YAKOBUS 3:6 - Alkitab Singog In Mongondow Masa In Tanaa

⁶ Dilá tua in naonda bo tuḷu. Kon awak naton, sia in mobaḻí pangkoi in moraat inta mopobaya-bayá mako in moraat kon bayongan in awak naton. Takin tuḷu inta nongkon naraka, sia in momokak kon bayongan kobiagan naton.

YAKOBUS 3:6 ပူးပေါင်းရင်းမြစ်များ

SAMUEL 2 16:20

Onda intua noguman in ki Absalom kon i Ahitopel, “Pogumandon mongo onu in pomiaan naton.”

SAMUEL 2 19:43

Intau in Israel in notubag, “Hak nami kon i datu in mopuḷú noguntuḷ in koḷobennea nongkon i monimu. Nongonu sin moiko in diábí moindoimai kon inami? Dika koḻiongan kon kamibí naa inta muna-munamai totok noguman kon modiadon bui kon i datu mobui!” Táe intau in Yohuda in motoga-togat in intau in Israel bo doí taḷowon.

TAWARIKH 2 13:17

Moḷoben totok in kinotungkudan inta pinoantug i Abia bo tontaranea kon intau in Israel; 500.000 in tontara monia inta mongopia in minatoi.

MAZMUR 140:3

Mosia in monomayá kon inta moraat kon bonu in gina, bo pomuḷoi in singgai mokopomuká kon bobayowan.

MAZMUR 64:3

Oḻingoiaipa in akuoi nongkon pinoyopopogan in intau moromú, nongkon tomayá molicik in intau mita moraat.

AMSAL 15:1

Singog inta moḷukó, mokopiong kon torú; tubag inta mopatú mokotagab kon torú.

AMSAL 16:27

Intau moraat moḷongasi mopobodito kon tumpaḷa intau; tosingogonnea mita moraat ná tuḷú mokopokak.

AMSAL 7:5

Hikmat in mopoyayú kon inimu nongkon bobay sundaḷ, nongkon bobay inta mopandoi modondouḷug pongin tosingogonnea inta mopia.

YESAYA 30:27

Kawasa bo kamuliaan i Tuhan koontongan nongkon moyayú. Tuḷú bo poyok moponiata kon torú-Nea. Sia in moyosingog takin i monia, bo tosingogon-Nea mita momokak naonda bo tuḷú.

YESAYA 50:11

Ei moiko inta moibog mopobodito kon intau ibanea, moiko in yopúonbí in tomayámu tontaní. Ki Tuhanbí in mopobaḻí intua. Moiko in rorigaanbí totok.

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

YEREMIA 28:16

Tuamai in ki Tuhan tontaní in noguman kon iko in yopúon-Neabí nongkon dunia naa. Taong tanaa doman matoi in iko, sin iko in nopotabádon kon bangusa tanaa noḷawang kon i Tuhan.”

PINOGIAPAN 25:2

Bobay mita tatua nonongganut kon i monia mayá in bobutungan kuruban sin mohoromat kon i ilah monia. Intau mita in Israel sinumakin doman nokaan kon kaanon kuruban tatua bo nosumba doman kon ilah intau in Moab.

PINOGIAPAN 31:16

Diá kinotaauan monimu kon bobay mita tatua in dinumudui domandon kon tonggina i Bileam, inta nodondouḷugdon kon umat Israel kon Peor sin monaḷámai kon i Tuhan? Bo tuata in nokopopisí kon umat i Tuhan kinoantugan in bodito!

MATIUS 12:24

Táe naonda intau in Parisi nokodongog kon tua, mosia in noguman, “Sia naa nomaké in kawasa i Beelzebul, inta tongguḷu in dimukud mita moraat.”

MATIUS 5:22

Táe Akuoi in moguman kon i monimu, pomuḷoi intau inta tumorú kon i utatnea, yo musti hukumon; bo ki ine in moguman kon i utatnea kaper yo musti popotayow kon Itoi in Agama. Bo ki ine in moguman, ‘Pompuḷong,’ yo musti (pogonag) kon naraka inta kodoko-dokot.

MARKUS 7:15

Deemanbí inta kinaan intau in mokonajis, táe inta iḷumuaibí nongkon bibig in mokonajis kon inia. [

LUKAS 16:24

Dá intau nooyúon tatua in nomaḷú, ‘Amá Abraham! Kotabipa in akuoi naa. Tuḷungaipa potabá in ki Lazarus mopoḷodok in tononuyúnea kon tubig bo mamangoi momuntad kon diláku. Akuoi in totok in mororiga kon bonu in tuḷu tanaa!’

OUMAN IN RASUL MITA 20:30

Modapot in oyúon doman in intau mita kon sigad monimu in mobaḻí mopopotaau in habar inta diá totuu. Mosia in mogaid kon natua sinbá intau mita inta ain nopirisaya kon i Yesus in moiḷaḻe bo dumudui kon i monia.

OUMAN IN RASUL MITA 5:3

Dá ki Petrus in noḻibó kon inia, “Ananias nongonu sin pomayámubí mako in Ibilis mongawasa kon ginamu, modapot in iko monguboḷ kon Roho i Allah, takin umuni-uni mako motagú kon boḻi in butá ibanea sin pakéonmu tontaní?

OUMAN IN RASUL MITA 6:13

Noiyaputmai kon tua inoinídon monia in intau mita inta ain sinokouboḻian monia sinbá mayá kon muna bo mobogoi in katarangan inta diá totuu bo moguman, “Intau tanaa in umuranbí mopoompámai kon Baḷoi Tuhan bo parenta mita i Allah inta pinoyaput i Musa.

ULANGAN 13:6

Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

TITUS 1:11

Intau mita natua in mustibí tokohukumon in bibig monia, sin onu in sinundú monia tua, tongábí mopotombauk kon raian in intau mita inta nobiag tobaḷoian. Tua mita in pinomia monia sin motayak kon kauntungan inta diá patus.

YAKOBUS 2:7

Mosiabí tuata inta nohina kon tangoi mopia inta sinarima monimu nongkon i Allah!

YAKOBUS 3:7

Bayongan in mahaḷuk inta kaḻig, ḷagapan mita, takin mahaḷuk mita inta ḷumandai mayá bo mahaḷuk mita kon dagat motaaubí yonokon bo noyonok domandon in intau.

PETRUS 2 3:3

Inta musti totok kotaauan monimu in nanaabí: Kon singgai tumi mamangoi in intau mita inta kobobiag monia kinawasa ibog in awak monia tontaní. Mosia in moningkuḻe kon i monimu.

YOHANES 3 1:10

Tuamai, aka akuoi in mamangoidon, yo daitonkudon oumanon in bayongan inta pinomianea, inta kopiadon mongonguman kon soaḷ mita uboḷ sin moporaa-raatmai kon i nami! Deemanbí doman tongá tua in pinomianea, sin kon tungkuḷ in ki utat mita naton tumpaḷa Keresten namangoi, doí in sia notarima kon i monia. Nodapotbí in ilarangnea in intau mita inta moibog motarima kon utat mita tatua, nodapot in pinoḷuaineadon in intau mita tatua kon bonu in jamaat!

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.

WAHYU 13:14

Bo bayongan in intau inta nobiag kon dunia naa akaḷannea in aidnea inta pinomianea kon tayowon in mahaḷuk inta muna tatua. Mosia in pinoki aidannea in patong mahaḷuk inta ain kinekeban in pitow, táe umuranpa nobiag.

WAHYU 18:23

Intau mita in diá bidon mokoontong kon bayag in togá kon kotámu; bo diábí domandon kodongogan in poramean ponikaan kon tua. Podagangmu mita tua in intaubí mita moḷoben kon dunia naa, bo totaau pongonggaingmu tua in pinonguboḷmu kon bayongan in intau kon dunia naa!”

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.