YAKOBUS 5:3 - Alkitab Singog In Mongondow Masa In Tanaa

³ Buḷawan bo saḷakamu ain kinokoḷoban komintan in kaḻiotá, kaḻiotá tatua in mobaḻí sakusi moḷawang kon i monimu bo daitonnea kaanon in awakmu naonda bo tuḷú. Moiko ain nosipun kon kapunyaan kon singgai mita pangabisan.

YAKOBUS 5:3 ပူးပေါင်းရင်းမြစ်များ

KINOBAḺIAN 31:48

Guman i Laban kon i Yakub, “Guntuḷan batu tanaa in mobaḻí tompoingat kon i natonda.” Tuamai tampat tatua sinangoian Galed.

KINOBAḺIAN 31:52

Pinomayá guntuḷan batu tanaa, ande batu tompoingat tatua moponorop kon i naton kon akuoi in diábí motaau ḻimimpat kon guntuḷan tanaa sin monubu kon inimu, bo iko doman diábí motaau ḻimimpat kon guntuḷan bo batu tompoingat tanaa sin mamangoi monubu kon inakó.

KINOBAḺIAN 49:1

Noiduduimai kon tua ki Yakub nogoiní kon i adínea mita bo noguman, “Poyosipundon kon naa, kon diugku. Potaaukudon kon i monimu onu in kobayáan monimu kon singgai moiduduimai:

AYUB 16:8

Sia in noḷawang bo nodomok kon inakó. Tanaa in morutukdon totok in awakku, bo kain intau moantó tua in pinoniataan kon akuoi ain binaradosa.

YESAYA 2:2

Kon singgai mita moiduduimai buḷud kinoḻitúan in Baḷoi Tuhan inta moḷantud bo inta noisindog moroton kon tudu in buḷud mita bo tombuḷudnea mita. Bayongan in bangusa moyotakinbí in mayá intua,

YEREMIA 19:9

Musung in moḻipungbí kon kotá tanaa, bo moḷongasi moḻimod kon intau inta nogutun kon bonunea. Pongopungan tatua in námaidon tua in kotoyangnea, nodapot in intau mita kon kotá tanaa mosikaanandon kon tumpaḷa yobayat, nodapot in ki adí mita monia tontaní.”

MIKHA 3:3

Kinaan monimu in bangusaku. Kuḻitnea in binera-berak monimu bo tuḷannea mita in irimumud monimu. Pinongko-pongkó monimu in mosia naonda bo nomongkó kon tapú inta bonuon kon kuyon.

MIKHA 4:1

Kon singgai mita moiduduimai tombuḷud, tampat in Baḷoi Tuhan, in moisindogbí motorindog moipagor moḷantud moiḻiu kon buḷud mita bo tombuḷud mita. Bayongan in bangusa diá moobo-obot in mayá intua

OUMAN IN RASUL MITA 2:17

‘Kon singgai tumi, Akuoi in mobogoi in Roho-Ku kon bayongan in intau. Ki adímu mita ḷoḷaki bo ki adímu mita bobay in mopotaaubí kon i monimu in soaḷ mita inta pinotaau-Ku kon i monia. Intaumu mita inta nongobagupa in mokoontong kon soaḷ mita inta poontong-Ku kon i monia. Guyangamu mita in tumogoindopbí kon togoindop inta ogoi-Ku kon i monia.

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

TIMOTIUS 2 2:17

Singog monia tua in ḷumandai naonda bo panyaki kanker inta mokopatoi. Kon sigad monia tua in oyúondon in ki Himeneus bo ki Piletus.

YOSUA 24:27

Nopaḷut mako kon tua ki Yosua noguman kon bayongan in intau kon tua, “Batu tanaa in mobaḻí sakusi naton. Bayongan in tosingogon inta siningog i Tuhan kon inaton, aindon siningog kon tayowon in batu tanaa. Dá batudon tanaa in mobaḻí sakusi kon i monimu, sin moponorop kon i monimu sinbá diá moḷawang kon i Allahmu.”

PETRUS 2 3:3

Inta musti totok kotaauan monimu in nanaabí: Kon singgai tumi mamangoi in intau mita inta kobobiag monia kinawasa ibog in awak monia tontaní. Mosia in moningkuḻe kon i monimu.

WAHYU 17:16

Tungoi mopuḷú bo mahaḷuk inta inontongmu tua, moyaatbí in ginanea kon sundaḷ tatua. Daitonbí agowon monia in bayongan kapunyaannea, bo pilangan monia. Kaanonbí monia in tapúnea bo payongon monia in tuḷu.

WAHYU 20:15

Intau mita inta tangoi monia diá pinais kon bonu in Buk Intau Nobiag, pogambat kon bonu in dagat tuḷu.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”