YAKOBUS 4:15 - Alkitab Singog In Mongondow Masa In Tanaa

¹⁵ Mustibí nanaa in singogon monimu: “Aka ogoi i Tuhan mobiag in kami dá mogaid in kami kon naa ande kon tua.”

YAKOBUS 4:15 ပူးပေါင်းရင်းမြစ်များ

AMSAL 19:21

Intau mobayong in tomayá, táe tongábí onu in sinantú i Tuhan in mobaḻí.

OMBAḶ 3:37

Aka oyúon in kinodoí i Tuhan, yo notantúbí kon intau in diábí mokopongonu kon tua.

OUMAN IN RASUL MITA 18:21

Táe umpaka natua, wakutu in mobuatdon, sia in noguman kon i monia, “Aka umuranpa totabion i Allah dá moiangoibí bui kon naa in akuoi.” Naonda in noguman mako kon natua, minayádon in sia nongkon Epesus.

SURAT I PAULUS KON JAMAAT RUM 1:10

Poigumonkupa doman mako kon i Allah sinbá ogoian-Neapa in kasampatan tanaa mako in akuoi mokipodungkuḷ kon i monimu.

SURAT I PAULUS KON JAMAAT RUM 15:32

Sinbá aka ogoianpa i Allah in kasampatan, dá mamangoipa in akuoi kon i monimu takin gina mosanang, bo moonowdon totok in ginaku kon yua-yuak monimu.

KORINTUS 1 16:7

Akuoi in doíbí mokipodungkuḷ kon i monimu tongá sakadar mongandup mako natua. Aka ogoian i Tuhan in kasampatan, yo mogutunpabí moḻin onggot in akuoi takin i monimu.

KORINTUS 1 4:19

Aka diá in ḷabot yo diá bidon moonggot in akuoi bo bui mamangoi mokipodungkuḷ kon i monimu. Bain kon wakutu intua bo indoianku mongo onu in motaau aidan in intau inta mongododia tatua; deemanbí tongá kon bibig monia.

IBRANI 6:3

Bo tuatadon in aidan naton, aka ogoian i Allah in kasampatan.

YAKOBUS 4:16

Táe tanaa mako moiko in mokaḷakuang bo moambungangaḷ. Bayongan in ambungangaḷ natua in noitaḷábí.