YAKOBUS 5:19 - Alkitab Singog In Mongondow Masa In Tanaa

¹⁹ Utatku mita! Aka kon sigad monimu oyúon in intau inta diádon dinumudui kon totundú nongkon i Allah, bo oyúon in tobatú intau ibanea in nodia kon intau tatua nobui mangoi kon i Allah,

YAKOBUS 5:19 ပူးပေါင်းရင်းမြစ်များ

MAZMUR 119:118

Iko in doíbí kon intau inta sinumabat kon atorang-Mu, diábí in mangaḻe in tombuḻitok monia.

MAZMUR 119:21

Iko in monoboḷow kon intau inta moḷoḷatú, bo nongutuk kon intau inta sinumabat kon parenta-Mu.

AMSAL 19:27

Adíku, aka iko doídon mobalajar bui, yo koḻionganmudon onu inta ain binalajarmu.

YESAYA 3:12

Umat-Ku in rorigaanbí in intau mopopoḷuan in doit bo daiton gamáan in mopoporente. Umat-Ku in poḷaḻeon in itoinea mita modapot in diádon kotaauannea in daḷan inta musti bayáannea.”

YEHEZKIEL 34:16

Inta nobuḻi tayakon-Ku, inta noiḷaḻe diaan-Ku mobui, inta kinekeban bakuton-Ku in kekebnea inta notakit in undaman-Ku; táe inta noḷongó bo inta mosehat in yopúon-Ku, sin Akuoi in gombala inta mogaid kon onu inta mopia.

YEHEZKIEL 34:4

Domba mita inta noḻemé diábí ḷukadan monimu, inta notakit in diábí undaman monimu, inta kinekeban diábí binakut monimu, inta noiḷaḻe bo nobuḻi in diábí tayakon monimu bo diaan mangoi bui. Nodapotbí in bayongan in dombamu tatua in pomiaanbí monimu ibo-ibog.

MATIUS 18:15

“Aka ki utatmu bo nogaid kon dosa kon inimu, yo tongginaai in sia kon wakutu in tongá kamu-kamunda. Aka sia bo mokidongog kon tongginamu. Yo iko in nopotutui in daḷan inta mopia kon inia.

LUKAS 22:32

Táe iko Simon, aindon sinambayangan-Ku, sinbá motantú in pirisayamu. Bo aka iko mobuidon mangoi kon i-Nakó, yo mustimubí doman iropotanmu in gina in bayongan ginaḷummu.”

GALATIA 6:1

Utat mita! Aka oyúon intau in kino kadapatan monimu nogaid kon noitaḷá, dá moiko inta nobiag noidudui kon ibog in Roho i Allah, musti modia bui kon intau tatua mongindaḷan inta moitutui. Táe koḷukóon in mosingog, bo moiko in musti mokopoingat sinbá diá kopongaruan doman.

TIMOTIUS 1 6:10

Sin pomangkoian in bayongan inta moraat naa in ibogbí kon doit. Aindon tongonumai degá in intau inta umuran moramuji motayak kon doit, sahingga in diádon dinumudui kon totundú in agama Keresten, dá tongádon roriga in moiantug kon i monia bo inta mokoajar doman kon gina in kodungkuḷan monia tua.

TIMOTIUS 1 6:21

Sin oyúondon in intau inta motundú kon natua sahingga in doídon mosia dinumudui kon onu inta sinundú i Kristus Yesus. Igumon mako ki Allah in umuran mobogoi in barakat bo totabi kon i monimu komintan. Horomat nami, Ki Paulus

TIMOTIUS 2 2:18

Mosia tua ain inumukat kon totundú inta mobanar bo mopotombauk kon pirisaya in tongonumai intau. Mosia in noguman, kon kobiagan nongkon kinopatoian ain bidon nobaḻí.

IBRANI 5:2

Tongá mobayongpabí in kalemahan in imang moḷoben tatua, manangka intua sia in musti mokopoaḷus kon potosingog kon i monia inta diá monotaau kon onu bo onu bo kon i monia inta ain noitaḷá kon daḷan.

YAKOBUS 1:16

Utat mita inta kinotabiku, dika moibog koakaḷan in moiko!

YAKOBUS 1:19

Utat mita inta kinotabiku, tarukira kopira in naa! Pomuḷoi in intau musti ḻimikat in mokidongog, tongá mokopoḷaḷoi in mosingog bo donaai doman baḷú tumorú.

YAKOBUS 3:14

Táe aka moiko in mointoi bo tongá morai kon kopontingan tontaní, donaaibí pongaḷakuang monimu in kabijaksanaan tatua, sin dodia monimu natua in mopoyotuuybí in habar inta nobanar nongkon i Allah.

YAKOBUS 5:20

yo toropdon in tontagá tanaa: Intau inta ain nodia mangoi kon intau tobatú binaradosa bui namangoi kon i Allah, yo intau tatua ain noposaḷamat kon jiwa in intau baradosa tatua nongkon kinopatoiannea bo nokopopisí kon nobarong in dosa inampungan. Horomat nami, Ki Yakobus

PETRUS 2 3:17

Táe moiko utat mita inta kinotabiku, kinotaauan bidon monimu intua. Tuamai mokopoingat sinbá moiko in diá moidudui kon aid in intau mita moraat tatua bo inta diá doman nonotaau in hukum, bo moiko in moḷabú nongkon dodoyonan kobiagan monimu inta moroton.

YUDAS 1:11

Mobodito in mosia! Mosia in dinumuduidon kon onu inta inaidan i Kain. Inta tongá popisí in bá mokouḻí kon doit, dá nogaidon kon onu inta diá kinoibog i Allah, ná doman ki Bileam. Bo mosia tua in irimumud doman popisí in nomarontak ná ki Korah.