YAKOBUS 5:6 - Alkitab Singog In Mongondow Masa In Tanaa

⁶ Moiko in mohukum bo moḻimod kon intau mita inta diá kotaḷá, bo mosia in diá momaḷawang kon i monimu.

YAKOBUS 5:6 ပူးပေါင်းရင်းမြစ်များ

YESAYA 5:23

Táe tongá bá mokouḻí kon doit posogó, dá moiko in mopoḷuat kon intau kotaḷá, bo moḷamboi kon intau diá kotaḷá mokouḻí kon inta moadil.

YESAYA 53:7

Iromu-romúmai in pinogogaid kon inia, táe binabanea intua takin gina nosabar. Diábí in sia noposingo-singog naonda bo ki adí in domba inta dinia kon tampat pororataan andeka ki iná in domba inta kinarugan in bubuḷnea.

MATIUS 21:38

Táe naonda inontong in mototomoyó mita tatua in ki adínea tatua, mosia noguman, ‘Sia naa inta mowaris kon gobá tanaa, maní bo ḻimodon naton sia, sinbá gobá tanaa moiḷabúdon kon i naton!’

MATIUS 27:20

Táe lantaran pinakisa saḷaḷu in imang mita itoi bo guhanga in ḻipú, dá intau mita kon tua nonantúdon kon mopoigum sinbá poḷuaiondon in ki Barabas bo ki Yesus in hukumon matoi.

MATIUS 5:39

Táe Akuoi in moguman kon inimu: Donaai moiko motuḻí kon intau inta nopoaid in moraat kon inimu. Táe nanaabí in aidai, aka ki ine in monokap kon putongimu koḷanan, yo ogoi doman in putongimu koḷoigi.

OUMAN IN RASUL MITA 22:14

Onda intua sia in noguman kon inakó nanaa, ‘Ki Allah in mogoguyang naton ain nomiḻí kon inimu sinbá iko in monotaaudon kon onu in kinoibog-Nea, bo mokoontong kon i Yesus, simpaḷ i Allah inta ain nogaid kon onu in kinoibog i Allah, bo iko ain nokodongog kon singog i Yesus tontaní.

OUMAN IN RASUL MITA 7:52

Eta oyúon nabi in diá pinogutú in mogoguyangmu mita? Sinbá kotaauan monimu, nodait monia iḻimod in totabá mita i Allah koḻipod, inta namangoi sin mopotaau in koangoian in Simpaḷ i Allah inta totok in mobanar, inta aindon doman irupa-rupamai monimu poḷat iḻimod.

OUMAN IN RASUL MITA 8:32

Naa in tontagá inta binacanea tua, “Sia in naonda bo domba inta diaan ratáan, ná ki adí in domba inta tongá kibio-biómai aka gonsingan in bubuḷnea, natua in Sia diábí moposingo-singog.

IBRANI 10:38

Bo umat-Ku inta mobanar in mopirisayabí bo mobiag; táe aka oyúon in kon sigad monia tua in nobaḷui in pirisaya, dá diábí mosanang in gina-Ku kon inia tua.”

YAKOBUS 2:6

Táe moiko ain noningkuḻe kon intau mita inta nobiag nobogá, bokaka intaubí mita inta nooyúon in mondorot bo mogugut kon i monimu pobayá in pongadilan!

YAKOBUS 4:2

Moibog in moiko, táe diá mokouḻí, dá moibog in moiko moḻimod! Totok moḷoben in ibog monimu, táe diá kodapotan monimu onu inta sinayak monimu tua, dá mobobayowan bo moropatoi in moiko. Moiko in diábí mokouḻí kon onu bo onu, sin moiko in diá noigum kon i Allah.

PETRUS 1 4:18

Kon bonu in Buk Motusi ain pinais nanaa, “Aka intaupa mita inta mopia mororiga doman totok in posaḷamaton, yo onudon degá in mobaḻí kon i monia inta diá mopirisaya kon i Tuhan bo inta mogaidmai kon dosa!”