷaku contoh kon intau mita ibanea. Bo komintan tua in pinaisbí doman sin mobaḻí tompoingat kon i naton kon singgai tumi inta ain nodiug.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

KORINTUS 2 9:7

Táe poigumonku mako moiko mobogoibí takin pia in gina, diá tongá pakisa, sin intaubí inta mobogoi takin pia in gina in kotabi i Allah.

GALATIA 5:14

Bayongan in hukum in agama sinipun kon tobatú parenta tanaa, “Kotabibí in tumpaḷa intau ná kototabimu kon awakmu tontaní.”

GALATIA 5:26

Bo donaaibí in kita kumaḷakuang, mosi posakian kon gina, bo mosi intoian.

YAKOBUS 4:11

Utatku mita, donaai in moiko mosiponapudan ande mosipotaḷáan. Intau inta moponapud ande mopotaḷá kon i utatnea inta tumpaḷa Keresten, yo intau tatua in moningkuḻe bo mopotaḷá in hukum i Allah. Bo aka moiko in mopotaḷá kon hukum i Allah, mangaḻenea kon tua moiko in diá dinumudui kon hukum mita tatua, táe moiko in mobaḻídon hakimnea.

YAKOBUS 4:12

Bokaka tongábí tobatú in kokawasa mobogoi in hukum kon intau bo mohakim kon intau. Sia tuata in ki Allah inta kokawasa moposaḷamat bo momutú. Dá, ki ine in moiko nion, sahingga in moiko moibog mopotaḷá kon tumpaḷa intau?

YAKOBUS 5:10

Utat mita, toropdon in nabi mita inta nosingog pinodoyon kon tangoi i Tuhan. Mosia in nosabar bo notaba in kinoantugan in yoyiga. Dá baḻídon in mosia saḷaku contoh.

YAKOBUS 5:7

Tuamai, posabardon utatku mita, dapot in ki Tuhan mamangoi. Indoiaidon naonda in kososabar in intau monononggobá in mogoḷat modapot in butánea mobogoi in hasil inta mobogoi in kauntungan kon inia. Umuran mosabar in sia in mogoḷat kon uyan kon sempo in kototakan bo uyan sempo in pononobur.

PETRUS 1 4:5

Táe mosiabí in motanggungjawab kon bayongan tua kon tayowon i Allah inta ain nobasadia mohakim kon intau inta nobiag bo intau inta ain minatoi.

PETRUS 1 4:9

Bo moiko in musti motaau mosipasiaran kon baḷoi takin diá mogamui.

WAHYU 3:20

Indoiai! Akuoi in sinimindog kon tayowon in ḷoḻingkop bo nonangkokó. Aka oyúon in intau nokodongog kon singog-Ku bo momukat kon ḷoḻingkop; dá tumuot in Akuoi bo mokipodungkuḷ kon inia bo mongaan moyotakin in kaminda.