YAKOBUS 2:24 - Alkitab Singog In Mongondow Masa In Tanaa

²⁴ Nosilangdon tanaa, kon intau tarimaan mopia i Allah lantaran onu inta inaidan in intau tatua, bo deemanbí tongá popísí in pirisayanea tatua.

YAKOBUS 2:24 ပူးပေါင်းရင်းမြစ်များ

MAZMUR 60:12

O Allah, diá degá in Iko noyotakin nami? Diá degá in Iko mayá moparang takin tontara nami?

SURAT I PAULUS KON JAMAAT RUM 3:28

Sin nanaabí in simpod in singog: Intau in sinangoian noyopiadon bui i Allah, deemanbí popisí in nogaid kon onu inta pinais kon hukum in agama Yahudi, táe popisíbí in pirisayanea kon i Yesus Kristus.

YAKOBUS 2:23

Tua noyokaan in tontagá kon Buk Motusi inta noguman nanaa: “Ki Abraham in nopirisaya kon i Allah, bo lantaran pirisayanea tatua dá sinarima i Allah in sia saḷaku intau inta nogaid kon onu in kinoibog i Allah.” Tuamai ki Abraham in sinangoi, “Yobayat i Allah”.

YAKOBUS 2:25

Natua doman in ki Rahab, bobay sundaḷ tua. Sia sinarima nopia i Allah popisíbí in oaidnea, wakutu in sinarimanea kon baḷoinea in totabá mita intau Israel bo sinuḷungannea pinoḷagui in mosia nongin daḷan ibanea.