YAKOBUS 2:25 - Alkitab Singog In Mongondow Masa In Tanaa

²⁵ Natua doman in ki Rahab, bobay sundaḷ tua. Sia sinarima nopia i Allah popisíbí in oaidnea, wakutu in sinarimanea kon baḷoinea in totabá mita intau Israel bo sinuḷungannea pinoḷagui in mosia nongin daḷan ibanea.

YAKOBUS 2:25 ပူးပေါင်းရင်းမြစ်များ

MATIUS 21:31

Yo ki ine in kon sigad nayadua tua in nogaid kon inta kinoibog i amánea?” Tubag monia, “Inta guya-guyang.” “Poguman-Ku kon i monimu: Intau inta mononagi kon pajak bo bobay mita inta sundaḷ in moiuna kon i monimu tumuot mobaḻí anggota in umat i Allah. “Inta induanea,” tubag in imang mita tongguḷunea bo itoi mita in Yahudi tatua.

OUMAN IN RASUL MITA 17:7

bo sinarima doman i Yason kon baḷoinea. Mosia naa inta umuran moḷawang kon atorang mita i Kaisar kon Rum, sin mosia in noguman kon oyúonbí in datu ibanea inta ki Yesus in tangoinea.”

IBRANI 11:31

Popisí in oyúon in pirisaya, dá ki Rahab, bobay sundaḷ tua in diábí kinoḻimodan noyotakin in intau mita inta noḷawang kon i Allah; popisí in nopia totok in pinototomunea kon totabá mita in intau Israel.

YAKOBUS 2:18

Degá oyúon intau in moguman, “Oyúon intau in umandoḷ kon pirisayanea bo oyúon doman in umandoḷ kon oaidnea.” Dá akuoi in moguman, “Poontongka kon inakó in pirisaya takin diá in oaid bo poontongku kon inimu in oaidku saḷaku bungai kon akuoi in mopirisaya.”

YAKOBUS 2:22

Nosilangdon kon naa kon pirisaya in musti poniata kon oaid sinbá mosompurna.

YAKOBUS 2:24

Nosilangdon tanaa, kon intau tarimaan mopia i Allah lantaran onu inta inaidan in intau tatua, bo deemanbí tongá popísí in pirisayanea tatua.

YOSUA 2:1

Onda intua nongkon pinononḷoḷaigan kon Sitim, ki Yosua nopotabá in toimata doyowa minayá in Kanaan. Toimata doyowa tatua pinotabá monaridi kon butá in Kanaan takin umado-adop, totok moponting kon tua in kotá in Yerikho. Dá minayá in mosia kon kotá tatua, bo nongandupdon in mosia kon baḷoi in bobay inta sundaḷ tobatú, ki Rahab in tangoinea.

YOSUA 2:15

Baḷoi i Rahab naa pinosindog kon tudu in dinding in kotá, dá pinopoponagdon i Rahab in mosia pinongin jandela sinuntun kon tontogot.

YOSUA 2:16

“Bayádon ná buḷud,” guman i Rahab kon i monia, “Sinbá moiko diádon kodomokan in intau mita inta pinotabá i datu. Pogadopa kon tua kon bonu in toḷu nosinggai modapot in mosia mobuidon, bain tua bo motaaudon in moiko mongingguput kon bobayáan.”

YOSUA 2:4

“Totuubí kon oyúonbí in intau namangoi in baḷoiku,” tubag i Rahab, “tongá diábí kinotaauanku mongo nongkon onda in mosia. Mosia in minayádon kon tungkuḷ in noungkuḷomdon kon dodai in ḷoḻingkop in kotá diápa iḻingkopan. Bo diá doman iḻibóku mongo mayá in onda in mosia, táe aka ḷagi batukon in mosia, dá degá kobatukanpabí.” (Bokaka toimata doyowa tatua in binunidon i Rahab kon bontuyungan in wawa kon ḷuntung in baḷoinea.)

YOSUA 6:17

Bayongan in kotá takin tombonunea musti daiton monimu payongon mobaḻí sosumba kon i Tuhan. Tongá ki Rahab, bobay sundaḷ takin ginaḷumnea in pomayádon mako in mobiag, sin sia in notuḷungdon kon toimata mita naton.