YAKOBUS 5:13 - Alkitab Singog In Mongondow Masa In Tanaa

¹³ Aka kon sigad monimu oyúon in kinoantugan in roriga, yo musti in sia mosambayang. Aka oyúon in moḷunganga, yo musti in sia modondong modayow kon i Allah.

YAKOBUS 5:13 ပူးပေါင်းရင်းမြစ်များ

TAWARIKH 1 16:9

Podondongdon in dodayow kon i Tuhan, oumandon in bayongan inta inaidan-Nea inta mokoherang.

AYUB 33:26

Aka mosambayang in sia, ki Allah in motabibí kon inia, dá sia in modayow kon i Allah takin ḷunganga in gina bo tompiaandon bui i Allah in kobobiagnea.

MAZMUR 105:2

Podondongdon in dondong dodayow kon i Tuhan, pohabardon in bayongan mia-Nea inta mokoherang.

MAZMUR 118:5

Kon bonu in rorigaku akuoi in nokuani kon i Tuhan; bo sinubagan-Nea poḷat pinoḷuat-Nea in akuoi.

MAZMUR 18:6

Akuoi in iḻibudon in bodito mokopatoi, poyogaḷap in popatoi kon tayowonkumai.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

MAZMUR 95:2

Koḻigai in kita mayá in tayowon-Nea takin dondong sukur, moronggiow kon i-Nia takin dondong dodayow.

YESAYA 65:14

Totuubí, mosia in morogiow takin ḷunganga in gina, táe moiko in mongombaḷbí takin moajar in gina.

DANIEL 5:4

Koyogot in monginum mosia in sindaḷan doman modayow kon dewa mita inta pinomia nongkon buḷawan, saḷaka, bitú, kayu bo batu.

HOSEA 6:1

Intau mita in Israel in noguman, “Igai mobuidon in kita kon i Tuhan. Siabí inta nopororiga kon i naton, táe Siabí doman inta monompia. Sia in nonongkekeb, táe Siabí doman in mobakut kon kekeb mita naton.

YUNUS 2:2

“O Tuhan, Kon bonu in rorigaku akuoi in mokuani kon ini-Mu bo Iko in motubag kon inakó. Nongkon dunia in intau minatoi akuoi mopoigum in totuḷung, oigumku in inindongogan-Mu bo inindoian-Mu.

MIKHA 4:5

Bayongan in bangusa kon dunia naa in mosumba bo motoindudui kon dewanea tontaní. Táe kita in motoinduduibí kon i Tuhan Allah naton bo mosumba kon i-Nia modapot in mononoi.

MATIUS 26:30

Nopaḷut mako, mosia nopodondong in dondong dodayow. Bo nopaḷut mako kon tua mosia in notakodon kon Buḷud in Zaitun.

LUKAS 22:44

Tantúdon moondok in Sia, dá umurandon in Sia mosambayang. Uḷat-Nea in naonda bo dugú motait kon butá.]

LUKAS 23:42

Nosingog mako natua, sia in noguman kon i Yesus, “Yesus, toropdon in akuoi aka iko in mamangoidon saḷaku Datu!”

KORINTUS 1 14:15

Dá onubí in musti aidanku? Tanaa in aidanku: Aka rohoku mosambayang yo akuoi in dumudui doman mosambayang kon bonu in raianku. Akuoi in modondong takin rohoku táe akuoi in moibog doman modondong takin raianku.

KORINTUS 1 14:26

Dá uḻe utat mita, onu in mangaḻe intua komintan? Aka moiko moyosipun sin mosumba kon i Tuhan, oyúon in modondong, oyúon in motundú, oyúon mopoyaput in habar nongkon i Allah, oyúon in mosingog kon bonu in bahasa inta mokoherang bo oyúon doman in moginsilang kon onu inta pinoguman in intau tatua. Táe tua komintan in mustibí aidan sin motundú kon ponompia kon i monia komintan.

EPESUS 5:19

Pakédon in singog mita inta nongkon Mazmur, dondong inta pinodayow kon i Allah bo dondong rohani, kon wakutu in moiko moyosingog. Kosanang in gina bo mopodondong in dodayow kon i Tuhan.

IBRANI 5:7

Kon wakutu in ki Yesus nobiagpa kon dunia naa, Sia in nosambayang bo nopoigum takin koamu-amui bo koomba-ombaḷ kon i Allah inta mokosanggup moposaḷamat kon i-Nia nongkon roriga in popatoi. Bo lantaran Sia umuran dinumudui kon onu in kinoibog i Allah, dá inindongogan i Allah in pinoigum-Nea tua.

YAKOBUS 5:10

Utat mita, toropdon in nabi mita inta nosingog pinodoyon kon tangoi i Tuhan. Mosia in nosabar bo notaba in kinoantugan in yoyiga. Dá baḻídon in mosia saḷaku contoh.

WAHYU 14:3

Mosia tua in nopodondong in dondong inta mobagu kon tayowon tampat pomomarentaan bo kon tayowon in mahaḷuk opat bo itoi mita. Diábí in tobatúmai intau mokobalajar kon dondong tatua, koḻikudbí in intau inta 144.000 inta ain pinobebas nongkon dunia naa.

WAHYU 7:10

Mosia in nomaḷú noropot nanaa: “Kasaḷamatan naa in tongábí nongkon i Allah naton inta iḻimitú kon tudu in tampat pomomarentaan bo nongkon i Adí in Domba tatua!”