YAKOBUS 5:5 - Alkitab Singog In Mongondow Masa In Tanaa

⁵ Moiko ain nobiag nooyúon totok bo kinorasaandon monimu in kasanangan dunia naa. Moiko in naondadon bo koyogot in mopoḷongó in awak sin ratáan kon singgai porataan.

YAKOBUS 5:5 ပူးပေါင်းရင်းမြစ်များ

MAZMUR 17:14

Poḷuatdon in akuoi nongkon intau mita inta nosipun kon kapunyaan kon dunia. Hukumdon in mosia in bodito inta ain sinadia-Mu kon i monia. Pomayádon mako in ki adí bo ki ompu monia hukumon doman.

MAZMUR 73:7

Nongkon gina monia moiḷuai in moraat; mosia in tongábí tantú morai kon tomayá mita moraat.

AMSAL 17:1

Maníka kaanon topoputok takin popiaan, dika in kaanon mopia inta mobarong takin bobayowan.

AMSAL 7:14

“Singgai naa akuoi in musti moguboḻi kon dandiku, dá akuoi in noposumbadon in kuruban.

MOHOHUTUBA 11:9

Paké kopia in wakutumu kon dodai in iko mobagupa! Pokosanangbí kon dodai in iko bagupa ede in tayowmobiag. Duduiaibí in bayongan ibog in dimukudmu, aidai in bayongan niat in ginamu. Táe pokotorop, ki Allah inta kon soroga, in monantúbí kon bayongan in oaidmu.

YESAYA 22:13

Táe noyoḻiudon kon tua, moiko in nobarasanang bo norame. Moiko in noratá kon sapi bo domba, nokaan kon ponoyá bo nonginum kon tubig in anggur sindaḷan nomaḷú, “Koḻigai in kita mongaan bo monginum, sin ikoḷom matoi in kita!”

YESAYA 3:16

Ki Tuhan in noguman, “Moḷoḷatú totok in bobay mita in Yerusalem! Mosoing in mosia, moibog monilok bo mododia in bobayá monia. Ḷampangnea in ai-aidan, bo toninsing in singog in galang mita in sioḷnea.

YESAYA 47:8

Tuamai in indongogaidon in Akuoi, ei iko inta moibog momatuk kon kasanangan! Kainimu kamai dá moamanbí in kobiaganmu, bo diábí in ná iko. Kainimu kamai dá iko in diábí mobaḻí dongkadon boba-bobay, bo buímu in diá moyopú.

YESAYA 56:12

Intau mita moḷoḷoḷangu mita tatua in moguman, ‘Igai monginum in kita kon anggur bo monginum modapot in moorop! Ikoḷom in mopia-pia nongkon singgai naa!’ ”

YEREMIA 12:3

Táe Iko, o Tuhan, nonotaau kon inakó. Iko in nokoontong kon onu in inaidanku, bo kinotaauan-Mu naonda in porasaan in ginaku kon ini-Mu. Diadon in intau mita moraat tatua ḷumuai, diádon in mosia naonda bo domba mayá in pororataan. Ḷukadai in mosia modapot in porataan kon i monia.

YEREMIA 25:34

Ei itoi mita, ei gombala mita in umat i Tuhan! Pongombaḷdon koropot! Ponangkuḻitodon kon ḷobud, sin noiangoidon in wakutunea ḻimodon in moiko, bo inta mokoḷagui in porariton. Moiko in nádon kuyon koboḻi inta noḷabú bo noḷosi.

YEHEZKIEL 16:49

Sodom bo ḻipúnea mita in noḷoḷatú popisí in nobayong in tongkaaḷ kaanon bo nobiagdon noodom bo nodame. Táe mosia in diá noindoimai kon intau nobogá bo noompá.

YEHEZKIEL 39:17

Ki Tuhan Inta Totok in moḷantud noguman kon inakó, “Ei intau ilo-ilow, oinídon in bayongan in ḷagapan bo mahaḷuk ibanea mako, sinbá mamangoi nongkon bayongan in tampat bo mokaan kon kuruban inta sinadia-Ku kon i monia. Akuoi in momiabí kon bobutungan moḷoben kon buḷud mita in Israel, kon tua mosia in mokaanbí kon ponoyá bo monginum kon dugú.

AMOS 6:1

Moboditodon in moiko inta nobiag nopia kon Sion, bo moiko inta noodom kon Samaria – moiko ei itoi mita in ḻipú in bangusa in Israel inta notondí naa, moiko inta biasamai inangoian in rayat sin pokituḷungan!

LUKAS 16:19

“Oyúon intau nooyúon inta umuran mogiḷambung in ḷambung inta totok in momahaḷ, bo pomuḷoi in singgai sia in umuran mokaan kon kaanon inta mongopia.

LUKAS 16:25

Táe ki Abraham in notubag, ‘Uḻe, toropdon adíku: iko aindon nokorasa kon bayongan inta mopira wakutu iko nobiagpa kon dunia, táe ki Lazarus naa in tongábí nokorasa kon bayongan inta diá mopia. Manangka intua tanaa mako sia in mokouḻí kon inta mopia kon naa. Yo iko in mokouḻí kon roriga.

SURAT I PAULUS KON JAMAAT RUM 13:13

Musti in kita mogaid kon soaḷ mita motompia ná inta biasamai aidan in intau kon tungkuḷ in mobayagpa. Dika mogaid kon rame inta moiḻiu, ande moḷoḷangu. Dika mogaid kon inta mokoromú ande oaid inta diá koendar. Dika moporopatoi, bo dika mosiintoian.

TIMOTIUS 1 5:6

Táe aka tobatú boba-bobay inta totokpa in moibog in kasanangan in dunia naa yo mosia tua in sabanarnea minatoi bidon, umpaka awak monia tua in nobiagpa.

TIMOTIUS 2 3:4

Mosia in diá mosatia, mododia bo mopoḷom-poḷok in raian. Mosia in tumon intau mopandoi bo ibogon monia in tongábí i monia in duduian, deemanbí dumudui kon ibog i Allah.

PETRUS 2 2:13

Saḷaku tontuḻí in aid monia inta mongoromú tua, yo mosia in mokorasabí kon roriga. Aka kon i monia yo soaḷ mita inta mokosanang kon gina monia in mogaidbí kon onukabí kon wakutu in singgaipa sin mopoorop kon ibog in awak monia. Aka mosia ḻimitú moyotakin monimu kon rame bo mongaan moyotakin, yo oaid monia tua in mokobú lantaran mosia moḷoḷangu in ibog awak monia.

YUDAS 1:12

Kon wakutu in moiko nogaid kon rame nongaan noyotakin, oaid in intau mita tatuata inta mokobú kon sigad monimu. Mosia tumura in mongaan takin diábí kooyá, bo tongá morai kon kopontingan monia tontaní. Mosia tua in ná doman onda bo goḷom inta dinia in tompot táe diá mokouyan. Mosia in ná doman onda bo pangkoi in ayop inta diá momomungai umpaka sempo in ayop; pangkoi mita inta ain irabut takin uakatnea bo minatoidon.

WAHYU 18:7

Ogoidon kon inia in roriga bo inta mokoajar kon gina inta motongkai in kobayong in kamuliaan bo kaoyúonan inta ain kinorasaannea tontaní. Sin sia in umuran moguman kon bonu in ginanea tontaní, ‘Akuoi naa in bokí inta momarenta! Akuoi naa in deemanbí mobobaḷu; akuoi in diábí mokorasa kon ajar in gina!’

SAMUEL 1 25:36

Naonda in ki Abigail nobui kon i Nabal, noniata magí yo oyúonbí in rame moḷoben kon baḷoinea, naonda bo rame in datu. Bo popisí in ki Nabal noḷoḷangu bo noḷunganga totok in ginanea, dá diábí pinotaau i buḷoinea kon inia nodapot in nobangon monik.

SAMUEL 1 25:6

mokipodungkuḷ kon in Nabal sin mopoyaput in horomat i Daud kon inia. Ki Daud in nopotabá kon i monia moguman nanaa kon i Nabal, “Salam kobobiag motompia kon inimu bo kon tombonu in baḷoimu bo kon bayongan in kapunyaanmu.