YAKOBUS 5:14 - Alkitab Singog In Mongondow Masa In Tanaa

¹⁴ Aka oyúon in motakit, yo musti in sia mogoiní kon itoi mita in jamaat. Bo itoi mita in jamaat tatua in musti mosambayang kon intau inta notakit tatua bo poḷat mopoḻepo in ḷana podoyon kon tangoi i Tuhan.

YAKOBUS 5:14 ပူးပေါင်းရင်းမြစ်များ

DATU MITA IMITÁNEA 17:21

Nopaḷut mako kon tua kotoḷu sinongkoban i Elia in adí tatua, poḷat doman nosambayang, “OoTuhan, Allahku, biagpa kaasí in adí tanaa!”

DATU MITA 2 4:33

Iḻingkopan i Elisa in ḷoḻingkop bodongka nosambayang kon i Tuhan.

DATU MITA 2 5:11

Nokodongogmai kon tua, sinumorú in ki Naaman bo noguman, “Kon inakó kamai dá siabí tontaní in ḷumuai bo mokipodungkuḷ kon inakó, bo mosambayang kon i Tuhan, Allahnea, bo moyapu kon awakku inta kinotugatan in takit tatua bo mopiadon in akuoi.

MARKUS 16:18

Aka mosia mokadai kon uḷag andeka monginum kon rasum, diábí mobodito in mosia. Bo aka kadaian monia in intau mita motakit yo mongopia.”

MARKUS 6:13

Murí mita i Yesus tatua in noguntun kon mobayong in dimukud moraat, mosia nopoḻepo in ḷana Zaitun kon intau motakit bo nopia doman in intau mototakit tua.

OUMAN IN RASUL MITA 11:30

Dá notobatú doman kon gina in mosia, bo nosipun kon totuḷung ogoi kon penatua mita. Totuḷung mita tatua inogoi pinoki dia monia kon i Barnabas bo kon i Saulus.

OUMAN IN RASUL MITA 14:23

Pomuḷoi in jamaat pinomiḻíandon i Paulus bo i Barnabas kon intau mita inta baḻíon itoi in jamaat tatua. Sinambayangan monia poḷat pinopuasaan bo pinosarakan monia kon i Tuhan inta pinirisaya monia tua.

OUMAN IN RASUL MITA 15:4

Naonda in noiyaputmai kon Yerusalem, mosia in sinomu in jamaat takin pia in gina, dá rasul mita tatua bo intau mita inta pinomia itoi monia kon jamaat tatua in nongonguman kon bayongan rupa-rupa inta aindon pinomia i Allah inta pinongin i monia.

OUMAN IN RASUL MITA 28:8

Wakutu intua ki amá i Publius notakit pinonikan in patú bo momorubut. Dá ki Paulus sinumuot bo noindoi poḷat nosambayang bodongka nomarakat kon i amá i Publius bo kon dodaipa doman tua nopia in sia.

OUMAN IN RASUL MITA 9:40

Táe nodaitnea pinoki ḷuaian in mosia kon gopot tatua, bo sia in sinumungkud nosambayang. Nopaḷut mako nosambayang, nobobui in sia kon mayat tatua bo noguman, “Tabita, pobangondon!” Dá ki Dorkas nobukádon kon mata, bo naonda inontongnea in ki Petrus, bango-bangon in sia bo iḻimitú.

TITUS 1:5

Uḻe Titus, sinuodkubí sinaḷáan in iko kon Kreta sinbá mopoyotutui kon onu inta paraḷupa poyotutuion. Ná doman tua, bá iko in momiḻídon kon intau mita inta motaau baḻíon itoi kon bonu in jamaat inta kon kotá-kotáannea. Umurai tarukira in singogku mita tanaa: