YAKOBUS 3:18 - Alkitab Singog In Mongondow Masa In Tanaa

¹⁸ Soaḷ inta mopia tua bungaibí in bibit dodamean inta inambor in intau inta moibog in dodamean!

YAKOBUS 3:18 ပူးပေါင်းရင်းမြစ်များ

MAZMUR 92:14

Mosia in naonda bo pangkoi in kayu inta pinomuḷa kon Baḷoi Tuhan, bo mobui kon Baḷoi Allah naton,

AMSAL 11:18

Kauntungan in intau moraat in kauntunganbí inta diá in mangaḻenea, kauntungan in intau inta nogaid kon inta mopia in kauntungan inta moḷoben in mangaḻenea.

AMSAL 11:28

Ki ine in mopongata in kaoyúonan in mototakbí naonda bo dáun noingkag; intau inta mobanar in modugangbí mobayong naonda bo tokat moguod

AMSAL 11:30

Intau inta mobiag motoindudui in kinoḷukadan bidon in kobiagannea; intau inta mobijaksana modugang in dumoduduinea.

HOSEA 10:12

Akuoi in moguman, ‘Ei Israel! Bukádon in gobá mobagu kon inimu, ponimboidon in bibit in kooadil, bo koyutdon in barakat inta pinomungai in tabimu inta totu-totuu kon i-Nakó. Sin, wakutuneadon iko in motayak kon i-Nakó, ki Tuhanmu. Akuoi in mamangoibí bo mopoinggú in barakat-Ku kon inimu.’

AMOS 6:12

Yo degá mokoribatukpa in kabaḷo kon buḷud batu? Nokoimontandon degá in intau nopomajeko in sapi kon dagat? Táe moiko in nonuuidon kon kooadil nobaḻí rasum inta mokopatoi, bo inta moitutui mobaḻí moitaḷá.

MATIUS 5:9

Pia in kamang in intau inta moibog in dodamean; sin mosia tua in tangoion ki adí mita i Allah!

YOHANES 4:36

Bo tanaapabí doman mako bo intau inta mokokoyut tua in motarima kon tondan in pinogaidannea bo mosipundon kon bungai in kobiagan mopia bo inta mononoi. Dá intau inta nomuḷa bo inta nokoyut tumpaḷabí moḷunganga in gina.

GALATIA 6:8

Aka ki ine in nomuḷa pinodoyon kon tabiat in intau, yo kopatoian in mouḻínea. Táe aka sia bo nomuḷa pinodoyon kon koibog in Roho i Allah, yo kobiagan mononoi in mouḻínea nongkon Roho i Allah.

PILIPI 1:11

Moiko in mobiag takin oaid mita inta totu-totuu mopia inta tongábí mouḻí nongkon i Yesus Kristus tontaní, dá ki Allah pomuliaan bo dayowon.

IBRANI 12:11

Totuubí kon wakutu in kita sambokon, diábí mosanang in gina naton, sedang bo monakitbí totok. Táe moiduduimai kon tua, kita inta sinambok, yo sambok tatua in momaḷuibí kon oaid naton, sahingga in kita nobiagdon podudui in ibog i Allah, bo bungainea kon tua in mosanangdon totok in gina naton.

YAKOBUS 1:20

Sin intau inta tumorú, diá mokopogaid kon inta mopia, inta mokosanang kon gina i Allah.