YAKOBUS 5:2 - Alkitab Singog In Mongondow Masa In Tanaa

² Kaoyúonanmu nion ain nobongkog. Pakeangmu ain kinaan in anoi.

YAKOBUS 5:2 ပူးပေါင်းရင်းမြစ်များ

AYUB 13:28

Dá noyapakdon in akuoi ná kayu ampod; naonda bo daing kinarat in anoi sinumopad.

MAZMUR 39:11

Gamádon bui in hukuman-Mu nongkon inakó, sin akuoi in gogiódon matoi in kinotugatan in sambok-Mu.

YESAYA 50:9

Totuu, ki Tuhan Inta Totok in moḷantud in moduḷu kon inakó, ki ine in mokobaḻí moguman kon akuoi in kotaḷá? Komintan intau inta moponapud kon inakó in moyopúbí naonda bo yumbit in ketek kinaan in anoi.

YESAYA 51:8

Mosia in moyopúbí bo mobuḻi naonda bo pakeang kinaan in anoi bo kaeng bubuḷ in domba kinaan in sisik. Táe kasaḷamatan inta inogoi-Ku in mononoibí, kountungan-Ku in umuranbí oyúon modapot in adí bo ompu.”

YEREMIA 17:11

Naonda bo ḷagapan nogoob kon natu inta deeman natunea, natuata in intau inta diá mojujur mokouḻí kon kapunyaan. Kon umur moḻin gurangdon sia in kobuḻian in bayongan in kapunyaannea. Kon imbuit in kobiagannea moniata sia in intau inta bodok totok.

HOSEA 5:12

Tuamai in Akuoi in morimumudbí kon bangusa in Israel, bo moyopú kon intau in Yohuda.

LUKAS 12:33

Potaḷuidon in bayongan kapunyaanmu bo ogoi kon intau mita bogá. Bo pogaid kon pototaguan kon kapunyaanmu inta diá mogogu-goguyaat, tuata in tobatú kapunyaan inta mononoi, diá koyaputan in mononakow bo inta diá kopoguyaatan in sisik.

YAKOBUS 2:2

Sin aka oyúon in intau inta nooyúon inta nogisising buḷawan bo nogiḷambung mogaga in namangoi kon undanganmu, bo dodai intua namangoi doman in intau nobogá inta nomaké in ḷambung diádon notampuimai,

PETRUS 1 1:4

Kita in moharap mako sinbá mokouḻí kon barakat mita inta ain sinadia i Allah kon umat-Nea. Barakat mita tatua ain sinagú-Nea kon soroga, sahingga in diábí mogoguyaat, ande mobongkog ande mobaḷui.